Qalib ölkənin qalib gəncləri

Bakı:

21 °C

94 %

3 m/s

Əlaqə

AZ RU EN

Ana səhifə / YAP xəbərləri / Qalib ölkənin qalib gəncləri

Qalib ölkənin qalib gəncləri

02.02.2026 [14:05]

2 feval gününün Gənclər Günü kimi elan olunması Ulu Öndər Heydər Əliyevin adı ilə bağlıdır. Məhz Ulu Öndərin hakimiyyətə ikinci dəfə qayıdışından sonra Azərbaycanda dövlət gənclər siyasətinin əsas qoyuldu.1994-cü ildə dövlət gənclər siyasətini icra edən Gənclər və İdman Nazirliyi yaradılıdı. Ulu Öndərin prezidentliyi dövründə ölkə gəncləri onun diqqət və qayğısını daim öz üzərlərində hiss etdilər. 1996-cı il 2 fevral tarixində məhz Ulu Öndər Heydər Əliyevin dəstəyi ilə gənclərin 1-ci forumu keçirildi. 1997-ci ildən isə Prezident sərəncamı ilə 2 fevral Azərbaycanda Gənclər Günü kimi qeyd olunmağa başaladı.

Əsası Ulu Öndər tərəfindən tərəfindən qoyulan dövlət gənclər siyasəti bu gün ölkəmizdə Prezident İlham Əliyev tərəfindən uğurla davam etdirilir. Ötən dövr ərzində həyata keçirilən dövlət gənclər siyasəti Azərbaycan gəncliyinin inkişafına təkan vermiş, onların özlərini cəmiyyətdə təsdiq etməsində mühüm rol oynamışdır. Ölkəmizin bütün bölgələrində gənclərin hərtərəfli inkişafı üçün ardıcıl tədbirlər görülür, elm və təhsil ocaqları, gənclər evləri, idman kompleksləri tikilib istifadəyə verilir. Bunun nəticəsidir ki, bugünkü Azərbaycan gəncliyi cəmiyyət həyatının bütün istiqamətlərində fəal iştirak edir, yüksək intellektli toplum kimi yetişir, beynəlxalq miqyaslı yarış və tədbirlərdə ölkəmizi layiqincə təmsil edir.

Prezident İlham Əliyevin bu sahəyə olan diqqəti özünü ayrıca bir ilin, 2007-ci ilin "Gənclər ili" elan edilməsində də göstərdi. Dövlətimiz tərəfindən həyata keçirilən addımların nəticəsidir ki, Azərbaycan gənci durmadan inkişaf edərək çağdaş dövrün tələbləri ilə səsləşir, milli maraqlar uğrunda əzmlə mübarizə aparır, Vətəni göz bəbəyi kimi qoruyur.

Gənclərimiz 44 günlük İkinci Qarabağ müharibəsində böyük qəhrəmanlıq və şücaət göstərdilər. Vətən müharibəsi dövründə gənclər həm də sosial şəbəkələrdə çox fəal oldular və informasiya cəbhəsində üstünlümüzə öz töhfələrini verdilər. Bu gün cəmiyyətimizin böyük hissəsini təşkil edən gənclər ölkəmizin həyatında çox önəmli rol oynayır. Gənc nəslin təşəbbüsləri, onların əməyi hər yerdə görünməkdədir. Azərbaycan gəncləri azad, sabitlik olan, özünə güvənən ölkədə yaşayırlar.

Bu gün qalib Azərbaycan gənci “Böyük Qayıdış” proqramının icrası ilə daha bir milli prioritetin gerçəkləşməsində önəmli vəzifələr icra etməkdədir. Gənclərimiz azad olunmuş və yenidən inşa olunan Azərbaycan torpaqlarında yaşayıb, yaradır, gələcək nəsillər üçün xoşbəxt həyat şəraiti qurmağa çalışırlar. Gənclər öz gələcək həyatını düzgün müəyyən etmək və ölkənin inkişafına davamlı töhfələr vermək üçün səy göstərirlər. Artıq ərazi bütövlüyü tam təmin olunmuş Azərbaycanda yaşayan, qalib Ölkənin qalib gəncləri xoşbəxtdirlər.

Sevinc Xəlilova

YAP Samux rayon təşkilatının sədr müavini

Paylaş:

Baxılıb: 674 dəfə