Azərbaycan dövlətinin sosial siyasəti

Bakı:

19 °C

58 %

6 m/s

Əlaqə

AZ RU EN

Ana səhifə / YAP xəbərləri / Azərbaycan dövlətinin sosial siyasəti

Azərbaycan dövlətinin sosial siyasəti

07.01.2026 [16:18]

Elmin Məmmədov

YAP Ağdam rayon təşkilatının əməkdaşı

Sosial siyasət dövlətin vətəndaşlarına münasibətinin ən bariz göstəricilərindən biridir.

Azərbaycan dövlətçilik modelində insan faktoru sosial siyasətdə xüsusilə qabarıq şəkildə özünü göstərir. Təhsil, səhiyyə, sosial müdafiə, məşğulluq və mənzil siyasəti sahələrində həyata keçirilən tədbirlər vətəndaşın rifahının yüksəldilməsinə yönəlmişdir.

Azərbaycan dövlətinin sosial siyasətinin əsas məqsədi vətəndaşların layiqli həyat səviyyəsinin təmin edilməsi, sosial risklərin azaldılması və cəmiyyətdə sosial bərabərliyin qorunmasıdır. Bu siyasət Konstitusiya ilə təsbit olunmuş sosial dövlət prinsipinə söykənir. Dövlət öz üzərinə vətəndaşların rifahının yüksəldilməsi, sosial müdafiəsinin gücləndirilməsi və sosial xidmətlərə bərabər çıxış imkanlarının yaradılması öhdəliyini götürmüşdür.

Azərbaycan Respublikasının Prezidenti İlham Əliyev yanvarın 5-də yerli televiziya kanallarına müsahibə verib. Müsahibə zamanı Dövlət Başçısı Cənab İlham Əliyev bildirmişdir ki, "Biz bir neçə ildir ki, özünüməşğulluq proqramı ilə məşğuluq, əgər belə demək mümkündürsə və 100 mindən çox insan bu proqramla əhatə olunub. Yəni cəmiyyətdə ələbaxımlılıq olmamalıdır. Bunu tam aradan qaldırmışıq? Yox, yenə də var. İş yerləri yaradılır, o cümlədən Qarabağ və Şərqi Zəngəzur da böyük tikinti meydançasıdır. Yəni işləmək istəyən Azərbaycanda özü üçün iş tapa bilər, ya inşaatda, ya kənd təsərrüfatında, ya başqa sahələrdə. İşsizlik aşağı səviyyədədir, ancaq işsizlər var və bu, hər bir ölkədə var. İnkişaf etmiş ölkələrdə bizdən də böyük faizlə ölçülən işsizlik var. Amma mənim sözüm odur ki, bu gün Azərbaycan kimi ölkədə, geniş imkanları olan ölkədə iş tapmaq o qədər də çətin məsələ deyil. Sadəcə olaraq, bəziləri bəlkə də onlara təklif olunan işlərlə razı deyillər, ona görə iş axtarmağa davam edirlər. Özünüməşğulluq proqramı işsizliyin böyük hissəsini faktiki olaraq aradan qaldırır və bu insanlara verilən vasitələrlə onlar öz ailə büdcələrini təmin edə bilərlər. Son illərdə 16 min şəhid ailəsinə və müharibə əlilinə, onların ailələrinə dövlət tərəfindən mənzillər verilmişdir. Burada da Azərbaycan qədər bu sahəyə diqqət yetirən ikinci ölkə yoxdur."

Qeyd edək ki, Sosial siyasətdə regional inkişaf və ərazilərarası bərabərliyin təmin olunması da xüsusi yer tutur. Regionların sosial-iqtisadi inkişafına dair dövlət proqramları kənd və şəhər arasında mövcud olan fərqlərin azaldılmasına, yeni iş yerlərinin yaradılmasına və infrastrukturun yaxşılaşdırılmasına xidmət edir.

Paylaş:

Baxılıb: 451 dəfə