Xarici siyasətdə vacib amillər

Bakı:

24 °C

58 %

7 m/s

Əlaqə

AZ RU EN

Ana səhifə / YAP xəbərləri / Xarici siyasətdə vacib amillər

Xarici siyasətdə vacib amillər

08.01.2026 [13:36]

Prezident İlham Əliyevin 5 yanvar 2026-cı il tarixində yerli televiziya kanallarına verdiyi müsahibə müasir beynəlxalq münasibətlər sisteminin mahiyyətini, Azərbaycanın bu sistemdə tutduğu mövqeni və qarşıdakı strateji hədəfləri açıq, realist və prinsipial şəkildə ortaya qoydu. Dövlətimizin başçısı xüsusilə vurğuladı ki, Amerika-Azərbaycan münasibətləri yeni səviyyəyə qalxmışdır. Bu kontekstdə 2025-ci il tarixi il sayıla bilər. Çünki sirr deyil ki, Azərbaycan dövlət müstəqilliyini qazandıqdan sonra Amerika-Azərbaycan əlaqələrinin üzərində bir qara bulud kimi mənfur 907-ci düzəliş, necə deyərlər, fırlanırdı və Azərbaycan gənc, müstəqil ölkə olmasına baxmayaraq, Amerika kimi dünya miqyasında bir nömrəli dövlətlə lazımi səviyyədə münasibətlər qura bilməmişdi. Müəyyən mərhələlərdə münasibətlər müsbət istiqamətdə inkişaf edirdi. Ancaq mövcud məhdudiyyətlər, xüsusilə Ermənistan-Azərbaycan müharibəsinin davam etməsi Amerikadakı söz sahiblərinə imkan vermirdi ki, Azərbaycanla genişmiqyaslı münasibətlər qurulsun.

Artıq bu məhdudiyyət yoxdur və bunun təbii ki, iki əsas səbəbi var: birincisi, Amerika ilə Azərbaycan arasında strateji işçi qrupunun yaradılması sənədi imzalanmışdır. Azərbaycanın əsas hissəsi ilə onun Naxçıvan Muxtar Respublikası arasındakı coğrafi bağlantının yaradılması da məhz həmin gün reallaşdı. Beləliklə, bizə Ermənistanla normallaşma prosesi çərçivəsində lazım olan bütün məsələlər istədiyimiz kimi öz həllini tapdı. Ermənistanla Azərbaycan arasında paraflanmış sülh sazişinin əhəmiyyəti, imzalanmış birgə Bəyannamə təbii ki, göz önündədir. Təbii ki, Azərbaycan kimi ölkə ilə əməkdaşlıq Amerika Birləşmiş Ştatları üçün də önəmlidir. Ona görə bu nöqteyi-nəzərdən keçən il də dönüş ili sayıla bilər. Konqresdən ədalətsiz və absurd 907-ci düzəliş qərarının birdəfəlik ləğv etdilməsini gözləyirik..

Azərbaycanın xarici siyasəti üçün 2025-ci ildə uğur gətirən hadisələrdən və böyük əhəmiyyət daşıyan hadisələrdən biri də Çinlə olan strateji tərəfdaşlığımızdır. Prezident İlham Əliyevin bu ölkəyə dövlət səfəri zamanı hərtərəfli strateji tərəfdaşlıq haqqında Birgə Bəyannamə imzalanmışdır və bu da çox böyük uğur sayıla bilər.

Ölkəmizin D-8 təşkilatına üzv olması böyük nailiyyətdir, çünki bu təşkilat 30 ilə yaxındır ki, yaradılmışdır və yarandığı gündən yeni üzv qəbul etməmişdir. Yeganə yeni üzv Azərbaycan olmuşdur. Təkcə onu demək kifayətdir ki, bu təşkilatda birləşən ölkələrin ümumi əhalisi bir milyarddan, ümumi iqtisadiyyatı dörd trilyondan çoxdur. Xarici siyasətlə bağlı digər önəmli nəailiyyət Mərkəzi Asiya Məşvərət Şurasına tamhüquqlu üzv seçilməyimizdir.

Neva Abdurahmanova

YAP Qusar rayon təşkilatının sədr müavini

Paylaş:

Baxılıb: 540 dəfə