"Müstəqilliyin və suverenliyin ali təminatçısı - Prezident İlham Əliyev" adlı tədbir keçirilib

Bakı:

19 °C

50 %

2 m/s

AZ RU EN

Ana səhifə / YAP xəbərləri / "Müstəqilliyin və suverenliyin ali təminatçısı - Prezident İlham Əliyev" adlı tədbir keçirilib

"Müstəqilliyin və suverenliyin ali təminatçısı - Prezident İlham Əliyev" adlı tədbir keçirilib

16.10.2025 [12:06]

15 oktyabr 2025-ci il tarixində YAP Kəlbəcər rayon təşkilatı tərəfindən Mingəçevir şəhərində fəaliyyət göstərən 87 nömrəli Kəlbəcər rayon tam orta məktəbində “Konstitusiya və Suverenlik İli” çərçivəsində "Müstəqilliyin və suverenliyin ali təminatçısı - Prezident İlham Əliyev" adlı tədbir keçirilmişdir.

Ulu Öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildi. YAP Kəlbəcər rayon təşkilatının sədri Həbib Misirov çıxış edərək bildirdi ki, bu gün qürurla deyə bilərik ki, 22 il ərzində Prezident İlham Əliyev Ulu Öndər Heydər Əliyevin siyasi kursunu uğurla və ləyaqətlə davam etdirir. Məhz bu uzaqgörən siyasət nəticəsində ölkəmiz böyük inkişaf yolu keçib, beynəlxalq arenada mövqelərini daha da möhkəmləndirib və ən əsası Azərbaycanın suverenliyi tam bərpa olunub. Bu tarixi nailiyyət xalqımızın birliyinin, dövlətimizin qüdrətinin və milli iradəmizin bariz təzahürüdür.

Cənab Prezident bu gün sülhün, sabitliyin və təhlükəsizliyin təminatçısı kimi qəbul edilən bir liderdir. Onun rəhbərliyi ilə Qarabağ və Şərqi Zəngəzurda genişmiqyaslı bərpa və yenidənqurma işləri aparılır, doğma torpaqlara böyük qayıdış mərhələli şəkildə davam etdirilir. Cənab Prezidentin rəhbərliyi ilə Azərbaycan bu gün qalib xalqın qalib dövləti olaraq öz inkişaf tarixinin yeni, möhtəşəm bir səhifəsini yazır.

Məktəbin direktoru, YAP Kəlbəcər rayon Ərazi Partiya təşkilatının sədri Zülfiyyə Hüseynova, qocaman pedoqoq Sevil Əlişova, Vidadi Məmmədov və digərləri çıxış edərək bildirdilər ki, xalqımız Ulu Öndərin çağırışına dəstək göstərərək 2003-cü il oktyabrın 15-də keçirilən Prezident seçkilərində cənab İlham Əliyevin lehinə səs verərək onu Azərbaycan Prezidenti seçdi və bununla da ölkənin inkişafında yeni mərhələ başlandı. Prezident İlham Əliyev iyirmi iki illik fəaliyyəti dövründə xalqa verdiyi vədləri bütünlüklə yerinə yetirib. Bu müddət ərzində Azərbaycanın bütün sahələrdə sürətli inkişafına nail olunub. Ən əsası isə Prezident İlham Əliyevin rəhbərliyi ilə Azərbaycanın ərazi bütövlüyü tam təmin edilib və Ulu Öndərin torpaqlarımızın azad olunması ilə bağlı müqəddəs arzusu həyata keçirilib. Bu gün Prezident İlham Əliyevin rəhbərliyi altında Azərbaycan iqtisadiyyatı uğurla inkişaf edir, Qarabağda bərpa-quruculuq fəaliyyəti tam gücü ilə davam edir və sosial proqramlar həyata keçirilir. Bütün bunlar onu deməyə əsas verir ki, Azərbaycan tezliklə Qarabağı cənnətə çevirəcək və öz ata-baba yurdlarından didərgin düşən keçmiş məcburi köçkünlər təhlükəsiz şəkildə evlərinə əbədi olaraq qayıdacaqlar.

Sonda YAP-na yeni qəbul olunmuş şəxslərə üzvlük vəsiqələri və bir qrup YAP fəallarına fəxri fərmanlar təqdim edildi.

Paylaş:

Baxılıb: 616 dəfə