“Biz öz Prezidentimizlə hələ çox zirvələri fəth edəcək, daim irəliyə gedəcəyik”

Bakı:

10 °C

87 %

5 m/s

Əlaqə

AZ RU EN

Ana səhifə / YAP xəbərləri / “Biz öz Prezidentimizlə hələ çox zirvələri fəth edəcək, daim irəliyə gedəcəyik”

“Biz öz Prezidentimizlə hələ çox zirvələri fəth edəcək, daim irəliyə gedəcəyik”

06.10.2013 [16:00]

Yeni Azərbaycan Partiyası Gəncə şəhər təşkilatı təbliğat kampaniyasını uğurla davam etdirir
Hazırda 9 oktyabr prezident seçkiləri ilə bağlı Azərbaycanın bütün bölgələrində, eləcə də, Gəncə şəhərində Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat kampaniyası yüksək səviyyədə davam etdirilir. Təbliğat kampaniyasını uğurla aparan YAP Gəncə şəhər təşkilatının fəal üzvləri partiyamızın namizədi cənab İlham Əliyevin 10 il ərzində xalqımız və Vətənimiz üçün gördüyü işləri, ölkəmizə bütün sahələrdə qazandırdığı uğurları əks etdirən bukletlər paylayırlar. Kampaniyaya könüllü olaraq qoşulan gənclər təbliğat materiallarının paylanmasında fəal iştirak edərək, Gəncə gənclərinin hər zaman cənab İlham Əliyevə dəstək olduqlarını bir daha öz işləri ilə təsdiqləyirlər. Onlar şəhərin müxtəlif yerlərində, parklarda, istirahət mərkəzlərində, meydanlarda bukletləri paylamaqla, seçiciləri cənab İlham Əliyevin seçki platforması ilə daha yaxından tanış edirlər.
YAP Gəncə şəhər Təşkilatı Gənclər Birliyinin sədri Fərid Dünyamalıyev deyib ki, dövlətimizin qarşısında duran mühüm vəzifələri həll edə bilmək üçün gənclərin yenidən təşkilatlanması, onlarda milli özünüdərkin, azad, demokratik düşüncənin formalaşması Ümummilli lider Heydər Əliyevin qayğısı və diqqəti nəticəsində mümkün olub: “Azərbaycan xalqının seçkiqabağı ovqatı bütünlüklə, cənab İlham Əliyevin namizədliyinin dəstəklənməsi üzərində köklənib. Cənab İlham Əliyevin şəxsində xalqımız Azərbaycanın müasir gücünün və qüdrətinin həlledici ifadəsini görməkdədir. Xalq İlham Əliyevi müasir inkişafın memarı sayır. İnsanlarımız tək bu günümüzü deyil, eyni zamanda, Azərbaycanın gələcəyini Prezident İlham Əliyevin adı ilə bağlayırlar, Ona güvənir və etibar edirlər. Biz gənclər, Vətənimizin tərəqqisində yaxından iştirak etməklə, üzərimizə düşən vəzifələrin öhdəsindən layiqincə gələcək, gənclərin himayədarı və dostu olan Azərbaycan Respublikasının Prezidenti cənab İlham Əliyevə səs verəcəyik”.
Kampaniyaya könüllü qoşulan ADAU - nun tələbəsi İsrafil Vəliyev deyib ki, hər bir ölkənin gələcəyi onun gənclərinin düşüncə tərzindən, intellektual səviyyəsindən, milli ruhdan və digər amillərdən asılıdır: “Mən də gənc təbliğatçı olaraq, bu işlərə böyük həvəs və sevinclə qoşulmuşam. Azərbaycanda qazanılan nailiyyətlərlə seçicilərimizi məlumatlandırır, qarşılıqlı olaraq, onların ölkə başçısına minnətdarlıq dolu sözlərini eşidirəm. Hər bir Gəncə sakini cənab İlham Əliyevin növbəti 5 ildə də Prezident seçilməsinə tərəfdardır”.
YAP Gəncə şəhər Təşkilatı Gənclər Birliyinin sədr müavini Elşad Ələkbərov da deyib ki, bu gün Azərbaycan Respublikasının idarəedici sükanı etibarlı əllərdədir: “Ölkə Prezidentinin apardığı uğurlu siyasətin bəhrələri göz qabağındadır. Cənab Prezidentimiz İlham Əliyev 2003-cü və 2008-ci illərdə keçirilmiş prezident seçkilərində bir namizəd kimi xalq qarşısında götürdüyü bütün öhdəliklərin reallaşdırılmasına nail olmuşdur”.
Gənc fəal Səbinə Salmanova isə bildirib ki, seçicilərə bukletləri paylayarkən, Prezident İlham Əliyev haqqında sadə insanlardan eşitdiyi xoş sözlər əhalinin dövlətimizin başçısına verdiyi böyük dəstəyin açıq ifadəsidir: “Gəncəlilər minnətdarlıq dolu duyğularını bildirməklə, ölkə başçısının şəhər sakinlərinə göstərdiyi qayğıdan, dəstəkdən, onlara bəxş etdiyi dəyərli töhfələrdən fərəh hissi ilə danışırlar. Biz İlham Heydər oğlu Əliyevdən başqa Prezident tanımırıq. Firavan həyatımızın davam etməsini istəyirik”.
Aygün Məmmədova da deyib ki, bütün gənclər xalqının maraqları naminə müdrik siyasəti ilə dünya miqyasında tanınan xalqımızın vətənpərvər oğlu Prezident İlham Əliyevlə fəxr edir: “Biz öz Prezidentimizlə hələ çox zirvələri fəth edəcək, daim irəliyə gedəcəyik”.

Paylaş:

Baxılıb: 1164 dəfə