"Müasir dövlət siyasətində Heydər Əliyev ideyalarının yaşadılması" mövzusunda tədbir keçirilib

Bakı:

19 °C

83 %

14 m/s

AZ RU EN

Ana səhifə / YAP xəbərləri / "Müasir dövlət siyasətində Heydər Əliyev ideyalarının yaşadılması" mövzusunda tədbir keçirilib

"Müasir dövlət siyasətində Heydər Əliyev ideyalarının yaşadılması" mövzusunda tədbir keçirilib

18.02.2026 [11:53]

Yeni Azərbaycan Partiyası Kəlbəcər rayon təşkilatının tərəfindən Şərqi Zəngəzur Regional Təhsil İdarəsi Kəlbəcər rayon 17 nömrəli tam orta məktəbdə "Müasir dövlət siyasətində Heydər Əliyev ideyalarının yaşadılması" mövzusunda tədbir keçirildi.
Tədbirdə YAP Kəlbəcər rayon təşkilatının sədri Həbib Misirov, məktəbin direktoru, ərazi partiya təşkilatının sədri Esmira Hüseynova, və məktəbin pedaqoji kollektivi iştirak ediblər.

Ümummilli lider Heydər Əliyevin və ərazi bütövlüyümüz uğrunda canlarını fəda etmiş şəhidlərimizinəziz xatirəsi bir dəqiqəlik sükutla yad olunub.

YAP Kəlbəcər rayon təşkilatının sədri Həbib Misirov çıxış edərək bildirib ki, 1993-cü ildə xalqın təkidli tələbi ilə hakimiyyətə qayıdan Ulu öndər Heydər Əliyev ölkəni xaosdan, parçalanma təhlükəsindən xilas edərək dövlətçiliyin əsaslarını möhkəmləndirib, Azərbaycanın beynəlxalq aləmdə mövqeyini gücləndirib. Qeyd olunub ki, bu siyasi kurs bu gün Prezident İlham Əliyev tərəfindən uğurla davam etdirilir. Sədr vurğulayıb ki, Ali Baş Komandanın rəhbərliyi ilə Azərbaycan Vətən müharibəsində tarixi Zəfər qazanaraq suverenliyini tam bərpa edib, ölkəmizin beynəlxalq nüfuzu daha da artıb. Bu gün Qarabağ və Şərqi Zəngəzurda genişmiqyaslı quruculuq və bərpa işləri aparılır, müasir şəhərsalma prinsiplərinə uyğun yeni yaşayış məntəqələri salınır. Sədr qeyd etdi ki, Azərbaycanın Birinci vitse-prezidenti Mehriban Əliyevanin rəhbərliyi ilə təhsil infrastrukturunun inkişafı, məktəblərin tikintisi və əsaslı təmiri istiqamətində mühüm layihələr həyata keçirilir.

Məktəbin direktoru Esmira Hüseynova çıxış edərək dövlət başçısı və Birinci vitse-prezident tərəfindən ölkədə aparılan genişmiqyaslı quruculuq və bərpa işlərindən danışıb. O, azad olunmuş ərazilərdə həyata keçirilən yenidənqurma layihələri, əhalinin doğma yurdlarına qayıdışı və təhsil infrastrukturunun bərpası istiqamətində görülən işlər barədə tədbir iştirakçılarına ətraflı məlumat verib.

Çıxışlarda qeyd olunub ki, artıq Kəlbəcərə Böyük Qayıdış prosesi başlayıb, əhali mərhələli şəkildə doğma torpaqlarına qayıdır, yeni sosial və təhsil infrastrukturu qurulur. Məktəblərin yenidən tikilməsi və müasir avadanlıqlarla təchiz edilməsi dövlətin təhsilə göstərdiyi xüsusi diqqətin bariz nümunəsidir.

Tədbirin sonunda YAP Kəlbəcər rayon təşkilatı tərəfindən bir qrup YAP fəallarına fəxri fərmanlar təqdim olunub.

Paylaş:

Baxılıb: 454 dəfə