Füzuli – Qəhrəmanlıqdan dirçəlişə doğru yol

Bakı:

18°C

77%

5m/s

Əlaqə

AZ RU EN

Ana səhifə / YAP xəbərləri / Füzuli – Qəhrəmanlıqdan dirçəlişə doğru yol

Füzuli – Qəhrəmanlıqdan dirçəlişə doğru yol

15.10.2025 [18:41]

Elmin Məmmədov

YAP Ağdam rayon təşkilatının əməkdaşı

Füzuli şəhəri və rayonun böyük hissəsi 23 avqust 1993-cü il tarixində erməni silahlı qüvvələri tərəfindən işğal olunmuşdur. Ermənistanın silahlı qüvvələri ilə mübarizədə rayon sakinlərindən 400 nəfərədək müharibə əlili, 663 nəfər şəhid olmuşdur, 181 nəfər əsir və itkin düşmüşdür.

İşğaldan əvvəlki Füzuli rayonu. Füzuli rayonunda işğaldan əvvəl 2 şəhər, 16 qəsəbə, 82 kənd və başqa yaşayış məntəqələri mövcud olmuşdur.

Müasir hərb tariximizə qızıl hərflərlə yazılmış 44 günlük Şanlı Vətən Müharibəsində Müzəffər Ali Baş Komandanımız Cənab İlham Əliyevin rəhbərliyi ilə qüdrətli Azərbaycan Ordusu "məğlubedilməz ordu" mifini darmadağın etdi və döyüş meydanında tarixi ədaləti pərpa etdi.17 oktyabr tarixi xalqımız tərəfindən böyük sevinc və qürur hissi ilə qeyd edilir. Azərbaycan ordusunun əks hücum əməliyyatları nəticəsində Füzuli şəhəri daxil olmaqla, rayonun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri işğaldan azad edildi. Bu zəfər Azərbaycanın müasir tarixinin ən şanlı səhifələrindəndir. Füzuli rayonunda işğaldan əvvəl 2 şəhər, 16 qəsəbə, 82 kənd və başqa yaşayış məntəqələri mövcud olmuşdur.Qüdrətli və rəşadətli Azərbaycan Ordusu düşmənin müdafiə xəttini yarmaqla qədim yaşayış məskənimiz olan Füzulini işğaldan azad etməklə yanaşı, mühüm strateji üstünlüklər də qazanmış oldu və bu da növbəti döyüş əməliyyatlarının uğurla həyata keçirilməsinə zəmin yaratdı.

Vətən müharibəsinin 21-ci günü - 2020-ci il oktyabrın 17-si hərb tariximizə Füzuli şəhərinin və ətraf kəndlərin erməni işğalından azad edildiyi gün kimi yazıldı. Dövlətimizin başçısı cənab İlham Əliyevin 2023-cü il iyulun 31-də imzaladığı Sərəncama əsasən Füzuli şəhərinin işğaldan azad edildiyi 17 oktyabr tarixi Füzuli şəhəri günü kimi qeyd olunur. 44 günlük Zəfər yürüşündə hər gün qələbə xəbərləri gəlirdi. Bu əlamətdar günün təsis olunması Füzuli şəhərinin Ermənistan silahlı qüvvələrinin işğalından azad edilməsi tarixi ilə bağlıdır. Belə ki, bu gün - oktyabrın 17-də şəhərin erməni işğalçılarından təmizlənməsindən 5 il ötür. Döyüşlər başlayandan oktyabrın 17-dək Füzuli rayonunun bir neçə kəndi uğurlu əməliyyatlarla işğaldan azad olunmuşdu.

Ölkə Prezidenti Cənab İlham Əliyevin "Füzuli şəhəri işğalçılardan azad edilib. Füzuli şəhərində Azərbaycan bayrağı qaldırılıb. Biz Füzuliyə qayıtmışıq" fikirləri xalqımızın mərdliyini və birliyini özündə təcəssüm etdirdi.Düşmən tapdağından azad olunmuş digər rayonlarımız kimi Füzuli rayonunda da quruculuq-bərpa işləri, infrastruktur layihələri uğurla icra olunmaqdadır.

Paylaş:

Baxılıb: 40 dəfə