Sumqayıt seçiciləri inkişafımızın davamlılığına səs verəcək

Bakı:

28 °C

42 %

5 m/s

Əlaqə

AZ RU EN

Ana səhifə / YAP xəbərləri / Sumqayıt seçiciləri inkişafımızın davamlılığına səs verəcək

Sumqayıt seçiciləri inkişafımızın davamlılığına səs verəcək

28.09.2013 [11:01]

YAP Sumqayıt şəhər təşkilatı təbliğat-təşviqat kampaniyası çərçivəsində seçicilərlə növbəti görüşünü keçirib
9 oktyabrda keçiriləcək prezident seçkilərində Yeni Azərbaycan Partiyası tərəfindən namizədliyi irəli sürülmüş Azərbaycan Respublikasının Prezidenti cənab İlham Əliyevin Sumqayıt şəhəri üzrə seçki qərargahı təbliğat-təşviqat kampaniyasını uğurla davam etdirir.
Kampaniya çərçivəsində keçirilən növbəti görüşü giriş sözü ilə açan YAP Sumqayıt şəhər təşkilatının sədri Asif İmaməliyev bildirib ki, bu gün Azərbaycanda cənab İlham Əliyevə rəqib ola biləcək siyasi qüvvə yoxdur: “Prezident İlham Əliyev Azərbaycanı qabaqcıl dünya ölkələrindən birinə çevirib. Ona bu işdə dəstək olmaq üçün hər bir azərbaycanlı 9 oktyabrda seçki məntəqələrinə gedərək İlham Əliyevin növbəti 5 ildə də ölkəmizə rəhbərlik etməsi üçün səs verməlidir”.
Milli Məclisin deputatı, respublika Ağsaqqallar Şurasının sədri Fəttah Heydərov tədbirdə çıxış edərək əsası Ulu öndər Heydər Əliyev tərəfindən qoyulmuş və bu gün uğurla davam etdirilən siyasi kursdan söhbət açıb. F.Heydərov qeyd edib ki, son illər Azərbaycan iqtisadiyyatının yüksək sürətlə inkişafı təmin edilib: “Bu gün qürur hissi ilə deyə bilərik ki, Azərbaycanda aparılan iqtisadi islahatlar nəticəsində istənilən sahədə, iqtisadi və sosial məsələlərin həllində gözəl nailiyyətlərimiz var”.
Fəttah Heydərov bildirib ki, İlham Əliyev fenomeninin çox önəmli xüsusiyyəti əzəmətli, miqyaslı düşüncə və fəaliyyətində ifadə olunur. Ötən 10 il ərzində ölkənin məlum nailiyyətləri məhz bu əzəmətin təcəssümüdür. 2003-cü ilin prezident seçkilərindən başlayaraq cənab İlham Əliyev həmişə öz proqramında əzəmətli vəzifələr irəli sürüb və sevindirici haldır ki, onların hamısı uğurla yerinə yetirilib. Əzəmətli proqramlar qəbul etmək Onun idarəçilik üsulunun tərkib hissəsi kimi də qiymətləndirilə bilər.
Çıxış edən Milli Məclisin deputatı Eldar İbrahimov bildirib ki, Azərbaycan cəmiyyətində 2013-cü ilin prezident seçkilərinə maraq çox güclüdür və növbəti Prezident seçkiləri də Azərbaycanda demokratiyanın inkişafında və beynəlxalq aləmdə nüfuzunun daha da artmasında mühüm addımlardan biri olacaqdır. Yeni Azərbaycan Partiyası Seçki Məcəlləsinin tələbinə uyğun olaraq daim təkmilləşən yeni seçki texnologiyalarından istifadə edir: “Keçirilən görüşlərdəki yüksək əhval-ruhiyyə onu göstərir ki, ictimai-siyasi proseslərdə daim fəallıq göstərən vətəndaşlarımız bu seçkilərdə də yaxından iştirak edəcəklər, Yeni Azərbaycan Partiyasının namizədi, Azərbaycanı ilbəil, aybaay daha da qüdrətli edən, öz inkişaf tempinə və iqtisadi artımına görə dünyanın lider dövlətinə çevirən cənab İlham Əliyevə səs verəcəklər. Xalqımız cənab İlham Əliyevi yenidən Prezident seçməklə öz davamlı inkişafına, parlaq gələcəyinə, nəsillərinin xoşbəxtliyinə, hər bir vətəndaşımızın rifahına səs vermiş olacaq”.
Tədbirdə çıxış edən millət vəkili Leyla Abdullayeva qeyd edib ki, cənab İlham Əliyevin Prezident kimi 10 illik fəaliyyəti Azərbaycanı qüdrətli bir dövlətə çevirib və xalqın həyat səviyyəsi, rifah halı müqayisə olunmaz dərəcədə yaxşılaşıb. Ölkə başçımızın balanslaşdırılmış xarici siyasəti Azərbaycanın dövlət müstəqilliyinin əbədiliyinə yönəlib.
Daha sonra çıxış edən Sumqayıt şəhər Ağsaqqallar Şurasının sədri Müzəffər Gülümov, Sumqayıt Dövlət Universitetinin rektoru Nadir Qəhrəmanov bildiriblər ki, Sumqayıt seçiciləri hər zaman Ulu öndər Heydər Əliyev siyasi kursuna sadiqdirlər və seçki günü bütün seçicilərimiz cənab İlham Əliyevə səs verəcəklər.
Pərviz SADAYOĞLU

Paylaş:

Baxılıb: 1220 dəfə