Füzulinin azad olunmasının çox böyük əhəmiyyəti var idi

Bakı:

22 °C

68 %

9 m/s

Əlaqə

AZ RU EN

Ana səhifə / YAP xəbərləri / Füzulinin azad olunmasının çox böyük əhəmiyyəti var idi

Füzulinin azad olunmasının çox böyük əhəmiyyəti var idi

16.10.2025 [23:51]

Əli Paşayev

YAP Tərtər rayon təşkilatının məsləhətçisi

Azərbaycan Respublikasının Prezidenti İlham Əliyev 2021- ci ilin oktyabrın 17-də Füzuli rayon ictimaiyyətinin nümayəndələri ilə görüşərkən deyib ki, əziz füzulililər, sizi səmimiyyətlə salamlayıram və Füzuliyə xoş gəlmisiniz deyirəm. Biz bu gün Füzulinin işğaldan azad olunmasının birinci ildönümünü qeyd edirik. 5 il bundan əvvəl şanlı Azərbaycan Ordusu Füzuli şəhərini və bir neçə kəndi işğalçılardan azad edib, Azərbaycan bayrağı qaldırılıb və beləliklə, uzun fasilədən sonra Azərbaycan dövləti bu ərazilərdə öz suverenliyini təmin edib. Bu, tarixi hadisədir. Həmin an - 17 oktyabr günü Azərbaycan xalqının çoxəsrlik tarixində xüsusi yer tutacaq. Çünki məhz oktyabrın 17-də bizim böyük şəhərimiz Füzuli işğalçılardan azad edildi. İkinci Qarabağ müharibəsində şəhid olmuş bütün şəhidlərimizə Allahdan bir daha rəhmət diləyirəm. Onların fədakarlığı, qəhrəmanlığı sayəsində biz tarixi ədaləti bərpa etdik. Azərbaycan Silahlı Qüvvələri 44 günlük müharibə zamanı əsl vətənpərvərlik və qəhrəmanlıq göstərmişdir. Azərbaycan Ordusu düşmənin canlı qüvvəsini, texnikasını məhv edərək tarixi ədaləti bərpa etdi və Azərbaycan öz ərazi bütövlüyünü bərpa etdi.

Füzulinin azad olunmasının çox böyük əhəmiyyəti var idi, çünki böyük yaşayış məntəqəsi idi. Cəbrayıldan, Hadrutdan sonra üçüncü böyük yaşayış məntəqəsi işğalçılardan azad edildi. Füzuli uğrunda çox şiddətli döyüşlər gedirdi, bir neçə gün ərzində şəhərin ətrafında çox ciddi əməliyyatlar aparılırdı. Düşmən müqavimət göstərirdi, amma buna baxmayaraq, Azərbaycan Silahlı Qüvvələri öz tarixi missiyasını yerinə yetirdi

Füzuli şəhərinin azad olunmasının əhəmiyyəti, eyni zamanda, bu şəhərin strateji yerləşməsi ilə bağlıdır. Füzuli nəzarətimizə keçəndən sonra artıq Şuşa istiqamətinə getmək üçün daha geniş imkanlar açıldı. Ermənistan tərəfi burada çox güclü istehkamlar qurmuşdu, bir neçə xətt istehkamdan ibarət müdafiə xətti qurulmuşdu. 30 il ərzində düşmən burada möhkəmlənirdi və bu istehkamları yarmaq, keçmək xalqımızın bir daha böyük qəhrəmanlığını, fədakarlığını göstərmişdir. Təbii ki, bunu görən düşmənin gözü qorxdu. Gördülər ki, bizim əsgər-zabitlərimiz doğma torpaqları azad etmək üçün ölümə getməyə hazırdırlar. Bu istehkamları canı-qanı bahasına keçmiş qəhrəman əsgər-zabitlərimiz düşmənə Azərbaycan xalqının böyüklüyünü bir daha göstərdi. Təsadüfi deyil ki, Füzuli azad olunandan sonra Ermənistan ordusunda fərarilik halları daha geniş vüsət aldı. Düşmən gördü ki, bizim qabağımızda dura bilməyəcək, düşmən gördü ki, artıq bizim önümüz açıldı, digər şəhər və rayonlarımızın azad edilməsi məsələsi qaçılmazdır.

Azərbaycan öz torpaqlarını azad etməli idi. Ordumuz bu işin öhdəsindən layiqincə gəldi. İşğal dövründə cənab Prezidentimiz bu məsələ ilə bağlı Azərbaycan xalqına dəfələrlə müraciət edərək deyirdi ki, nəyin bahasına olursa-olsun, torpaqlarımızı azad etməliyik və əgər lazım olsa, biz güc tətbiq etməklə öz torpaqlarımızı geri qaytaracağıq. Belə də oldu. Bütün bəyanatlara baxmayaraq, Azərbaycan ordusunun qabağında heç bir qüvvə dayana bilmədi. Ermənistan ordusu darmadağın etdildi, erməni mifologiyasına son qoyuldu. Bu şanlı Qələbə çoxəsrlik Azərbaycan tarixində əbədi yaşayacaqdır.

Bu gün Füzuli rayonu erməni vəhşiliyinə ən çox məruz qalan rayonlardan biridir. Bir dənə salamat kənd yoxdur, bir dənə salamat bina yoxdur. Füzuli şəhəri tamamilə yerlə-yeksan edilmişdir.
Bu gün işğaldan azad edilmiş ərazilərimiz kimi Füzuli rayonunda yenidən qurma işləri uğurla həyata keçirilməkdədir. Azad edilmiş bütün torpaqlarda həyat bərpa olunacaq, vətəndaşlar öz doğma ocaqlarına qayıdacaqlar.

Paylaş:

Baxılıb: 488 dəfə