Elm sahəsində dövlət siyasəti uğurla davam etdirilir

Bakı:

27 °C

36 %

6 m/s

Əlaqə

AZ RU EN

Ana səhifə / YAP xəbərləri / Elm sahəsində dövlət siyasəti uğurla davam etdirilir

Elm sahəsində dövlət siyasəti uğurla davam etdirilir

05.11.2025 [22:30]

Prezident İlham Əliyevin iştirakı ilə 3 noyabr 2025-ci il tarixdə Azərbaycan Milli Elmlər Akademiyasının 80 illik yubileyi keçirildi.Təbirdə dövlət başçısının iştirak etməsi onun elmə, təhsilə və ziyalılara göstərdiyi dərin diqqət və hörmətin bariz göstəricisidir. Tədbirdə Prezident İlham Əliyev çıxış edərək ölkəmizdə elmin inkişafı, alimlərin fəaliyyəti və dövlətin elmə göstərdiyi qayğı barədə geniş fikir və tövsiyələrini bildirib. Ölkə başçısının nitqi elmi mühit üçün bir çağırış, bir istiqamətverici mesaj və eyni zamanda Azərbaycan elminin, ictimai fikrimizin yeni tarixi dövrünün strategiyasını müəyyən edən proqramdır.

Dövlət başçısı çıxışında qeyd edib ki, Azərbaycan elmi son onilliklər ərzində böyük inkişaf yolu keçib. Bu inkişafda AMEA-nın xüsusi rolu vardır. Akademiya ölkəmizin elmi potensialının formalaşmasında, milli kadrların hazırlanmasında və beynəlxalq elmi əlaqələrin qurulmasında mühüm rol oynamışdır. Prezident vurğulamışdır ki, bu 80 il ərzində AMEA təkcə elmi müəssisə kimi deyil, həm də milli düşüncənin və intellektual irsin qoruyucusu kimi fəaliyyət göstərmişdir.

Çıxışında Prezident İlham Əliyev müstəqilliyimizin ilk illərinin çox ağır və faciəvi olduğunu, məhz Heydər Əliyevin qətiyyəti, iradəsi, xalqa olan bağlılığı Azərbaycanı böyük bəlalardan qurtara bildiyini qeyd etdi.Ulu öndərin hakimiyyətə qayıdışından sonra Azərbaycan ziyalıları ilə, Azərbaycan ictimaiyyəti ilə ilk görüşü məhz 1993-cü ildə Milli Elmlər Akademiyasında olmuşdur. Ulu öndər bir daha müstəqil Azərbaycanın, yəni, yeniləşən Azərbaycanın prioritetlərini açıq şəkildə bəyan etmişdir. Ulu öndər tərəfindəm bir milyondan çox qaçqın və məcburi köçkün, torpaqlarımızın işğal altına düşməsi və çox böyük iqtisadi, maliyyə çətinliklərimizin olmasına baxmayaraq, Akademiyanın işinə, Akademiyanın qorunmasına, alimlərin fəaliyyəti üçün vəsait ayırdı.

Prezident İlham Əliyevin rəhbərliyi ilə son on il ərzində Azərbaycan elminə ayrılan vəsait iki dəfədən çox artmışdır. Prezident İlham Əliyevin rəhbərliyi ilə Azərbaycan elminin inkişafına göstərilən diqqət Ulu Öndərin siyasətinə uyğun şəkildə aparılır. Akademiyanın maddi-texniki bazası möhkəmləndirilmişdir və akademiya şəhərciyində yerləşən binaların təmir edilmiş və eyni zamanda Yeni böyük elmi kitabxana və Milli Ensiklopediya üçün bina inşa edilmişdir.Milli Ensiklopediya üçün yeni bina inşa edilmişdir. Elmi-tədqiqat institutlarının binaları təmiri edilmiş və avadanlıqlarla təchiz edilmişdir. 2009-cu ildə yaradılmış Elm Fondunin n əsas məqsədi Azərbaycan alimlərinə maddi dəstək vermək, elmin inkişafına qrantlar çərçivəsində təkan vermək idi. Elmin inkişafı üzrə Milli Strategiya qəbul edilmişdir. “Elm haqqında” Qanun qəbul edilmişdir, Dövlət Proqramı qəbul edilmişdir. Bütün bunlar deməyə əsas verir ki, Ulu öndərin elmə, elm adamına diqqət və qayğı siyasəti bü gün də İlham Əliyev tərəfindən uğurla davam etdirilir.

Prezident İlham Əliyev AMEA-nın 80 illik yubiley yığıncağında çıxışı zamanı bir sıra strateji əhəmiyyətli məqamlara toxunub. Onlardan biri də süni intellekt sahəsi ilə bağlıdır. Dövlət başçısı qeyd edib ki, bu gün süni intellekt ölkələrin gələcək inkişafının ayrılmaz hissəsidir. Azərbaycanda süni intellektin həm inkişafı, həm də həyatda, iqtisadiyyatda, texnoloji inkişafda tətbiqi bu gün reallıqdır. Bu fikirlər bir daha göstərir ki, Prezident İlham Əliyev elmin müasir çağırışlarını dərindən təhlil edir və ölkəmizin gələcək inkişafında innovasiyaların, texnologiyanın və rəqəmsallaşmanın rolunu xüsusi vurğulayır.

Prezident İlham Əliyev həmçinin çıxışında vurğulayıb ki, bir neçə gündən sonra tarixi Zəfərimizin beş illiyi münasibətilə hərbi parad təşkil ediləcək. Ölkə başçısının bu bəyanatı da xalqın birliyinin və dövlətin qüdrətinin rəmzidir. Beş il əvvəl, 2020-ci ilin dekabrında Bakıda keçirilən Zəfər paradı Azərbaycan tarixində milli qürurun, Ordumuzun gücünün və xalqımızın iradəsinin təntənəsi olmuşdu. 2023-cü ildə Xankəndidə keçirilən hərbi parad isə Azərbaycanın suverenliyinin tam bərpa edildiyini dünyaya bəyan etdi.

Sonda Prezident İlham Əliyev Azərbaycan alimlərini 80 illik yubiley münasibətilə təbrik etmiş, onlara gələcək fəaliyyətlərində uğurlar arzulamış və vurğulamışdır ki, dövlət elmin inkişafı üçün bütün zəruri dəstəyi göstərməkdə davam edəcəkdir.

Rövlan Heydərov

YAP Naftalan şəhər təşkilatının sədri

Paylaş:

Baxılıb: 391 dəfə