Şəmkir rayonunda “20 Yanvar həqiqətlərinin dünya ictimaiyyətinə çatdırılmasında Ümumilli Lider Heydər Əliyevin rolu” mövzusunda tədbir keçirilib

Bakı:

27 °C

47 %

5 m/s

AZ RU EN

Ana səhifə / YAP xəbərləri / Şəmkir rayonunda “20 Yanvar həqiqətlərinin dünya ictimaiyyətinə çatdırılmasında Ümumilli Lider Heydər Əliyevin rolu” mövzusunda tədbir keçirilib

Şəmkir rayonunda “20 Yanvar həqiqətlərinin dünya ictimaiyyətinə çatdırılmasında Ümumilli Lider Heydər Əliyevin rolu” mövzusunda tədbir keçirilib

19.01.2026 [17:16]

“Şəhərsalma və Memarlıq İli” çərçivəsində Yeni Azərbaycan Partiyası Şəmkir rayon təşkilatının təşkilatçılığı ilə 20 Yanvar-Ümumxalq Hüzn Gününə həsr olunmuş “20 Yanvar həqiqətlərinin dünya ictimaiyyətinə çatdırılmasında Ümumilli Lider Heydər Əliyevin rolu” mövzusunda tədbir keçirildi.

Şəmkir şəhər Əhməd Cavad adına tam orta məktəbi ərazi partiya təşkilatında keçirilən tədbirdə, YAP Şəmkir rayon təşkilatının sədri Fəxrəddin Vəliyev, Şəmkir Rayon İcra Hakimiyyətinin Başçısının müavinləri Süleyman Zeynallı, Aynur Abdullayeva Şəmkir Təhsil Sektorunun müdiri Elşən Ələsgərov, YAP Şəmkir rayon təşkilatının və Şəmkir Rayon İcra Hakimiyyətinin əməkdaşları, YAP Şəmkir rayon təşkilatının ərazi partiya təşkilatlarının sədrləri və partiya fəalları iştirak etdilər.

Tədbirin rəsmi hissəsindən öncə tədbir iştirakçıları “20 Yanvar faciəsi məktəblilərin gözündə” adlı sərgiyə baxış keçiriblər.

Tədbirdə əvvəlcə Azərbaycan Respublikasının Dövlət Himni səsləndirilib.

Sonra müasir, müstəqil Azərbaycan Respublikasının banisi Ümummilli Lider Heydər Əliyevin və Azərbaycan Respublikasının suverenliyi, ərazi bütövlüyü uğrunda canından keçən və 20 Yanvar şəhidlərimizin əziz xatirəsi bir dəqiqəlik sükutla yad edilib.

Çıxış edən YAP Şəmkir rayon təşkilatının sədri Fəxrəddin Vəliyev qeyd edib ki, Azərbaycan xalqının yaddaşına əbədi həkk olunmuş 1990-cı ilin qanlı 20 Yanvar facisəindən artıq 36 il ötür. 36 il keçsə də törədilən bu vəhşilik öz tarixi mahiyyətini itirmir. Həmin gün azadlıq, istiqlaliyyət uğrunda küçələrə, meydanlara çıxan Azərbaycan xalqına qarşı törədilmiş ağlasığmaz terror aktı dəhşətli bir cinayət hadisəsi kimi tarixə düşmüşdür. Həmin gün müstəqillik istəyi ilə həmrəylik nümayiş etdirən dinc əhaliyə qarşı həyata keçirilən cəza tədbiri Beynəlxalq İnsan Haqları Bəyannaməsinin və bu sahədə qəbul olunmuş digər konvensiyaların müddəalarının kobud şəkildə pozulması demək idi. F.Vəliyev bildirib ki, Azərbaycana qarşı soyqırımı həyata keçirmiş Sovet rejiminə qarşı ən kəskin bəyənatı həmin ilin yanvar ayının 21-də Ulu Öndər Heydər Əliyev tərəfindən Moskvada Azərbaycanın daimi nümayəndəliyində mətbuat konfransı keçirərək verdi.

Sonra çıxış edən Şəmkir Rayon İcra Hakimiyyətinin Başçısının müavini Süleyman Zeynallı, Şəmkir şəhəri Məhəmməd Füzuli adına təbiət və humanitar fənlər təmayüllü məktəb-liseyin müəllimi Müsənbər Kazımova və digər partiya fəalları qeyd ediblər ki, 20 Yanvar faciəsinə ilk dəfə Ulu Öndər Heydər Əliyevin təşəbbüsü və rəhbərliyi ilə siyasi-hüquqi qiymət verilmişdir. Naxçıvan Muxtar Respublikasının Ali Məclisi 1990-cı il noyabrın 21-də bu məsələni geniş müzakirə edərək qanlı hadisəyə siyasi-hüquqi qiymət verilib. Ulu öndər Heydər Əliyev Azərbaycan Respublikasının Prezidenti seçildikdən sonra onun təşəbbüsü ilə 1994-cü ilin mart ayının 29-da Milli Məclis “1990-cı il yanvarın 20-də Bakıda törədilmiş faciəli hadisələr haqqında” Qərar qəbul etdi. Beləliklə də, 20 Yanvar faciəsi məhz Ulu öndər Heydər Əliyevin prinsipial və ardıcıl mübarizəsindən sonra öz siyasi-hüquqi qiymətini aldı.

Sonda qeyd olunub ki, Azərbaycan xalqı 20 yanvar faciəsinin qurbanlarını unutmur.

Tədbirdə Şəmkir rayon 7 illik Uşaq Musiqi məktəbinin təqdimatında bədii hissə nümayiş olunub.

Tədbirin sonunda Yeni Azərbaycan Partiyasının Himni səsləndirilib.

Paylaş:

Baxılıb: 499 dəfə