Qurtuluşdan Zəfərə gedən yolun memarı

Bakı:

21 °C

83 %

6 m/s

Əlaqə

AZ RU EN

Ana səhifə / YAP xəbərləri / Qurtuluşdan Zəfərə gedən yolun memarı

Qurtuluşdan Zəfərə gedən yolun memarı

01.10.2025 [21:30]

1993-cü il oktyabrın 3-də keçirilmiş prezident seçkiləri Azərbaycan xalqı üçün taleyüklü hadisə, dövlətçiliyimizin xilasa gedən yolunun başlanğıcı oldu. O zaman xalqımız üzərinə düşən məsuliyyətin böyüklüyünü dərindən dərk edirdi. Hamı anlayırdı ki, səriştəsiz hakimiyyətlər nəticəsində dövlət müstəqilliyimiz itmək təhlükəsi ilə qarşı-qarşıya qalıb və yeganə çıxış yolu xilaskar liderin seçilməsidir. 3 oktyabrda xalq yekdilliklə Heydər Əliyevi Azərbaycan Respublikasının Prezidenti seçdi və bununla da bu günkü qüdrətli dövlətimizin təməlləri qoyuldu.Hələ sovet dönəmində respublikaya rəhbərlik etdiyi illərdə milli dövlətçilik düşüncəsini, azərbaycançılıq ruhunu yaşadan Ulu Öndər Heydər Əliyevə xalqın sevgisi güclü idi. Xalqın bu sevgisi və çağırışı onu yenidən vətənə gətirdi. Əgər o illərdə dahi şəxsiyyət dövlət rəhbərliyinə dəvət edilsəydi, 20 Yanvar faciəsi, Xocalı soyqırımı və digər ağır sınaqlar xalqımızın taleyinə yazılmaya bilərdi. 1993-cü ildə xalq öz iradəsi ilə Heydər Əliyevi hakimiyyətə gətirərək müstəqil dövlətimizin ilk dəfə olaraq əsl güclü rəhbərlik və möhkəm mərkəzi hakimiyyətlə tanış olmasına şərait yaratdı.Onun prezident seçilməsindən sonra ölkədə vətəndaş həmrəyliyi təmin edildi, sabitlik bərpa olundu, Qarabağda atəşkəs əldə edildi, ordu quruculuğuna ciddi diqqət yetirildi. Qısa müddət ərzində real və güclü silahlı qüvvələr formalaşdırıldı. Məhz bu əsaslar sonradan Vətən Müharibəsində qazanılan Zəfərin başlanğıc nöqtəsini təşkil etdi.Ulu Öndər Heydər Əliyevin əsas məqsədi Azərbaycanda hüquqi və demokratik dövlət qurmaq idi. Onun rəhbərliyi ilə siyasi-hüquqi islahatlar başladı: ilk parlament seçkiləri keçirildi, çoxpartiyalı sistem yarandı, müstəqil Azərbaycanın ilk Konstitusiyası qəbul edildi. Mətbuat üzərində senzura ləğv olundu, məhkəmə-hüquq islahatları həyata keçirildi, Konstitusiya Məhkəməsi və Ombudsman təsisatı yaradıldı. İnsan hüquq və azadlıqları dövlətin ali məqsədi elan olundu, qadınların dövlət həyatında rolunun artırılmasına geniş imkanlar açıldı. Bütün bu addımlar nəticəsində Azərbaycan həqiqi mənada demokratik-hüquqi dövlətə çevrildi.Milli ideologiyanın yaradılması da onun dövlətçilik siyasətinin vacib tərkib hissəsi idi. Heydər Əliyev dəfələrlə vurğulayırdı ki, azərbaycançılıq dövlətçiliyin, milli-mənəvi dəyərlərin və ümumbəşəri dəyərlərin vəhdətidir. Ulu Öndərin "Mən fəxr edirəm ki, azərbaycanlıyam” kəlamı hər bir soydaşımıza milli kimliyimizlə qürur duymağı aşıladı və azərbaycançılıq məfkurəsini gücləndirdi.Dahi lider qlobal düşüncəsi, uzaqgörən siyasəti, ensiklopedik biliyi və diplomatik istedadı ilə yalnız Azərbaycanda deyil, bütün dünyada “siyasət nəhəngi” kimi tanınırdı. Onun qoyduğu möhkəm dövlətçilik təməli vəsiyyət kimi varisinə ötürüldü. Prezident İlham Əliyev həmin yolu ləyaqətlə davam etdirərək Azərbaycanı daha da gücləndirdi. İkinci Qarabağ müharibəsində qazanılmış tarixi Zəfər, Qarabağda həyata keçirilən antiterror əməliyyatları nəticəsində suverenliyin tam bərpası məhz Heydər Əliyevin qoyduğu əsasların davamı oldu.Bu gün Azərbaycana qarşı çıxan hər kəs bilməlidir ki, dövlətimiz Heydər Əliyev siyasəti üzərində möhkəmlənib və bu siyasət əbədi olaraq davam edəcək. Onun əziz xatirəsi isə xalqımızın yaddaşında əbədi yaşayacaq.

Zaur Mehdiyev,

YAP Gədəbəy rayon təşkilatının sədr müavini

Paylaş:

Baxılıb: 435 dəfə