Bu gün süni intellekt ölkələrin gələcək inkişafının ayrılmaz hissəsidir

Bakı:

17 °C

82 %

6 m/s

Əlaqə

AZ RU EN

Ana səhifə / YAP xəbərləri / Bu gün süni intellekt ölkələrin gələcək inkişafının ayrılmaz hissəsidir

Bu gün süni intellekt ölkələrin gələcək inkişafının ayrılmaz hissəsidir

05.11.2025 [12:35]

Mansur Quliyev

YAP Ağdam rayon təşkilatının sədri

3 noyabr 2025-ci il tarixində Azərbaycan Milli Elmlər Akademiyasının (AMEA) 80 illik yubileyi münasibətilə keçirilən tədbirdə Prezident İlham Əliyevin çıxışı ölkəmizdə elm və texnologiyanın inkişafına verilən yüksək dəyərin bariz göstəricisi oldu. Dövlət başçısının səsləndirdiyi fikirlər bir daha təsdiqlədi ki, Azərbaycan yalnız təbii resurslara əsaslanan iqtisadi model deyil, eyni zamanda bilik, innovasiya və süni intellekt kimi müasir inkişaf dayaqlarına söykənən elm ölkəsinə çevrilmək yolundadır.

Prezident İlham Əliyev çıxışında qeyd etdi ki, “bu gün süni intellekt ölkələrin gələcək inkişafının ayrılmaz hissəsidir”. Bu fikirdə dərin strateji baxış və gələcəyə yönəlik çağırış dayanır. Müasir dövrdə süni intellekt (AI) təkcə elmi istiqamət deyil, həm də iqtisadiyyatın, sənayenin, təhsil və idarəetmənin əsas mühərrikinə çevrilir. Azərbaycan da bu qlobal prosesin fəal iştirakçısı olmaq niyyətindədir. Son illər ölkəmizdə rəqəmsal transformasiya və innovasiya siyasəti dövlət prioritetləri sırasında ön cərgədə dayanır. “Azərbaycan 2030: sosial-iqtisadi inkişafa dair Milli Prioritetlər” sənədində süni intellekt texnologiyalarının tətbiqi, rəqəmsal iqtisadiyyatın inkişafı və elmin innovasiya ilə sıx inteqrasiyası kimi istiqamətlər xüsusi yer tutur. Bu, Prezident İlham Əliyevin müəyyən etdiyi müasir inkişaf kursunun tərkib hissəsidir.

AMEA-nın 80 illik yubileyi isə bu baxımdan simvolik məna daşıyır. Akademiyanın tarix boyu formalaşan elmi potensialı artıq yeni texnoloji mərhələyə qədəm qoyur. Süni intellekt, məlumat elmi, kiberfiziki sistemlər kimi sahələrdə elmi-tədqiqatların genişləndirilməsi Azərbaycan elminin gələcək onilliklər üçün əsas vəzifəsidir. Dövlət başçısının yubiley çıxışı alimlər qarşısında məhz bu istiqamətdə məsuliyyətli vəzifələr qoydu. Prezident İlham Əliyevin vurğuladığı kimi, XXI əsrin elmi yarışı artıq süni intellekt üzərində qurulur. Bu yarışda kim daha güclü elmi baza və innovativ potensiala malikdirsə, gələcəyin iqtisadi və siyasi üstünlüyü də onun olacaq. Azərbaycan bu istiqamətdə mühüm addımlar atmaqdadır: süni intellekt strategiyasının hazırlanması, texnoparkların inkişafı, gənclərin STEM sahələrinə yönləndirilməsi və beynəlxalq elmi əməkdaşlığın genişləndirilməsi bu siyasətin konkret təzahürləridir. Bu gün süni intellektin tətbiqi təkcə texnologiya deyil, həm də düşüncə tərzi məsələsidir. Prezident İlham Əliyevin elmin 80 illik yubileyində səsləndirdiyi fikirlər hər bir alimə, gənc tədqiqatçıya və mütəxəssisə yönəlik çağırışdır: gələcəyin güclü Azərbaycanını qurmaq üçün müasir elmi biliklərə, analitik düşüncəyə və innovativ yaradıcılığa əsaslanmaq vacibdir.

Elm və texnologiyanın vəhdəti üzərində qurulan inkişaf modeli Azərbaycanın müstəqilliyini daha da gücləndirəcək, ölkəmizi regionda və dünyada elmi-intellektual mərkəzə çevirəcəkdir.

Paylaş:

Baxılıb: 554 dəfə