Son iyirmi illik inkişaf yolu

Bakı:

25 °C

65 %

14 m/s

Əlaqə

AZ RU EN

Ana səhifə / YAP xəbərləri / Son iyirmi illik inkişaf yolu

Son iyirmi illik inkişaf yolu

15.01.2026 [23:44]

Elmin Məmmədov

YAP Ağdam rayon təşkilatının əməkdaşı

Yanvarın 12-də Prezident cənab İlham Əliyevin sədrliyi ilə keçirilən müşavirə paytaxtın su təchizatı tarixində növbəti strateji qələbənin əsasını qoydu. Müşavirənin gündəliyində Bakı şəhəri və Abşeron yarımadasında su təchizatı, tullantı və yağış suları sistemlərinin təkmilləşdirilməsinə dair 2026–2035-ci illəri əhatə edən Dövlət Proqramının əsas istiqamətləri, icra mexanizmləri və uzunmüddətli hədəfləri geniş müzakirə edildi. Son illər həyata keçirilən iri infrastruktur layihələri nəticəsində paytaxtda və ətraf ərazilərdə su təchizatı sahəsində mühüm irəliləyişlər əldə edilsə də, sürətli şəhərsalma, yeni yaşayış massivlərinin salınması və iqlim dəyişiklikləri əlavə tədbirlərin görülməsini zəruri edir.

Müşavirədə geniş nitq söyləyən Dövlət Başçısı cənab İlham Əliyev bildirdi ki, "Bu gün biz Bakı şəhərinin və Abşeron yarımadasının su problemlərinin həlli məsələlərini müzakirə edəcəyik. Bu, həyata keçirilən infrastruktur layihələri arasında xüsusi yer tutan məsələdir. Bildiyiniz kimi, ölkəmizdə son illər ərzində genişmiqyaslı infrastruktur layihələri icra edilmişdir, həm Bakıda, həm bütün bölgələrdə. Demək olar ki, əsas infrastruktur məsələləri öz həllini tapmışdır. İyirmi il ərzində bir neçə regional inkişaf proqramı qəbul edilmişdir. Hər proqram beş ili əhatə edirdi və proqramlar uğurla icra olundu. Biz bunun nəticəsində əsas infrastruktur məsələlərini həll etdik. İlk növbədə elektrik enerjisi ilə təchizat bütün ölkəni əhatə etmişdir. Tamamilə yeni mərhələyə qədəm qoyduq. Bu yaxınlarda yeni külək elektrik stansiyasının açılışında bu məsələyə bir qədər toxundum, bu gün bizim enerji generasiya gücümüz tələbatımızdan daha artıqdır. Hətta biz elektrik enerjisini ixrac edirik. Vaxt var idi ki, bu məsələ ilə bağlı ciddi problemlər mövcud idi, enerji qıtlığı mövcud idi. Biz hətta xaricdən elektrik enerjisini idxal etməyə məcbur idik. Bu gün isə görülmüş tədbirlər nəticəsində həm generasiya gücləri yaradıldı, - hazırda təqribən 10 min meqavata yaxındır, - eyni zamanda, yarımstansiyalar, ötürücü xətlər, paylayıcı şəbəkə - bütün bu məsələlər vahid sistem halına salınmışdır. "

Xüsusilə qeyd etmək lazımdır ki, Prezident cənab İlham Əliyevin rəhbərliyi ilə həyata keçirilən bu misilsiz layihələr Azərbaycanın qüdrətini, xalqa olan sonsuz sevgini və dövlətimizin parlaq gələcəyinə olan böyük inamı təsdiqləyir. Azərbaycan 2035-ci ilə qədər dünyada su təminatı və ekoloji infrastruktur baxımından nümunəvi, lider bir ölkəyə çevriləcək.

Paylaş:

Baxılıb: 497 dəfə