Milli və mənəvi dəyərlərin yenidən dirçəlməsi

Bakı:

23 °C

68 %

1 m/s

Əlaqə

AZ RU EN

Ana səhifə / YAP xəbərləri / Milli və mənəvi dəyərlərin yenidən dirçəlməsi

Milli və mənəvi dəyərlərin yenidən dirçəlməsi

19.09.2025 [10:41]

İntiqam Quliyev,

YAP Ağdam rayon təşkilatının sədr müavini

Prezident cənab İlham Əliyevin 2024-cü il sentyabrın 18-də imzaladığı Sərəncama əsasən isə hər il sentyabrın 20-də Xankəndi, Xocalı, Xocavənd və Ağdərə günü təntənəli şəkildə qeyd edilir. Azərbaycanda Xankəndi, Xocalı, Xocavənd və Ağdərə şəhərləri günü artıq ikinci ildir ki, qeyd olunur. işğaldan azad olunmuş ərazilərdə bu gün quruculuq, abadlıq və yenidənqurma işləri həyata keçirilməkdədir.

Xocavənd rayonunun Hadrut qəsəbəsində məscidin açılışı.

Azərbaycanın tarixi zəfərindən sonra işğaldan azad edilmiş torpaqlarda həyata keçirilən bərpa və yenidənqurma işləri sürətlə davam etdirilir. Bu istiqamətdə mühüm layihələrdən biri də dini-mənəvi dəyərlərin bərpası və qorunmasıdır. Sentyabrın 14-də Xocavənd rayonunun Hadrut qəsəbəsində inşa olunan yeni məscidin açılış mərasimi keçirilib. Açılışda Azərbaycan Respublikasının Prezidenti İlham Əliyev iştirak edib.

Dövlət başçısı məscid kompleksinə baxış keçirib, tikinti işləri barədə ətraflı məlumatlandırılıb. Bildirilib ki, məscid ənənəvi Azərbaycan memarlığı ilə müasir üslubun sintezi əsasında inşa olunub. İbadət zalı, dəstəmaz otaqları, qadın və kişi bölmələri, eyni zamanda dini mərasimlərin keçirilməsi üçün zəruri şərait yaradılıb. Məscidin həyətində abadlıq işləri aparılıb, yaşıllıq zolaqları salınıb.

Tarixi zəfərdən sonra azad olunmuş torpaqlarımızda həyat yeni nəfəs alır. Qarabağın hər guşəsində aparılan genişmiqyaslı bərpa-quruculuq işləri ilə yanaşı, xalqımızın ən müqəddəs dəyərlərindən biri olan dini-mənəvi irsin dirçəldilməsi də xüsusi diqqət mərkəzindədir. Bu mənada Xocavənd rayonunun Hadrut qəsəbəsində yeni inşa olunan məscidin istifadəyə verilməsi tarixi hadisə kimi yadda qaldı.

Yeni məscid yalnız ibadətgah deyil, həm də xalqımızın əsrlər boyu formalaşan milli kimliyinin, dinə və mənəviyyata bağlılığının təcəssümüdür. Bu məscid Qarabağın dirçəlişini, azadlığın və imanımızın simvolunu əks etdirir. Hadrutun mərkəzində ucaldılan bu məscid həm bölgənin dini həyatında, həm də mənəvi birliyində mühüm rol oynayacaq. Burada edilən dualar azad torpaqlarımızın daha da inkişafı, xalqımızın rifahı və dövlətimizin əbədi qüdrəti üçün olacaq.

Bu tarixi açılış bir daha sübut etdi ki, Qarabağda həyat yalnız binaların, yolların və infrastrukturların bərpası ilə deyil, həm də qəlblərin, imanların və dəyərlərin yenidən dirçəlməsi ilə canlanır.

Paylaş:

Baxılıb: 640 dəfə