9 oktyabrda siyəzənlilərin seçimi İlham Əliyev olacaq

Bakı:

25 °C

54 %

3 m/s

Əlaqə

AZ RU EN

Ana səhifə / YAP xəbərləri / 9 oktyabrda siyəzənlilərin seçimi İlham Əliyev olacaq

9 oktyabrda siyəzənlilərin seçimi İlham Əliyev olacaq

01.10.2013 [10:02]

Siyəzən rayonunda Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində minlərlə rayon sakininin iştirak etdiyi möhtəşəm mitinq-konsert keçirilib
Yeni Azərbaycan Partiyasının (YAP) 9 oktyabrda keçiriləcək prezident seçkilərində namizədi cənab İlham Əliyevin təbliğat-təşviqat kampaniyası Siyəzən rayonunda uğurla davam edir. Kampaniya çərçivəsində dünən rayonda minlərlə rayon sakininin iştirak etdiyi möhtəşəm mitinq-konsert keçirilib.
Mitinqi giriş sözü ilə açan YAP Siyəzən rayon təşkilatının sədri Etibar Heydərov bildirib ki, son 10 il ərzində ölkəmizdə geniş quruculuq-abadlıq işləri həyata keçirilib: “Azərbaycan 10 il ərzində iqtisadi islahatların aparılması ilə dünyanın ən sürətli iqtisadi inkişafına nail olub. Bu gün dünyada, elə ölkə tapılmaz ki, 10 il ərzində iqtisadiyyatı üç dəfədən çox artsın. Ölkəmizdə sosial rifahın, insanların maddi vəziyyətinin yaxşılaşdırılması, müxtəlif sosial proqramların icrası həyata keçirilən siyasətin əsas istiqamətləridir. Sovet dövründən qalmış əmanətlərin verilməsi də bu siyasətin təzahürüdür. Ona görə, görülmüş işlər deməyə əsas verir ki, hökumət gələcəkdə də bu uğurlu meyilləri daha da gücləndirəcək. Buna görə də, biz cənab Prezidentin ətrafında sıx birləşməli və 9 oktyabrda Ona səs verməliyik”.
Daha sonra çıxış edən Milli Məclisin deputatı Tahir Süleymanov isə qeyd edib ki, bu gün kənd təsərrüfatının inkişafı dövlətin əsas strategiyalarından biridir: “Cənab Prezident İlham Əliyev 2003-cü ildə Prezident seçiləndən sonra kənd təsərrüfatı istehsalının artımını ölkə iqtisadiyyatının əsas inkişaf istiqamətlərindən biri kimi müəyyən edib. Sonrakı illərdə həyata keçirilmiş regionların inkişafına yönələn dövlət proqramları, fermerlərə güzəştli kreditlərin verilməsi və aqrar sektora subsidiyaların artırılması, regionlarda iri emal müəssisələrinin, kənd təsərrüfatı mallarını saxlamaq üçün anbar komplekslərinin tikilməsi, infrastrukturun inkişafı və digər amillər sayəsində kənd təsərrüfatı istehsalı ildən-ilə artır. Bu işlərin davamlı olması üçün yekdilliklə cənab Prezidentə dəstək olmalıyıq”.
“Səs” qəzetinin baş redaktoru Bəhruz Quliyev isə bildirib ki, bu gün hər birimiz cənab İlham Əliyevin vətəndaşlara göstərdiyi yüksək qayğı və diqqətə cavabımızı həm əməli işimizlə, həm də seçkidə verəcəyimiz böyük dəstəklə göstərməliyik: “Əsası Azərbaycan xalqının Ümummilli lideri Heydər Əliyev tərəfindən qoyulan müasir Azərbaycan dövləti vətənpərvərlik, azərbaycançılıq, dövlətçilik prinsipləri əsasında inkişaf etməkdədir. Cəmiyyətimizin ictimai-siyasi, sosial-iqtisadi və mədəni həyatında fəal iştirakın təmin edilməsi, diasporumuzun potensialının ümummilli məsələlərin həllinə yönəldilməsi istiqamətində işlər aparılır. Həmçinin, bu gün Azərbaycan Respublikasının Prezidenti cənab İlham Əliyevin təşəbbüsü və rəhbərliyi ilə müxtəlif sahələrdə Dövlət proqramları həyata keçirilir və Azərbaycanın milli maraqlarının yüksək səviyyədə qorunması və müdafiəsi üçün məqsədyönlü fəaliyyət göstərilir. Bu fəaliyyət bir daha onu diktə edir ki, xalqımız əgər sabitlik və inkişaf istəyirsə, hamılıqla cənab Prezidentimizi dəstəkləməlidir”.
Çıxış edən rayon sakinləri bildiriblər ki, bu gün siyəzənlilərin yeganə seçimi məhz cənab İlham Əliyevdir. Sonra tədbir incəsənət ustalarının təşkil etdiyi konsert proqramı ilə davam edib.
OKTAY

Paylaş:

Baxılıb: 1314 dəfə