Qubadlı rayonu bərpa edilir və yenidən qurulur

Bakı:

31 °C

46 %

6 m/s

Əlaqə

AZ RU EN

Ana səhifə / YAP xəbərləri / Qubadlı rayonu bərpa edilir və yenidən qurulur

Qubadlı rayonu bərpa edilir və yenidən qurulur

24.10.2025 [22:09]

Eldar Əsədov

YAP Tərtər rayon təşkilatının sədri

Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında Rəşadətli Azərbaycan Ordusunun başladığı uğurlu əks-hücum əməliyyatları nəticəsində 44 gündən sonra Ermənistan məğlub olduğuna rəsmən imza atmalı oldu. Nəticədə işğal altında olan torpaqlarımız yağı düşməndən azad olundu. Azərbaycanın ərazi bütövlüyü bərpa edildi. Azad edilən rayonlar arasında Qubadlı rayonu da oldu.

Bütün bunlara görə, Ali Baş Komandan, böyük sərkərdə, bu Qələbənin bizə yaşadan cənab İlham Əliyevə borcluyuq. Vətən uğrunda canını qurban vermiş şəhidlərimizin ruhu qarşısında baş əyərək qazilərimizə allahdan şəfa diləyirik. Uzun illər əzablı, məşəqqətli məcburi köçkünlük həyatı yaşayan qardaş və bacılarımız öz doğma yurd yerlərinə qayıdaraq rahat yaşayacaqlar. Azərbaycanın füsunkar təbiətə malik olan yerləri yenidən dirçələcək, yurd yerlərimiz, işğaldan azad olunmuş ərazilərimiz yenidən qaynar həyatını yaşayacaqdır.

Qubadlı rayonunun olduqca böyük aqrar potensialı olub. İşğal nəticəsində Qubadlının yeraltı və yerüstü sərvətləri düşmən tərəfindən darmadağın edilmiş, əhalisi köçkün vəziyyətində ölkənin bir çox şəhər rayonlarında məskunlaşmağa məcbur qalmışdır.

Bu gün ölkəmiz torpaqlarımızın işğaldan azad edilməsinin növbəti ildönümlərini qeyd edir. Yaşadığımız bu qürurlu anlara, tariximizin şərəfli günlərinə görə dövlət başçısı, Müzəffər Ali Baş Komandan İlham Əliyevə, Rəşadətli Azərbaycan Ordusuna minnətdarıq. Şirin canlarını qurban verib tarix yazan oğullarımız bizim qürur yerimizdir.

Möhtərəm Prezidentimiz İlham Əliyev cənablarının ötən il Qubadlı rayonunun işğaldan azad edilməsinin ildönümündə rayon ictimaiyyəti nümayəndələri ilə görüşündə “bu gün bu şanlı Qələbədən danışarkən, ilk növbədə, əziz şəhidlərimizin xatirəsini yad etməliyik” söyləyərək bildirmişdi ki, Azərbaycan xalqı, indiki və gələcək nəsillər həmişə şəhidlərimizlə fəxr edəcək.

Azad edilmiş bütün ərazilərimizdə bərpa işləri aparılacaq. Qubadlı şəhəri və işğaldan azad edilən 41 kənd yenidən qurulur. Azərbaycan xalqı qurucu, tarixinə, hər qarış torpağına sahib çıxan xalqdır.

Qubadlı rayonunun gələcək inkişafı ilə bağlı əməli-praktiki işlər aparılır. Azad edilmiş torpaqlarda böyük infrastruktur layihələr uğurla həyata keçirilir. Əminliklə deyə bilərik ki, Möhtərəm Prezidentimizin apardığı məqsədyönlü siyasəti nəticəsində Qubadlı rayonu və eləcə də işğaldan azad olunmuş torpaqlarımız yenidən qurularaq sakinlərinin istifadəsinə veriləcəkdir.

Paylaş:

Baxılıb: 519 dəfə