Prezident İlham Əliyevin Kəlbəcər səfəri: Yeni dövrün başlanğıcı

Bakı:

22 °C

69 %

3 m/s

Əlaqə

AZ RU EN

Ana səhifə / YAP xəbərləri / Prezident İlham Əliyevin Kəlbəcər səfəri: Yeni dövrün başlanğıcı

Prezident İlham Əliyevin Kəlbəcər səfəri: Yeni dövrün başlanğıcı

27.08.2025 [19:38]

2025-ci il avqustun 21-də Prezident İlham Əliyevin Kəlbəcər şəhərinə səfəri Azərbaycanın zəfər tarixində və postmünaqişə dövründə strateji əhəmiyyət daşıyan bir hadisə kimi yadda qalacaq. Dövlət başçısının çıxışı və səfəri, 2020-ci ilin 44 günlük Vətən müharibəsindən başlayaraq ölkənin ərazi bütövlüyünün bərpası və işğaldan azad edilmiş torpaqlarda aparılan genişmiqyaslı quruculuq işlərinin göstəricisi oldu. Prezident İlham Əliyev çıxışında vurğuladı ki, Azərbaycan dövləti və xalqı “bir yumruq kimi” birləşərək Ermənistanı cəmi 44 gün ərzində kapitulyasiya aktını imzalamağa məcbur etdi. Bu, təkcə hərbi zəfərin deyil, həm də milli həmrəyliyin və siyasi iradənin təntənəsi idi. 44 günlük müharibə Azərbaycan xalqının azadlıq və ərazi bütövlüyü uğrunda birləşməsinin parlaq nümunəsi kimi tarixə yazıldı. Tarix göstərdi ki, 2020-ci il noyabrın 10-da imzalanmış üçtərəfli bəyanatla müharibənin dayandırılması ən düzgün addım idi. Bu qərar əlavə itkilərin və genişmiqyaslı münaqişənin qarşısını aldı, ölkəmizə ərazilərin qələbəsiz, sülh yolu ilə geri qaytarılması imkanı yaratdı. Prezident çıxışında bu siyasi uzaqgörənliyin önəmini xüsusi qeyd etdi. Prezident İlham Əliyev bildirdi ki, 2023-cü ilin 19–20 sentyabrı Azərbaycan üçün 8 Noyabr Zəfər Günü qədər şərəfli və tarixi günlərdir. Həmin günlərdə aparılan antiterror əməliyyatları və konstitusiya quruluşunun bərpası Azərbaycanın suverenliyinin tam bərpasını təmin etdi, Vətən müharibəsinin nəticələrini tamamladı. Prezident həmçinin qeyd etdi ki, Ermənistanla sülh müqaviləsinin müəllifi də məhz Azərbaycan tərəfidir. Bəyanatın hazırlanmasında Azərbaycanın mövqeyi əsas götürülmüş, milli maraqlarımız tam təmin edilmişdir. Bu, ölkəmizin regionda sülh və təhlükəsizliyə önəm verdiyini bir daha nümayiş etdirir. Prezident İlham Əliyevin Kəlbəcər rayonuna əvvəlki səfərləri – 26 iyun 2022 və 27 may 2023 – Azərbaycan dövlətinin azad edilmiş ərazilərin bərpası istiqamətində ardıcıl və məqsədyönlü fəaliyyətinin nümunəsidir. Bu səfərlər zamanı “Kəlbəcər-1” və digər Kiçik Su Elektrik Stansiyalarının açılışı, hərbi hissələrin yaradılması, yol infrastrukturu və sosial obyektlərin tikintisi ilə bağlı mühüm layihələr icra olunmuşdur. Kəlbəcərdə yol infrastrukturu, tunellər, hərbi hospital, məktəb binaları, yaşayış məhəllələri və sənaye obyektləri kimi çoxsaylı obyektlərin təməlinin qoyulması ölkənin ərazi bütövlüyünün bərpasından sonra işğalın yaratdığı dağıntıların aradan qaldırılması və bölgənin dayanıqlı inkişafı üçün atılan uğurlu addımların təsdiqidir. Prezident İlham Əliyevin 2025-ci il avqustun 21-də Kəlbəcər səfəri Azərbaycanın tarixi zəfərinin möhkəmləndirilməsi və gələcəyə baxış baxımından çox önəmlidir. Bu səfər və çıxış dövlət-xalq birliyinin, siyasi iradənin və iqtisadi quruculuğun simvoludur. Kəlbəcər artıq yalnız işğalın bitdiyi deyil, həm də yeni həyatın başladığı məkandır. Azərbaycan bu qələbəni möhkəmləndirərək regionda sülh, inkişaf və tərəqqi yolunda inamla irəliləyir.

Kənan Quliyev,
Yeni Azərbaycan Partiyası Laçın rayon təşkilatının məsləhətçisi

Paylaş:

Baxılıb: 350 dəfə