Laçınlılar Ümummilli lider Heydər Əliyevin əsasını qoyduğu siyasətin davamına səs verəcəklər

Bakı:

24 °C

59 %

2 m/s

AZ RU EN

Ana səhifə / YAP xəbərləri / Laçınlılar Ümummilli lider Heydər Əliyevin əsasını qoyduğu siyasətin davamına səs verəcəklər

Laçınlılar Ümummilli lider Heydər Əliyevin əsasını qoyduğu siyasətin davamına səs verəcəklər

24.09.2013 [10:36]

Abşeron rayonu və Sumqayıt şəhəri ərazisində yaşayan laçınlı məcburi köçkünlərlə görüş keçirilib
9 oktyabrda keçiriləcək prezident seçkiləri ilə bağlı Yeni Azərbaycan Partiyası (YAP) ölkənin bütün rayonlarında təbliğat-təşviqat tədbirlərini davam etdirir. Bu istiqamətdə YAP Laçın rayon təşkilatı tərəfindən Abşeron rayonu və Sumqayıt şəhəri ərazisində yaşayan məcburi köçkünlərlə görüş keçirilib. Görüşlərdə çıxış edən YAP Laçın rayon təşkilatının sədri Aqil Nəzərli deyib ki, Azərbaycanın sürətli inkişafı, əhalinin rifah halının günü-gündən yaxşılaşması, ölkəmizin beynəlxalq miqyasda əldə etdiyi nailiyyətlər Prezident İlham Əliyevin rəhbərliyi ilə aparılan uğurlu siyasət sayəsində mümkün olub: “Bu gün Azərbaycan sürətlə inkişaf edən, dünyanın hesablaşdığı, regionun lider dövlətinə çevrilib. Dünya səviyyəli siyasi, iqtisadi və mədəni tədbirlər ölkəmizdə keçirilir. Ölkəmizin turizm potensialı sürətlə inkişaf edir. Nəinki paytaxtımız, ən ucqar regionlarımız belə çiçəklənir, müasirləşir, vətəndaşların normal yaşaması üçün bütün şərait yaradılır. Əlbəttə, bu uğurlar təsadüfi deyil və cənab Prezident İlham Əliyevin rəhbərliyi ilə aparılan uğurlu siyasət nəticəsində mümkün olub. Xalqın gözü tərəzidir və qədirbilən Azərbaycan xalqı bundan öncəki seçkilərdə olduğu kimi, 9 oktyabrda da Heydər Əliyev siyasi kursuna, bu kursun layiqli davamçısı, cənab Prezident İlham Əliyevə səs verəcək”.
Tədbirdə çıxış edən millət vəkili Nazim Fərəcov bildirib ki, hər bir ölkənin inkişafı üçün əsas şərt sabitlikdir: “Ulu öndər Heydər Əliyevin qətiyyəti, müdrikliyi, xalqın Ona olan inamı bu sabitliyi yarada bildi və artıq 22 ildir ki, Azərbaycan dünya miqyasında ən sabit ölkələrdən biridir. Eyni zamanda, artıq 10 ildir ki, cənab Prezident İlham Əliyev bu siyasi sabitlik kursunu uğurla davam etdirir. Məhz elə buna görə də Azərbaycan xalqı, o cümlədən də laçınlılar 9 oktyabrda növbəti dəfə cənab İlham Əliyevin ətrafında sıx birləşərək, Ona səs verməklə öz gələcəyinə səs verəcək”.
Tədbirdə çıxış edən laçınlılar da son illər respublikanın hər yerində olduğu kimi, Laçın rayonundan olan məcburi köçkünlərin məskunlaşdığı Taxta-körpü məcburi köçkünlər qəsəbəsində də cənab İlham Əliyevin diqqət və qayğısı sayəsində həyata keçirilən tikinti, quruculuq-abadlıq işlərindən məmnun olduqlarını bildiriblər.
Tədbir iştirakçılarından Varaşil Məmmədov, Telman Əşrəfov, Aygün Kərimova, Əli Aslanov və başqaları çıxış edərək Prezident İlham Əliyevin göstərdiyi diqqət və qayğıdan razılıqlarını bildiriblər.
Qeyd olunub ki, laçınlılar həmişə Heydər Əliyev siyasətinə sadiq olublar və 9 oktyabrda da hamılıqla Onun layiqli davamçısı İlham Əliyevə səs verəcəklər.
Oktay

Paylaş:

Baxılıb: 1229 dəfə