Nəsimi rayonunda “Dirçəliş Qarabağım” adlı təsviri sənət müsabiqəsi keçirilib

Bakı:

30 °C

41 %

2 m/s

Əlaqə

AZ RU EN

Ana səhifə / YAP xəbərləri / Nəsimi rayonunda “Dirçəliş Qarabağım” adlı təsviri sənət müsabiqəsi keçirilib

Nəsimi rayonunda “Dirçəliş Qarabağım” adlı təsviri sənət müsabiqəsi keçirilib

07.11.2025 [12:34]

Noyabrın 8-də Yeni Azərbaycan Partiyası Nəsimi rayon təşkilatı və 1 nömrəli Uşaq-Gənclər İnkişaf Mərkəzinin birgə təşkilatçılığı ilə 8 Noyabr – Zəfər günü münasibətilə “Dirçəliş Qarabağım” adlı təsviri sənət müsabiqəsi üzrə tədbir keçirilib. Tədbir Azərbaycan Respublikasında 2025-ci ilin “Konstitusiya və Suverenlik İli” çərçivəsində təşkil olunub.

Yeni Azərbaycan Partiyasının Nəsimi rayon təşkilatının sədri Azər Süleymanov tədbiri açaraq Zəfər Günü ilə bağlı ölkəmizdə formalaşmış yüksək ehtiram və qürur hissindən danışıb. O qeyd edib ki, Ali Baş Komandan İlham Əliyevin qətiyyətli iradəsi, Azərbaycan Ordusunun rəşadəti və xalq-dövlət birliyi nəticəsində 30 ilə yaxın davam edən işğala son qoyulub:

“Biz bu gün ərazi bütövlüyümüzü və suverenliyimizi bərpa etmiş qalib bir xalqıq. Bu möhtəşəm Zəfər hər birimizin qəlbində böyük qürur, vətənə bağlılıq və məsuliyyət hissi yaradır. Qalib ölkənin vətəndaşı olmaq həm şərəf, həm də gələcək qarşısında borcdur.”

O vurğulayıb ki, gənc nəslin milli ruhda formalaşması istiqamətində keçirilən bu tip tədbirlər mühüm əhəmiyyət daşıyır.

Daha sonra 1 nömrəli Uşaq-Gənclər İnkişaf Mərkəzinin direktoru Kəmalə Abdullayeva çıxış edərək “Dirçəliş Qarabağım” müsabiqəsinin tədris və tərbiyəvi əhəmiyyətindən söz açıb:

“Məktəblilər bu müsabiqə vasitəsilə Zəfər tariximizi təkcə öyrənmir, onu hiss edir, yaşayır və sənətdə ifadə etməyi bacarırlar. Bu, vətənpərvərlik tərbiyəsinin ən təsirli formalarından biridir.”

O qeyd edib ki, müsabiqəyə təqdim olunan rəsmlər Qarabağın azad edildikdən sonrakı yenidən quruluş, dirçəliş və həyatın qayıdışı motivlərini əks etdirib.

Tədbirdə iştirak edən Vətən müharibəsi qaziləri və veteranlar döyüş yolundan, döyüş yoldaşlarının qəhrəmanlığından, Qarabağın azad olunması uğrunda göstərilən fədakarlıqlardan söz açıblar. Onlar bildiriblər ki, Zəfər Gününün mənası yalnız qələbə ilə məhdudlaşmır — bu, Azərbaycan xalqının birlik və ruhunun sarsılmazlığının rəmzidir.

Qazilər gənclərə müraciət edərək: “Vətəni sevməyi, qorumağı, dəyər verməyi, tarixi yaddaşı qorumağı, Qarabağ Zəfərinin əbədiliyini daim yaşatmağı tövsiyə ediblər.

Onların çıxışları tədbir iştirakçıları tərəfindən böyük minnətdarlıq və ehtiramla qarşılanıb.

Tədbirin sonunda müsabiqə iştirakçıları tərəfindən çəkilmiş rəsmlərə baxış keçirilib və qiymətləndirildikdən sonra qaliblər təltif olunub.

Paylaş:

Baxılıb: 465 dəfə