Daşkəsən rayonunun Quşçu kəndində Qərbi Azərbaycan icmasının üzvləri ilə görüş keçirilib

Bakı:

20 °C

53 %

5 m/s

Əlaqə

AZ RU EN

Ana səhifə / YAP xəbərləri / Daşkəsən rayonunun Quşçu kəndində Qərbi Azərbaycan icmasının üzvləri ilə görüş keçirilib

Daşkəsən rayonunun Quşçu kəndində Qərbi Azərbaycan icmasının üzvləri ilə görüş keçirilib

05.02.2026 [20:35]

Fevralın 5-də Daşkəsən Rayon İcra Hakimiyyəti, Qərbi Azərbaycan İcması Daşkəsən rayon nümayəndəliyi və YAP Daşkəsən rayon təşkilatının birgə təşkilatçılığı ilə keçirilən görüşdə RİH-nin məsul əməkdaşı Elmar Əliyev, Qərbi Azərbaycan İcmasının rayon nümayəndəliyinin sədri Malik Ələsgərov, Daşkəsən Rayon Ağsaqqallar Şurasının sədri Cavanşir Qocayev, YAP rayon təşkilatının məsləhətçisi Sərdar Xıdırov və İcma üzvləri iştirak ediblər.

Yığıncaq Ulu Öndər Heydər Əliyevin və şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Sonra çıxış edənlər görüşün məqsəd və əhəmiyyətindən danışıblar. Bildirilib ki, Qərbi Azərbaycan İcmasının əsas hədəfi tarixi Azərbaycan torpaqlarından deportasiya olunmuş soydaşlarımızın hüquqlarının beynəlxalq hüquq normaları çərçivəsində təmin edilməsi, onların tarixi yurdlarına dinc və təhlükəsiz şəkildə qayıdışına nail olunmasıdır.

RİH-nin məsul əməkdaşı Elmar Əliyev dövlətimizin Qərbi Azərbaycan məsələsinə göstərdiyi xüsusi diqqət və qayğıdan söz açaraq, bu istiqamətdə həyata keçirilən ardıcıl tədbirlərin əhəmiyyətini vurğulayıb. Qeyd edib ki, Prezident cənab İlham Əliyevin rəhbərliyi ilə aparılan məqsədyönlü siyasət Qərbi azərbaycanlıların haqq səsinin beynəlxalq ictimaiyyətə çatdırılmasına geniş imkanlar yaradır.

Qərbi Azərbaycan İcmasının Daşkəsən rayon nümayəndəliyinin sədri Malik Ələsgərov icmanın qarşıda duran vəzifələri, həyata keçirilən maarifləndirmə tədbirləri və gələcək planlar barədə məlumat verib. Diqqətə çatdırıb ki, 26 yanvar 2023-cü ildə qəbul edilmiş Qərbi Azərbaycana Qayıdış Konsepsiyasına Qərbi azərbaycanlıların öz torpaqlarına qayıtmaq hüququ, bu prosesin beynəlxalq hüquqla həyata keçirilməsi, qayıdılacaq ərazilərdə beynəlxalq sülh missiyasının fəaliyyətinin təmin edilməsi, qayıdanların əvvəlki məskunlaşmaq coğrafiyasının təmin edilməsi daxildir. Sənədə görə, qayıdacaq azərbaycanlıların Azərbaycan Respublikası ilə maneəsiz əlaqəsi təmin edilməli, habelə Qərbi azərbaycanlıların evləri və icma torpaqları onlara qaytarılmalıdır. Həmçinin azərbaycanlıların mədəni irsi bərpa olunmalı, yer adları dəyişiklikləri ləğv edilməli və azərbaycanlılara qarşı ayrı-seçkiliyə yol verilməməlidir. Qərbi Azərbaycan icması qayıdışdan sonra da legitim tərəf olaraq bütün proseslərdə iştirak etməlidir.

Daşkəsən Rayon Ağsaqqallar Şurasının sədri Cavanşir Qocayev isə çıxışında ağsaqqalların bu prosesdə üzərinə düşən məsuliyyətdən danışıb, gənc nəslin tarixi yaddaşının qorunmasının vacibliyini vurğulayıb.

YAP Daşkəsən rayon təşkilatının məsləhətçisi Sərdar Xıdırov çıxışında partiyanın bu məsələdə mövqeyinin birmənalı olduğunu bildirib, İcma üzvlərinin birliyinin vacibliyini qeyd edib.

Görüş müzakirələrlə davam edib, icma üzvlərini maraqlandıran suallar cavablandırılıb, təklif və fikirlər dinlənilib. Deyilib ki, Daşkəsən rayonunun Quşçu kəndində kompakt şəkildə yaşayan Qərbi azərbaycanlılar tarixi yaddaşlarını qorumaqla yanaşı, İcmanın həyatında fəal iştirak edirlər. Onlar Ulu Öndər Heydər Əliyevin siyasi irsinə sadiq qalaraq, Prezident cənab İlham Əliyevin ətrafında sıx birləşərək milli həmrəyliyin və dövlətçiliyimizin möhkəmləndirilməsinə dəstək göstərirlər.

Tədbir Qərbi Azərbaycan xronikasını əks etdirən videomaterialların nümayişi ilə yekunlaşıb.

Paylaş:

Baxılıb: 549 dəfə