Şuşalıların seçimi cənab İlham Əliyevdir

Bakı:

27 °C

41 %

4 m/s

Əlaqə

AZ RU EN

Ana səhifə / YAP xəbərləri / Şuşalıların seçimi cənab İlham Əliyevdir

Şuşalıların seçimi cənab İlham Əliyevdir

21.09.2013 [10:01]

Təbliğat-təşviqat kampaniyası çərçivəsində “Qızılqum” sanatoriyasında məskunlaşmış Şuşa, Xankəndi və Xocalıdan olan məcburi köçkünlərlə görüş keçirilib
Oktyabrın 9-da keçiriləcək prezident seçkiləri ilə əlaqədar Yeni Azərbaycan Partiyasının apardığı təbliğat-təşviqat kampaniyası uğurla davam edir. Belə ki, Yeni Azərbaycan Partiyası (YAP) Şuşa rayon təşkilatı “Qızılqum” sanatoriyasında məskunlaşmış Şuşa, Xankəndi və Xocalıdan olan məcburi köçkünlərlə görüş keçirib. Görüşü giriş sözü ilə açan YAP Şuşa rayon təşkilatının sədri Təvəkkül Əliyev Azərbaycanda Prezident İlham Əliyev tərəfindən həyata keçirilən uğurlu siyasətdən, sosial-iqtisadi inkişafdan, gənclərə göstərilən qayğıdan, ümumiyyətlə, 10 il ərzində ölkənin bütün sahələrinə xüsusi diqqət və qayğı ilə yanaşmasından danışaraq seçici hüququ olan hər bir şuşalını Yeni Azətbaycan Partiyasının namizədi, Prezident İlham Əliyevə səs verməyə çağırıb.
Daha sonra çıxış edən Milli Məclisin üzvü Elman Məmmədov bildirib ki, son 10 ildə hər bir sahə yeni keyfiyyət parametrləri ilə möhkəm təməl üzərində inkişaf edir. O vurğulayıb ki, cənab İlham Əliyevin rəhbərliyi altında görülən mühüm işlər nəticəsində ölkədə, xüsusilə, regionlarda sosial-iqtisadi tərəqqiyə nail olunub, regionlarda yeni-yeni istehsal müəssisələri açılıb, dövlət başçısının işsizliyin aradan qaldırılması və əhalinin sosial müdafiəsi sahəsində gördüyü işlər xalq tərəfindən yüksək qiymətləndirilir. O cümlədən də, şuşalıların problemləri hər zaman ölkə Prezidentinin diqqətindədir. E.Məmmədov bildirib ki, Prezident İlham Əliyevin uğurlu fəaliyyəti ölkəmizdə bütün çadır şəhərcikləri ləğv edilib, qaçqın və məcburi köçkün həyatı yaşayan rayonların əhalisi yeni yaşayış massivlərində evlə təmin olunublar. Millət vəkili deyib ki, qədirbilən Şuşa ictimaiyyəti də hər zaman cənab İlham Əliyevin həyata keçirdiyi uğurlu iqtisadi-sosial siyasəti dəstəkləyir və bu tərəqqinin davamlı olması üçün prezident seçkilərində həyata keçirilən tərəqqi və inkişaf siyasətinə səs verəcək.
Daha sonra çıxış edən Milli Məclisin üzvü Flora Qasımova Prezident İlham Əliyevin apardığı siyasətin yalnız rifaha istiqamətləndiyini, insanları xoşbəxt gələcəyə aparan yol olduğunu deyib: “Azərbaycan Prezidenti dövlət başçısı olduğu müddət ərzində hər bir vətəndaşın Prezidenti olmağı bacardı. Qaçqın və məcburi köçkünlərin həyatında edilən mühüm yeniliklər, yardımlar, qəbul olunmuş Dövlət proqramları bir daha sübut edir ki, Prezident İlham Əliyevin hədəfi yalnız və yalnız inkişafdır”.
YAP Şuşa rayon təşkilatı Qadınlar Şurasının sədri Vüsalə Fətəliyeva, YAP fəalları Zahid Abbasov, Əyyub Şırlanlı, Sahib Musayev, Adil Qarayev, Kamal Axundov və başqaları cənab Prezidentimizin xalqımız, dövlətimiz üçün həyata keçirdiyi möhtəşəm işlərdən danışaraq vətəndaşlarımızı prezident seçkilərində fəal olmağa - 9 oktyabrda seçki məntəqələrinə gələrək bütövlükdə Azərbaycan cəmiyyətinin XXI əsrin lideri kimi qəbul etdiyi cənab Prezident İlham Əliyevə səs verməyə çağırıblar.
Pərviz SADAYOĞLU

Paylaş:

Baxılıb: 1427 dəfə