Heydər Əliyev siyasəti uğurla davam edir, yaşayır və qalib gəlir

Bakı:

23 °C

64 %

6 m/s

Əlaqə

AZ RU EN

Ana səhifə / YAP xəbərləri / Heydər Əliyev siyasəti uğurla davam edir, yaşayır və qalib gəlir

Heydər Əliyev siyasəti uğurla davam edir, yaşayır və qalib gəlir

24.09.2013 [10:32]

Yeni Azərbaycan Partiyası Gəncə şəhər təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir
Yeni Azərbaycan Partiyası (YAP) Gəncə şəhər təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüşlər dünən keçirilib. Görüşdə YAP Gəncə şəhər təşkilatının sədri Naqif Həmzəyev çıxış edərək deyib ki, cənab İlham Əliyevin Prezidentlik dövrü biz azərbaycanlılar üçün böyük bir sərvətdir: “Heydər Əliyev siyasəti uğurla davam edir, yaşayır və qalib gəlir. Azərbaycan xalqının iradəsini ifadə edən cənab İlham Əliyev müstəqil Azərbaycanın Prezidenti, həm də dünya azərbaycanlılarının lideridir. Cənab İlham Əliyev müəllifi Ulu öndər Heydər Əliyev olan neft strategiyasının hazırlanmasında, bu siyasətin uğur qazanmasında və gerçəkləşdirilməsində, həmin sahədə müxtəlif layihələrin hazırlanmasında fəal iştirak etmiş, ölkəyə investisiya axınında mühüm rol oynamışdır. Onun ölkədə iqtisadi islahatların həyata keçirilməsində, müstəqil Azərbaycanın xarici ölkələrlə iqtisadi və mədəni əlaqələrinin genişlənməsində, xüsusilə neft - qaz yataqlarınının birgə işlənməsinə dair dünyanın qabaqcıl neft şirkətləri ilə tarixi müqavilələrin, o cümlədən Bakı-Tbilisi-Ceyhan əsas ixrac neft kəməri haqqında müqavilənin bağlanması və reallaşdırılmasında, ümumiyyətlə, Azərbaycan Respublikasının dünyaya inteqrasiyasında mühüm xidmətləri var. Bu cür uğurlara imza atmış cənab İlham Əliyevin yenidən Prezident seçilməsini xalqımız bir tələb, sosial sifariş kimi irəli sürdü. İndi tam əminliklə demək olar ki, cənab İlham Əliyevin alternativi yoxdur, Onun qələbəsi şəksizdir”.
Təbliğat-təşviqat qrupunun üzvlərindən YAP Gəncə şəhər təşkilatının sədr müavini, AMEA-nın Gəncə Bölməsinin direktoru Fuad Əliyev, ADAU-nun dosenti Asif Həsənov, Tibb Kollecinin direktoru Niyazi İbrahimov, Qarabağ Müharibəsi Əlilləri, Veteranları və Şəhid Ailələri İctimai Birliyinin Gəncə şəhər şöbəsinin sədri Almaz Aşırov çıxışlarında prezident seçkilərinin ölkənin tarixində böyük əhəmiyyəti olduğunu, seçkilərin ölkənin hansı yolla irəliləcəyini, xalqın öz gələcəyini kimə həvalə edəcəyini, bir sözlə aqibətinin necə olacağını müəyyənləşdirən məsul bir dövr olduğunu qeyd ediblər: “Azərbaycan Prezidenti ölkəmizdə sülhün və sabitliyin qarantıdır! Gəncəlilər öz seçimlərini həmişə düzgün ediblər və bundan sonra da biz uğurlu və dinamik inkişafa səs verəcəyik!”.
Yerli sakinlərdən AzTU - nun dosenti Tahir Abbasov və digər seçicilər çıxış edərək söyləyiblər ki, gəncəlilər tərəqqiyə, monolit birliyə, parlaq gələcəyimizə səs verəcəklər.
Eyni gündə İsrafilbəyov küçəsindəki meydanda keçirilən ikinci görüşü də YAP Gəncə şəhər təşkilatının sədri Naqif Həmzəyev açaraq deyib: “Dünyanın ən yüksək reytinqinə malik siyasətçilərindən biri kimi cənab İlham Əliyevin bu seçkilərdə növbəti dəfə xalqın etimadını qazanacağı şübhə doğurmur. Azərbaycan Prezidenti bunu ötən 10 ildə gördüyü işlər, həyata keçirdiyi islahatlar və bütün sahələrdə əldə edilmiş inkişaf göstəriciləri ilə qazanıb. Odur ki, bu inkişafın davamlılığına səs verək! Cənab İlham Əliyevə səs verək!”.
Görüşdə təbliğat - təşviqat qrupu üzvləri qismində çıxış edən YAP Gəncə şəhər təşkilatının şura üzvləri Tofiq Xəlilov, professor Mübariz Yusifov, GDU-nun baş müəllimi Eldar Mehdiyev ölkə başçısının gənclərə göstərdiyi qayğıdan, gənclər siyasətinin dövlət siyasətinin əsas prioritetlərindən birinə çevrilməsindən, bu istiqamətdə aparılan islahatların və verilən qərarların nəticəsi olaraq, dövlət qulluqçuları arasında gənclərin sayının artmasından bəhs ediblər. Gəncə şəhərinin sakinlərini 9 oktyabr prezident seçkilərində seçki məntəqələrinə gələrək, cənab İlham Əliyevə səs verməyə çağırıblar.
Fazil İsmayIlov

Paylaş:

Baxılıb: 1386 dəfə