Bu seçkilərdə də partiyamızın namizədi cənab İlham Əliyev qalib gələcək

Bakı:

28 °C

42 %

6 m/s

Əlaqə

AZ RU EN

Ana səhifə / YAP xəbərləri / Bu seçkilərdə də partiyamızın namizədi cənab İlham Əliyev qalib gələcək

Bu seçkilərdə də partiyamızın namizədi cənab İlham Əliyev qalib gələcək

05.10.2013 [11:27]

Bərdə rayonunda seçicilərlə görüş davam edir
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri seçicilərlə görüşləri davam etdirirlər. Növbəti görüş dünən rayonun Xanərəb və Gərənə kəndlərində keçirilib.
Görüşləri giriş sözü ilə açan YAP Bərdə rayon təşkilatının sədri Fəqət Şadlinskaya “ölkəmiz daha bir siyasi proses-növbəti prezident seçkiləri ərəfəsindədir. Və ötən seçkilərdə olduğu kimi, bu seçkilərdə də partiyamızın namizədi cənab İlham Əliyevin qalib gələcəyinə kimsə şübhə etmir” deyib. Onun sözlərinə görə, Ulu öndər Heydər Əliyevin əsasını qoyduğu və dövlətimizin qüdrətlənməsinin təminatı olan davamlı inkişaf strategiyası bu gün Prezident İlham Əliyev tərəfindən yeni mərhələdə uğurla davam etdirilir.
Görüşdə çıxış edən Ekologiya və Təbii Sərvətlər Nazirliyi Mineral Xammal Elmi-Tədqiqat İnstitutunun direktoru, texniki elmlər doktoru, professor Mürsəl Əliyev Prezident İlham Əliyevin rəhbərliyi ilə ötən 10 il ərzində əldə edilən uğurlar barədə danışıb. Onun sözlərinə görə, hazırda makroiqtisadi sabitliyin qorunub saxlanması, enerji, ərzaq və ekoloji təhlükəsizliyin təmin olunması, iqtisadiyyatın diversifikasiyası, bütün sahələrdə ardıcıl inkişaf strategiyası uğurla həyata keçirilməkdədir: “Ölkənin qeyri-neft sektorunda müşahidə olunan dinamizmi də iqtisadiyyatın diversifikasiyası ilə bağlı həyata keçirilən siyasətin mühüm nəticəsi hesab etmək olar”.
Mürsəl Əliyev onu da deyib ki, məhz Prezident İlham Əliyevin rəhbərliyi ilə həyata keçirilən çoxtərəfli və balanslaşdırılmış xarici siyasət nəticəsində Azərbaycan regionun ən güclü və suveren aktoruna çevrilib: “Eyni zamanda, bəhs olunan xarici siyasət strategiyası bir neçə istiqamətdə ölkəmizi nəzərə alınan lokomotiv aktorlardan birinə çevirib. Qeyd etdiyimiz kimi, bu gün dünyanın aparıcı dövlətləri və təşkilatları Azərbaycanı Cənubi Qafqazın təhlükəsizlik qarantı, inkişaf mənbəyi adlandırırlar”.
Görüşlərdə çıxış edən rayon Ağsaqqallar Şurasının sədri Arif Əliyev, rayon Qadınlar Şurasının sədri Rahilə Babayeva, rayon ziyalılarından Rzaqulu Şərifov, həmçinin, kənd sakinlərindən Baxış Abbasov, Rəna Ağbayeva və başqaları rayonda gedən inkişafdan, həmçinin, Prezident İlham Əliyevin Bərdə rayonunun əhalisinə göstərdiyi diqqət və qayğıdan ətraflı danışıblar. Çıxışlarda bildirilib ki, Bərdə seçiciləri oktyabrın 9-da YAP-ın namizədinə səs verəcəklər.
Nadir AZƏRİ

Paylaş:

Baxılıb: 1375 dəfə