Cənab İlham Əliyev təkcə Yeni Azərbaycan Partiyasının deyil, bütün Azərbaycan xalqının seçimidir

Bakı:

23 °C

60 %

6 m/s

AZ RU EN

Ana səhifə / YAP xəbərləri / Cənab İlham Əliyev təkcə Yeni Azərbaycan Partiyasının deyil, bütün Azərbaycan xalqının seçimidir

Cənab İlham Əliyev təkcə Yeni Azərbaycan Partiyasının deyil, bütün Azərbaycan xalqının seçimidir

25.09.2013 [10:16]

Bərdənin Türkmən və Kələntərli kəndlərində keçirilən görüşlərdə bu fikir bir daha bəyan edilib
Ölkənin hər yerində olduğu kimi, Bərdə də 9 oktyabr prezident seçkiləri ilə əlaqədar təbliğat-təşviqat kampaniyası uğurla davam edir. Qeyd edək ki, Yeni Azərbaycan Partiyasının (YAP) prezidentliyə namizədi cənab İlham Əliyevin Bərdə rayonu üzrə seçki qərargahının üzvləri kampaniya çərçivəsində dünən seçicilərlə növbəti görüşlərini keçiriblər.
Rayonun Türkmən və Kələntərli kəndlərində keçirilən görüşləri giriş sözü ilə açan YAP Bərdə rayon təşkilatının sədri Fəqət Şadlinskaya cənab İlham Əliyevin rəhbərliyi ilə ötən 10 il ərzində həyata keçirilən siyasət barədə ətraflı məlumat verib. Rayon təşkilatının sədri 9 oktyabr prezident seçkilərinin Azərbaycanda demokratiyanın növbəti təntənəsi olacağını vurğulayıb, azad, ədalətli, şəffaf şəraitdə keçiriləcək bu seçkilərdə də xalqın iradəsinin qələbə qazanacağına əminliyini ifadə edib: “Azərbaycan vətəndaşları cənab İlham Əliyevi alternativsiz lider kimi qəbul edir və Onun uğurla davam etdirdiyi siyasi və iqtisadi islahatlar kursunu tam dəstəkləyirlər”.
Kənd sakinləri qarşısında çıxış edən akademik C.Abdullayev adına Elmi-Tədqiqat Kardiologiya İnstitutunun direktoru, Azərbaycan Tibb Universitetinin kliniki farmakologiya kafedrasının müdiri Adil Baxşəliyev cənab İlham Əliyevin həyata keçirdiyi layihələrdən və ölkədə aparılan abadlıq quruculuq işlərindən ətraflı danışıb. O, 9 oktyabrda keçiriləcək prezident seçkilərinin əhəmiyyətini vurğulayaraq söyləyib ki, cənab İlham Əliyev təkcə Yeni Azərbaycan Partiyasının deyil, bütün Azərbaycan xalqının seçimidir: “Bu özlüyündə bir tutarlı arqumentdir. Prezident İlham Əliyevin 10 illik fəaliyyəti dövründə ölkədə elə bir sahə yoxdur ki, orada dövlət başçısının diqqət və qayğısının izləri görünməsin. Bu səbəbdən Prezident İlham Əliyev bütün azərbaycanlıların yeganə namizədi və seçimidir”.
Seçicilər qarşısında çıxış edən rayon Ağsaqqallar Şurasının sədri Arif Əliyev, partiya fəallarından Ofelya Hüseynova, Həsən Həsənov və kənd ziyalılarından Taryel Nəcəfov rayonda gedən inkişafdan, həmçinin, Prezident İlham Əliyevin Bərdə rayonunun əhalisinə göstərdiyi diqqət və qayğıdan ətraflı danışıblar. Natiqlər insanlara rahat həyat bəxş edən bu siyasətin davamına tərəfdar olduqlarını, oktyabrın 9-da cənab İlham Əliyevə səs verəcəklərini bəyan ediblər.
Çıxış edən kənd sakinləri Saleh Qasımov, Məhbubə Əsədova, Vurğun Hüseynov, Gülmirə Qurbanova və başqaları öz növbələrində dövlət başçısının xarici və daxili siyasətini dəstəklədiklərini bildirib və qeyd ediblər ki, bu seçkilərdə də Ulu öndər Heydər Əliyev siyasətinə və bu siyasəti uğurla həyata keçirən cənab İlham Əliyevə səs verəcəklər.
Nadir AZƏRİ

Paylaş:

Baxılıb: 1333 dəfə