Xalqımız həmişə Prezident İlham Əliyevə yüksək etimad göstərib
15.10.2025 [14:57]
Ölkəmizin əbədi-əzəli əraziləri olan Qarabağ erməni separatçılarından, erməni faşizmindən azad olunduqdan sonra Prezident, Silahlı Qüvvələrin Müzəffər Ali Baş Komandanı İlham Əliyev 2023-cü il oktyabrın 15-də - ölkəmizə ilk dəfə prezident seçildiyi gündə təntənəli şəkildə Xankəndi, Xocalı, Xocavənd və Ağdərə şəhərlərində Azərbaycanın dövlət bayrağını ucaltdı. Xüsusən bir zamanlar Qarabağ separatçılarının ölkəmizə qarşı məkrli planlar hazırladığı Xankəndi şəhərində dövlət bayrağımızın ucaldılması ölkəmiz, xalqımız üçün tarixi gün kimi yaddaşlara yazıldı. Ali Baş Komandan Xankəndidə bayrağımızı ucaldarkən çıxışı zamanı da 15 oktyabr 2023-cü ili tarixi bir gün kimi qiymətləndirmişdir. Dövlətimizin başçısı demişdir ki, bu gün Xankəndi şəhərinin mərkəzi meydanında Azərbaycan bayrağı qaldırıldı: "Bu münasibətlə bütün Azərbaycan xalqını ürəkdən təbrik edirəm. Düz 20 il bundan əvvəl Azərbaycan xalqı mənə böyük etimad göstərərək prezident seçkilərində Prezident vəzifəsinə seçmişdir. O vaxt doğma xalqıma müraciət edərək söz vermişdim ki, Azərbaycan xalqının və Azərbaycan dövlətinin milli maraqlarını müdafiə edəcəyəm, Azərbaycanın ərazi bütövlüyünü qoruyacağam. Konstitusiyaya və "Qurani-Kərim"ə əl basaraq and içmişdim. Şadam ki, son 20 il ərzində verdiyim bütün vədlər, qarşıma qoyduğum bütün vəzifələr icra edildi. Bu gün bütün Azərbaycan xalqı ürəkdən sevinir, bütün Azərbaycan xalqı "Allaha şükür" deyir. Bu günü biz 30 ildən çox gözləmişdik. Ancaq hər birimiz, əminəm və inanırdıq ki, bu gün gələcək. İyirmi il bundan əvvəl Prezident kimi öz vəzifə borcumu yerinə yetirməyə başlayanda qarşıma birnömrəli vəzifə qoymuşdum ki, Azərbaycan bayrağı o vaxt işğal altında olan bütün ərazilərdə, bütün torpaqlarda, bütün şəhər və kəndlərdə qaldırılsın. Hər gün, hər saat biz bu müqəddəs məqsədə doğru gedirdik. Hər gün biz bu müqəddəs anı yaxınlaşdırırdıq və dəfələrlə deyirdim ki, hər birimiz, hərə öz yerində öz işi ilə bu günü yaxınlaşdırmalıdır".
Xüsusilə qeyd etmək lazımdır ki, bu Zəfər asanlıqla qazanılmamışdı. Bunun üçün zaman-zaman uğurlara hesablanmış zəruri addımlar atılmış, mühüm işlər görülmüşdür. Prezident İlham Əliyevin rəhbərliyi altında uğurla həyata keçirilən daxili və xarici siyasət nəticəsində dövlətimizin gücü, qüdrəti artmış, dünyadakı mövqeyi möhkəmlənmişdir. Dövlətimizin başçısı Xankəndidəki çıxışında bu mühüm məsələyə toxunaraq demişdir: "Bu illər ərzində Azərbaycan gücləndi, Azərbaycan dünya miqyasında özünə layiq yerini tuta bildi. Artıq Azərbaycanla dünyada hesablaşırlar. Ölkəmizin mövqeyi, dövlətimizin addımları nəinki bölgədə, daha da böyük coğrafiyada böyük məna daşıyır. Bir çox hallarda Azərbaycan önəmli təşəbbüslərin müəllifidir. Biz bu illər ərzində Ermənistan-Azərbaycan münaqişəsini həll etmək üçün güclü bir siyasi və hüquqi zəmin yaratdıq. Eyni zamanda biz güclü iqtisadiyyat yaratdıq və son 20 il ərzində bu istiqamətdə əldə edilmiş uğurlar göz qabağındadır. Bizim iqtisadiyyatımız dörd dəfədən çox artıb. Güclü iqtisadiyyat müstəqillik deməkdir. Müstəqillik heç vaxt şərti olmamalıdır. Əsl müstəqilliyə nail olmaq üçün güclü iqtisadiyyatın olmalıdır, güclü ordun olmalıdır. Ordumuzun gücləndirilməsi işində yorulmadan çalışdıq. Elə bir güclü ordu yaratdıq ki, bu gün Azərbaycan Silahlı Qüvvələri istənilən vəzifəni şərəflə yerinə yetirə bilər və biz bunu döyüş meydanında sübut etdik, həm üç il bundan əvvəl Vətən müharibəsi dövründə cəmi 44 gün ərzində düşməni kapitulyasiya aktına imza atmağa məcbur etdik, eyni zamanda keçən ay cəmi 23 saat davam edən antiterror əməliyyatı bizim gücümüzü göstərdi və yenə də düşmən ağ bayraq qaldıraraq təslim oldu. Biz haqlı olaraq Silahlı Qüvvələrimizlə fəxr edirik".
Qeyd edək ki, uzun illərdən bəri torpaqlarımızda müxtəlif zamanlarda terror və soyqırımlar törətmiş erməni separatizminin kökünün kəsilməsindən sonra Prezident İlham Əliyev tərəfindən Qarabağın və Şərqi Zəngəzurun şəhərlərində Azərbaycan bayrağının qaldırılması parlaq qələbəmizin gözlənilən məntiqi sonluğu idi. Bayrağımızın işğal altında olan bütün ərazilərdə dalğalandırılmasını əsas vəzifəsi hesab edən dövlətimizin başçısı ədalətsiz, ikili siyasət yürüdən böyük gücləri diplomatik masada, Ermənistanı isə döyüş meydanında məğlubiyyətə uğratmışdı.
Prezident İlham Əliyev Xankəndidəki çıxışı zamanı Azərbaycan xalqının birliyini, məğlubedilməz gücünü, onun övladlarının qəhrəmanlığını da xüsusi vurğulamışdır. Dövlətimizin başçısı demişdir ki, bu gün burada olmağımızın əsas səbəbkarı Azərbaycan xalqıdır, Azərbaycan övladıdır: "Elə bir gənc nəsil yetişdirdik ki, Vətən, torpaq uğrunda ölümə getməyə hazır idi və ölümə də gedirdi. Allah bütün şəhidlərimizə rəhmət eləsin. Biz onların ruhu qarşısında baş əyirik. Biz Azərbaycan xalqı olaraq onlara əbədi borcluyuq. Həm üç il bundan əvvəl, həm son üç il ərzində, həm də sentyabr ayında keçirilmiş antiterror əməliyyatı zamanı Azərbaycan əsgəri, zabiti əsl qəhrəmanlıq, vətənpərvərlik, fədakarlıq göstərmişdir. Biz ordumuzla, Silahlı Qüvvələrimizlə fəxr edirik, onlar bizim qürur mənbəyimizdir. Təkcə Azərbaycan vətəndaşları yox, əminəm ki, dünyada yaşayan on milyonlarla azərbaycanlı Azərbaycan əsgəri və zabiti ilə, Azərbaycan dövləti ilə haqlı olaraq fəxr edir". Prezident İlham Əliyev çıxışında xalqımıza böyük Zəfər sevinci yaşatmış, ərazi bütövlüyümüzü və suverenliyimizi təmin etmiş antiterror əməliyyatlarından da bəhs etmişdir: "Keçən ay antiterror əməliyyatı qaçılmaz idi. Azərbaycan xalqı yaxşı bilir və əminəm dünya ictimaiyyəti də yaxşı bilir ki, biz Ermənistan-Azərbaycan Dağlıq Qarabağ münaqişəsini sülh yolu ilə həll etmək istəyirdik. On yeddi il ərzində mən şəxsən mənasız və nəticəsiz danışıqlarda dəfələrlə iştirak etmişəm. Nə üçün? Çünki hesab edirdim ki, bu məsələ sülh yolu ilə həll olunmalıdır. "Ancaq getdikcə ümidlər azalırdı. Ermənistanın işğalçı siyasətini bir daha təhlil edərək tam əminliklə bu gün deyə bilərəm ki, onlar bir qarış torpaq belə bizə qaytarmaq fikrində deyildilər. Əfsuslar olsun ki, bu məsələ ilə məşğul olmuş vasitəçilər faktiki olaraq münaqişəni dondurmaq istəyirdilər, münaqişəni əbədi etmək istəyirdilər. İstəyirdilər ki, bu yara heç vaxt sağalmasın. Azərbaycan xalqı və dövləti bu vəziyyətlə heç vaxt barışa bilməzdi. Mən dəfələrlə deyirdim ki, biz heç vaxt bu vəziyyətlə barışmayacağıq, heç vaxt imkan verməyəcəyik ki, bizim torpağımızda ikinci erməni dövləti yaradılsın".
Yeri gəlmişkən, arxada qalmış illər ərzində bir çox tarixi hadisələrə şahidlik etdik. Şərqi Zəngəzurda və Qarabağda üçrəngli bayrağımızı qaldırdıq. Qürur və iftixar dolu bu mənzərələri izləyən xalqımız bir daha əmin oldu ki, bizim qüdrətli liderimiz var. O lider ki, müdrik və qətiyyətli siyasəti ilə canlı əfsanəyə çevrilib. Xalqımız həmişə Prezident İlham Əliyevə yüksək etimad göstərib. Dövlətimzin başçısı Xankəndidəki çıxışında bu məsələyə də toxunmuşdur: "Azərbaycan xalqı mənə 20 il bundan əvvəl böyük etimad göstərmişdir və bu illər ərzində mən bunu hər zaman hiss etmişəm, bu inam daha da artmışdır. Bu gün vaxtilə - hələ işğal dövründə dediyim sözlər və xalq tərəfindən təkrarlanan sözlər mənim üçün ən böyük mükafatdır. Mən o vaxt demişdim ki, nəyi, necə, nə vaxt etmək lazımdır, onu mən bilirəm. İkinci Qarabağ müharibəsi dayananda da Azərbaycan xalqı bilirdi ki, mən bunu bilirəm. O gündən üç il keçməmiş biz bu gün buradayıq, Xankəndidəyik, Xankəndinin mərkəzindəyik, Azərbaycan Gerbi, Azərbaycan bayrağı altında. "Bu, böyük xoşbəxtlikdir və tarixi hadisədir. İndi bu tarix haqqında danışmaq mənim üçün bəlkə o qədər də düzgün deyil. Çünki bu tarixi biz yaşamışıq, bu tarixi biz yaratmışıq. Azərbaycan xalqı elə bir Qələbə qazanıb ki, həm dillər əzbəri olub, həm də bu Qələbə əbədi bizimlə olacaq. Bu Qələbə bizim tariximizdə əbədi olacaq. Bizdən sonra gələn nəsillər bu Qələbə ilə əbədi və haqlı olaraq fəxr edəcəklər".
Onu da qeyd edək ki, Müzəffər Ali Baş Komandan İlham Əliyevin 2023-cü il oktyabr ayının 15-də qədim şəhərlərimiz olan Xankəndi, Xocalı, Xocavənddə, Ağdərədə Zəfər bayrağını qaldırması yaddaşlarda əbədi yaşayacaq böyük tarixi əhəmiyyətli hadisədir. Artıq qəhrəmanlıq dastanına çevrilmiş həmin günü qürur və fəxrlə qeyd edirik. Prezident İlham Əliyevin 2024-cü il sentyabrın 18-də imzaladığı sərəncama əsasən, hər il sentyabrın 20-də Xankəndi, Xocalı, Xocavənd və Ağdərə günü təntənəli şəkildə qeyd edilir. Həmin gün işğaldan azad olunmuş Xankəndi, Xocalı, Xocavənd və Ağdərə şəhərlərində indi quruculuq, abadlıq və yenidənqurma işləri aparılır. Dövlətimizin başçısı mütəmadi olaraq bu şəhərləri ziyarət edir, aparılan quruculuq işləri ilə tanış olur, zəruri tapşırıq və tövsiyələr verir, qərarlar qəbul edir.
Ən əsası, tarix heç nəyi unutmur, heç nəyi yaddan çıxarmır. Hadisələri səhifələrində olduğu kimi qoruyub saxlayır. Saxlayır ki, müxtəlif zamanlarda baş vermiş həmin hadisələri gələcək nəsillər öyrənsinlər, xatırlasınlar və onunla qürur duysunlar. Prezident İlham Əliyevin 15 oktyabr 2023-cü ildə Xankəndi, Xocalı, Xocavənd və Ağdərə şəhərlərində dövlət bayrağımızı ucaltması da xalqımızın və tariximizin yaddaşından heç vaxt silinməyəcək hadisədir.
Bəxtiyar Həsənov,
YAP Göygöl rayon təşkilatı üzrə 3 nömrəli "Magistral avtomobil yollarının istismarı" MMC ərazi partiya təşkilatının sədr müavini
Xəbər lenti
Hamısına bax
YAP xəbərləri
15 Oktyabr 18:03
Dünya
15 Oktyabr 17:20
Maraqlı
15 Oktyabr 16:43
YAP xəbərləri
15 Oktyabr 16:41
İdman
15 Oktyabr 16:40
YAP xəbərləri
15 Oktyabr 16:38
YAP xəbərləri
15 Oktyabr 16:38
YAP xəbərləri
15 Oktyabr 16:18
Dünya
15 Oktyabr 15:51
Gündəm
15 Oktyabr 15:50
Hadisə
15 Oktyabr 15:47
Mədəniyyət
15 Oktyabr 15:46
Sosial
15 Oktyabr 15:43
Siyasət
15 Oktyabr 15:38
Sosial
15 Oktyabr 15:27
Dünya
15 Oktyabr 15:19
YAP xəbərləri
15 Oktyabr 15:07
YAP xəbərləri
15 Oktyabr 15:04
Mədəniyyət
15 Oktyabr 15:03
Hadisə
15 Oktyabr 15:02
YAP xəbərləri
15 Oktyabr 15:00
YAP xəbərləri
15 Oktyabr 14:58
YAP xəbərləri
15 Oktyabr 14:57
YAP xəbərləri
15 Oktyabr 14:56
YAP xəbərləri
15 Oktyabr 14:55
Dünya
15 Oktyabr 14:47
YAP xəbərləri
15 Oktyabr 14:44
YAP xəbərləri
15 Oktyabr 14:43
YAP xəbərləri
15 Oktyabr 14:40
YAP xəbərləri
15 Oktyabr 14:39
YAP xəbərləri
15 Oktyabr 14:35
Siyasət
15 Oktyabr 14:22
Sosial
15 Oktyabr 14:19
YAP xəbərləri
15 Oktyabr 14:15
Dünya
15 Oktyabr 14:10
Dünya
15 Oktyabr 13:54
Dünya
15 Oktyabr 13:35
YAP xəbərləri
15 Oktyabr 13:18
YAP xəbərləri
15 Oktyabr 13:01
Turizm
15 Oktyabr 12:59
Hadisə
15 Oktyabr 12:51
Siyasət
15 Oktyabr 12:40
YAP xəbərləri
15 Oktyabr 12:36
Dünya
15 Oktyabr 12:24
Gündəm
15 Oktyabr 11:51
Gündəm
15 Oktyabr 11:49
Gündəm
15 Oktyabr 11:32
Siyasət
15 Oktyabr 11:18
YAP xəbərləri
15 Oktyabr 11:11
Mədəniyyət
15 Oktyabr 11:03
İqtisadiyyat
15 Oktyabr 11:01
İqtisadiyyat
15 Oktyabr 11:00
Siyasət
15 Oktyabr 10:53
Mədəniyyət
15 Oktyabr 10:40
İqtisadiyyat
15 Oktyabr 10:39
İqtisadiyyat
15 Oktyabr 10:12
Analitik
15 Oktyabr 09:57
Analitik
15 Oktyabr 09:31
Analitik
15 Oktyabr 09:16
Sosial
15 Oktyabr 08:54
MEDİA
15 Oktyabr 08:21
Dünya
15 Oktyabr 08:14
Dünya
15 Oktyabr 07:43
İqtisadiyyat
15 Oktyabr 07:42
YAP xəbərləri
14 Oktyabr 23:59
YAP xəbərləri
14 Oktyabr 23:35
Dünya
14 Oktyabr 23:10
Dünya
14 Oktyabr 22:49
Xəbər lenti
14 Oktyabr 22:32
Dünya
14 Oktyabr 22:30
