Mingəçevir sakinləri artıq öz seçimlərini ediblər

Bakı:

25 °C

56 %

1 m/s

Əlaqə

AZ RU EN

Ana səhifə / YAP xəbərləri / Mingəçevir sakinləri artıq öz seçimlərini ediblər

Mingəçevir sakinləri artıq öz seçimlərini ediblər

01.10.2013 [09:54]

YAP-ın prezidentliyə namizədi cənab İlham Əliyevin təbliğat-təşviqat kampaniyası çərçivəsində dünən seçicilərlə növbəti görüşlər keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin Mingəçevir şəhəri üzrə seçki qərargahının üzvləri seçicilərlə görüşlərini uğurla davam etdirirlər. Bu tədbirlər çərçivəsində dünən seçicilərlə növbəti görüşlər keçirilib.
Görüşləri giriş sözü ilə açan Yeni Azərbaycan Partiyası Mingəçevir şəhər təşkilatının sədri Cavanşir Yusubov deyib ki, bu gün ölkədə hərtərəfli inkişaf müşahidə olunur. Onun sözlərinə görə, cənab İlham Əliyevin rəhbərliyi ilə həyata keçirilən sosial-iqtisadi islahatlar nəticəsində Azərbaycanın hər bir guşəsi abadlaşır, gözəlləşir. Məhz, ölkədə gedən abadlıq-quruculuq prosesinin tərkib hissəsi kimi Mingəçevirdə də böyük işlər görülür: “Şəhərimizdə yollar salınır, geniş quruculuq işləri həyata keçirilir. Bununla yanaşı, Mingəçevirdə yeni iş yerləri açılır, məktəblər, səhiyyə ocaqları tikilir, yeni müəssisələr işə salınır. Bütün bunlar insanların maddi rifahının yüksəlməsinə, rahatlığını təmin edilməsinə hesablanıb”.
Cavanşir Yusubov sonda bütün seçiciləri 9 oktyabrda seçki məntəqələrinə gedərək Yeni Azərbaycan Partiyasının namizədi cənab İlham Əliyevə səs verməyə çağırıb.
Sakinlər qarşısında çıxış edən cənab İlham Əliyevin Mingəçevir şəhəri üzrə seçki qərargahının üzvü Əli Ağamirov Ulu öndər Heydər Əliyevin siyasətini uğurla həyata keçirən Prezident İlham Əliyevin əldə etdiyi uğurlardan danışaraq bildirib ki, bu siyasətin hədəfi qüdrətli, inkişaf etmiş Azərbaycan dövlətində xalqın firavan yaşamasıdır. Məhz, bunu görən və qiymətləndirən, qədirbilən Azərbaycan xalqı cənab İlham Əliyevi dəstəkləyir.
Onun sözlərinə görə, 9 oktyabr tarixi xalqımızın həyatında əlamətdar bir gün olacaq: “Çünki həmin gün xalqımız səs verərək növbəti beşillikdə kimin rəhbərliyi ilə irəli gedəcəyini müəyyənləşdirəcək. Amma düşünürəm ki, Mingəçevir sakinləri öz seçimlərini hələ 1993-cü ildə ediblər. Bu mövqeyi 2003-cü və 2008-ci illərdə də Ulu öndər Heydər Əliyev siyasətinin layiqli davamçısı Prezident İlham Əliyevə səs verməklə bir daha ortaya qoyublar. Əminəm ki, mingəçevirlilər 9 oktyabrda da seçimlərini düzgün edəcəklər”.
Digər çıxışçılar da seçiciləri seçki günü məntəqələrə gedərək Yeni Azərbaycan Partiyasının namizədi cənab İlham Əliyevə səs verməyə çağırıblar.
Görüş iştirakçıları da öz növbəsində seçimlərinin yalnız cənab İlham Əliyev olduğunu qeyd ediblər.
Nadir AZƏRİ

Paylaş:

Baxılıb: 1337 dəfə