Qəhrəmanlıq tarixinin yazıldığı gün

Bakı:

23 °C

64 %

6 m/s

Əlaqə

AZ RU EN

Ana səhifə / YAP xəbərləri / Qəhrəmanlıq tarixinin yazıldığı gün

Qəhrəmanlıq tarixinin yazıldığı gün

25.09.2025 [19:25]

Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarından keçmiş əsgər və zabitlərimizə, bütün şəhidlərimizə dərin ehtiram əlaməti olaraq, Azərbaycan Respublikasının Prezidenti İlham Əliyevin 2020-ci il 2 dekabr tarixli Sərancamı ilə hər il sentyabrın 27-si Azərbaycan Respublikasında Anım Günü kimi qeyd edilməsi qərara alınmışdır.

27 sentyabr 2020-ci il. Bu tarix xalqımızın, XXI əsr hərb salnaməmizin, böyük tarixi keçmişə malik olan müasir Azərbaycanımızın şanlı zəfər səhifəsinin başlanğıcıdır. Öz çirkin əməllərindən əl çəkməyən, hər fürsətdə təxribata və fitnəkarlığa əl atan, işğalçılıq, təcavüzkarlıq siyasəti yeridən, havadarlarının əli ilə Azərbaycanın əzəli torpaqlarında Ermənistan Respublikasının yaradılmasına nail olan ermənilər məhz bu tarixdə növbəti dəfə işğalçı niyyətlərini həyata keçirməyə çalışdılar. İllərlə ürəyi Qarabağa qovuşmaq eşqi ilə alışan, Ana torpağı düşmən tapdağından azad etmək arzusu ilə yaşayan Azərbaycan Ordusu düşmənin hücumuna qarşı Vətən müharibəsinə başladı. Azərbaycanın keşiyində duran mərd, igid hərbçilərimiz canları bahasına işğal olunmuş ərazilərimizi son qarışına qədər azad etmək əzmi ilə qırx dörd gün davam edən qanlı döyüşlərdə tarixi torpaqlarımızı işğaldan azad etdilər. 30 ilə yaxın müddətdə hər il düşmən əsarətində olan şəhər və rayonlarımızın kədərlə yad etdiyimiz işğal günlərini Ali Baş Komandan İlham Əliyevin rəhbərliyi altında rəşadəti Ordumuz qürurlu günlərlə əvəz etdi. Prezident İlham Əliyevin rəhbərliyi altında, Ordumuzun gücü, xalqımızın birliyi, əsgər və zabitlərimizin qanı-canı bahasına 30 ilə yaxın düşmən əsarətində olan torpaqlarımız işğaldan azad olundu. Azərbaycan bir daha güclü bir dövlət kimi öz qüdrətini bütün dünyaya göstərdi.

Torpaqlarımız işğaldan qəhrəman şəhidlərimizin, əsgər və zabitlərimizin, qazilərimizin qanı-canı bahasına azad edilib. Azərbaycan xalqı, bütün dünya azərbaycanlıları Respublikamızın suverenliyi və ərazi bütövlüyü uğrunda canlarını fəda etmiş, Azərbaycan Bayrağını işğaldan azad edilən torpaqlarımızda dalğalandırmış qəhrəman şəhidlərimizin xatirəsini qürurla yad edir. Hər birimiz bu Zəfərin nəyin bahasına qazanıldığını yadda saxlamağa borcluyuq . Azərbaycan xalqının igid oğulları Zəfər naminə, Azərbaycanın gələcəyi naminə canlarından keçib. Vətən müharibəsi bizim şanlı tariximiz, şəhidlər və qazilər qürur mənbəyimizdir. Şəhidlərimizin, qazilərimizin, əsgər və zabitlərimizin hər biri əsl qəhrəman və qorxmazlıq nümunəsidir...

27 sentyabr Vətən müharibəsində canlarını fəda etmiş şəhidlərimizin Anım Günü olması ilə bərabər, həm də Zəfər gününün başlanğıcıdır. Qırx dörd gün ərzində biz təkcə öz ərazi bütövlüyümüzü bərpa etmədik, təkcə düşməni torpağımızdan qovmadıq həm də dünya xəzinəsini öz inci əsərləri ilə bəzəyən Qarabağ dühalarının ruhlarını 30 ilə yaxın sürən məhbəslikdən azad etdik, Azərbaycanın hərbi gücünü, qüdrətini bütün dünyaya tanıtdıq. Əlbəttə ki, bu qırx dörd gün qısa bir zaman olsa da, Azərbaycanın şanlı tarixi yazıldı. Qırx dörd gün ərzində əldə edilən Qələbə Prezident İlham Əliyev tərəfindən həyata keçirilən məqsədyönlü siyasət, Azərbaycan Ordusunun Vətənə məhəbbəti və xalqımızın “dəmir yumruq” kimi Ali Baş Komandanın ətrafında birləsməsinin nəticəsi idi. Ali Baş Komandanın rəhbərliyi altında Azərbaycan Ordusu döyüş meydanında sübut etdi ki, Qarabağ Azərbaycandır!

Azərbaycanın torpaq itkisi dövrü başa çatıb, indi geri qaytarılmış ərazilərin quruculuq, inkişaf dövrüdür!

Səltənət Möhsünlü,

YAP Tərtər Rayon Təşkilatının məsləhətçisi

Paylaş:

Baxılıb: 490 dəfə