Azərbaycan qlobal çağırışlara davamlı töhfələr verən ölkə kimi tanınır

Bakı:

26 °C

73 %

4 m/s

Əlaqə

AZ RU EN

Ana səhifə / YAP xəbərləri / Azərbaycan qlobal çağırışlara davamlı töhfələr verən ölkə kimi tanınır

Azərbaycan qlobal çağırışlara davamlı töhfələr verən ölkə kimi tanınır

01.10.2025 [16:29]

BMT Baş Assambleyasının 80-ci sessiyasında cənab Prezident İlham Əliyevin çıxışı Azərbaycanın haqq mübarizəsinin zirvəsi kimi tarixi əhəmiyyət daşıdı. Bu nitq təkcə diplomatik mövqe deyil, həm də xalqımızın otuz illik ədalət savaşının yekunu, Qələbənin fəlsəfəsi və gələcəyə yönəlmiş mesajı idi. Bu həm də ədalətin gecikmiş, amma möhtəşəm qələbəsi kim tarix oldu. Azərbaycan xalqı illərlə beynəlxalq hüququn pozulmasına, BMT qətnamələrinin icra olunmamasına şahidlik etdi. Amma heç vaxt ümidini itirmədi.

Prezident İlham Əliyev 25 sentyabr 2025-də BMT Baş Assambleyasının 80-ci sessiyasında çıxışı ilə Azərbaycan səsinin gücünü bütün dünyaya eşitdirdi. Sülhə, ədalətə və birlik çağırışı bu torpağın haqq yolunu bir daha göstərdi. Bu çıxış yalnız bir nitq deyildi – xalqımızın qətiyyətini, azadlıq və inkişaf yolunda iradəsini bütün bəşəriyyətə nümayiş etdirdi. Azərbaycanın haqq səsini dünyaya çatdıran bu güclü mesaj hər birimizi dərin qürur hissi ilə doldurdu.

Prezident bəyan etmişdir ki, 1992-ci ildə münaqişənin həlli məqsədilə yaradılmış ATƏT-in Minsk qrupu öz missiyasını yerinə yetirə bilməmişdir. Bu qurumun fəaliyyəti illərlə yalnız status-kvonun qorunmasına xidmət etmiş, Ermənistanın işğalçı siyasətinə göz yumulmuş, beynəlxalq hüququn prinsipləri isə müdafiə olunmamışdır.

Minsk qrupunun nəticəsiz fəaliyyəti, əslində, böyük dövlətlərin geosiyasi maraqları və ikili standartlarının təzahürü idi. Bu, həm Azərbaycanın milli maraqlarına, həm də beynəlxalq hüququn aliliyinə zidd bir yanaşma idi. Prezident İlham Əliyev tribunadan açıq şəkildə bildirmişdir ki, əgər beynəlxalq təşkilatlar ədalətli mövqedən çıxış etsəydilər, münaqişə çoxdan həll oluna bilərdi. Prezident İlham Əliyev BMT Baş Assambleyasının 80-ci sessiyasında çıxış edərək Azərbaycanın tarixi ədalət uğrunda mübarizəsindən və əldə etdiyi böyük nailiyyətlərdən bəhs etdi. O, Ermənistanın illərlə həyata keçirdiyi etnik təmizləmə siyasətini, bir milyon azərbaycanlının didərgin salınmasını və BMT qətnamələrinin icra olunmamasını xatırlatdı. Minsk qrupunun fəaliyyətsizliyini qeyd edən dövlət başçısı 2020-ci ildə Azərbaycanın özünümüdafiə hüququndan istifadə edərək Vətən müharibəsində qələbə qazandığını bildirdi. 44 günlük savaş nəticəsində ərazi bütövlüyünün bərpası beynəlxalq hüququn üstünlüyünün təsdiqi kimi dəyərləndirildi. Prezident vurğuladı ki, müharibədən dərhal sonra Azərbaycan sülh təşəbbüsləri irəli sürdü və bu ilin avqustunda Vaşinqtonda Azərbaycanla Ermənistan arasında sülh müqaviləsinin paraflanması tarixi dönüş nöqtəsi oldu. ABŞ Prezidenti Donald Trampın iştirakı ilə imzalanan sənəd bölgədə yeni sabitlik mərhələsinin başlanğıcıdır. Bundan əlavə, ATƏT-in Minsk qrupu kimi köhnəlmiş mexanizmlərin ləğvi regionda real sülhün təmin olunmasına yönəlib.

Prezident İlham Əliyevin BMT Baş Assambleyasındakı çıxışı Azərbaycanın son beş ildə keçdiyi qələbə, sülh və inkişaf yolunun qlobal miqyasda təqdimatı oldu. Bu çıxış təkcə Azərbaycanın uğurlarını deyil, həm də beynəlxalq hüququn, ədalətin və qanunun aliliyinin qlobal miqyasda təmin olunmasının vacibliyini nümayiş etdirdi.

Əli Paşayev,

YAP Tərtər rayon təşkilatının məsləhətçisi

Paylaş:

Baxılıb: 688 dəfə