Türk dünyasının gələcəyinə Azərbaycan baxışı

Bakı:

16 °C

100 %

9 m/s

Əlaqə

AZ RU EN

Ana səhifə / YAP xəbərləri / Türk dünyasının gələcəyinə Azərbaycan baxışı

Türk dünyasının gələcəyinə Azərbaycan baxışı

09.10.2025 [23:14]

Qədim Qəbələ bu dəfə sanki bir tarix dərsinə çevrildi. Bu şəhər bir vaxtlar Qafqaz Albaniyasının paytaxtı idi, indi isə Türk dünyasının strateji gələcəyinin müzakirə olunduğu mərkəzə çevrildi. Burada keçirilən Türk Dövlətləri Təşkilatının 12-ci Zirvə Görüşü həm mənəvi, həm siyasi baxımdan tarixi hadisə kimi yadda qalacaq. Azərbaycan Prezidenti cənab İlham Əliyevin Qəbələdəki çıxışı bu zirvəyə dərin ideoloji məzmun qazandırdı. O, sadəcə dövlət başçısı kimi deyil, həm də Türk birliyinin düşüncə və istiqamət lideri kimi danışdı: “Türk dünyası qlobal siyasətin yeni reallığında mühüm söz sahibinə çevrilib. Biz ortaq tarixi, mədəniyyət və mənəvi köklər üzərində yeni siyasi güc mərkəzi formalaşdırırıq.” Bu fikirlər bir daha sübut edir ki, Azərbaycanın liderlik xətti milli maraqlardan çox-çox genişdir. Bu, Türk dünyasının gələcəyini formalaşdıran strateji baxışdır.

Qəbələdə səslənən hər fikir təkcə region üçün deyil, həm də beynəlxalq münasibətlər sistemində mühüm siqnaldır. Cənab Prezident İlham Əliyevin sözləri ilə desək, “Türk dövlətlərinin əməkdaşlığı qlobal sabitlik və ədalət üçün alternativ modelə çevrilir.” Bu modelin mərkəzində qarşılıqlı etimad, bərabərlik və iqtisadi inteqrasiya dayanır. Azərbaycanın təşəbbüsü ilə həyata keçirilən nəqliyyat dəhlizləri, enerji layihələri və rəqəmsal əməkdaşlıq formatları bu baxışın real təzahürüdür. Qəbələ toplantısı bir daha göstərdi ki, Türk Dövlətləri Təşkilatı artıq ideya deyil, real siyasi güc mərkəzidir. Cənab Prezident İlham Əliyevin liderliyi ilə Azərbaycan bu birliyin həm coğrafi, həm də mənəvi mərkəzinə çevrilib. Təsadüfi deyil ki, bu zirvə məhz Qəbələdə keçirildi. Qədim Qəbələ – mədəniyyətin, dövlətçiliyin və müdrikliyin beşiyidir. Cənab Prezident İlham Əliyev bu faktı xüsusi vurğuladı: “Qəbələ təkcə Azərbaycanın deyil, bütün Türk dünyasının ortaq tarixi yaddaşının bir parçasıdır.” Bu, sadəcə bir coğrafi seçim deyil, həm də təsadüfdən uzaq tarixi simvolizm idi – qədim Qəbələdən gələcəyə uzanan Türk həmrəyliyi körpüsü idi. Qəbələ Zirvəsi Türk dünyasının gələcək yol xəritəsini müəyyənləşdirdi. Burada təkcə iqtisadi əməkdaşlıq deyil, həm də elm, təhsil, mədəniyyət, süni intellekt və kibertəhlükəsizlik sahələrində ortaq strategiyalar müzakirə olundu. Cənab Prezident İlham Əliyev vurğuladı ki, “Türk dövlətləri texnoloji müstəqillik və enerji təhlükəsizliyi məsələsində vahid mövqedən çıxış etməlidirlər.” Bu, həm iqtisadi, həm də siyasi sabitliyin açarıdır. Azərbaycan bu istiqamətdə liderlik missiyasını artıq sübuta yetirib – Zəngəzur dəhlizindən tutmuş Transxəzər əməkdaşlığına qədər bütün təşəbbüslərin mərkəzində Azərbaycan dayanır. Qəbələ toplantısı Türk dövlətləri arasında həmrəyliyin, qarşılıqlı hörmətin və birgə inkişaf iradəsinin rəmzinə çevrildi. Cənab Prezident İlham Əliyevin Qəbələdən verdiyi mesajlar, əslində, gələcəyə yönəlmiş bir strateji manifest idi: “Bizim gücümüz birliyimizdədir. Türk dünyası gələcəyin siyasi, iqtisadi və mədəni reallığını formalaşdıracaq.” Bu çağırış təkcə regiona deyil, dünyaya yönəlikdir. Azərbaycan bu birliyin ruhunu daşıyır, onu qoruyur və gələcəyə aparır. Qəbələ Zirvəsi bir daha sübut etdi ki, cənab Prezident İlham Əliyev Türk birliyinin ideoloji memarı və siyasi istiqamətvericisidir. Onun uzaqgörən siyasəti sayəsində Türk Dövlətləri Təşkilatı artıq beynəlxalq aləmdə güc mərkəzinə çevrilir. Bu gün Qəbələdən yüksələn səs bir tarixi həqiqəti təsdiqlədi. Azərbaycanın liderliyi ilə Türk dünyası tək tarixə deyil, gələcəyə də ortaq imza atır. Qəbələ Zirvəsi təkcə diplomatik tədbir deyildi. Bu, Türk dünyasının öz gücünə inamının təsdiqi idi. Bu inamın mərkəzində Azərbaycan dayanır – Zəfəri ilə şərəflənən, sülhü ilə örnək olan, Türk birliyinin gələcəyinə yön verən Azərbaycan. Cənab Prezident İlham Əliyevin çıxışı həm çağırış, həm də proqram xarakteri daşıyırdı: “Əminəm ki, Zirvə Görüşümüz qəbul edəcəyimiz qərarlarla Türk Dövlətləri Təşkilatının mövqeyini daha da gücləndirəcək, xalqlarımızın rifahına və təhlükəsizliyinə əlavə töhfə verəcəkdir.” Qəbələdən yüksələn bu səs Türk dünyasına yeni nəfəs, yeni ümid, yeni istiqamət verdi. Bu Zirvə ilə bir daha təsdiqləndi ki, Türk birliyi-çağımızın ən canlı ideyası, sabahın böyük həqiqətidir. O həqiqətin mərkəzində isə Azərbaycanın səsi, Zəfərin ruhu, Prezident İlham Əliyevin uzaqgörən liderliyi dayanır.

Paylaş:

Baxılıb: 519 dəfə