Gəncəlilərin seçimi Ulu öndər Heydər Əliyev siyasətinin layiqli davamçısı cənab İlham Əliyevdir

Bakı:

23 °C

49 %

5 m/s

AZ RU EN

Ana səhifə / YAP xəbərləri / Gəncəlilərin seçimi Ulu öndər Heydər Əliyev siyasətinin layiqli davamçısı cənab İlham Əliyevdir

Gəncəlilərin seçimi Ulu öndər Heydər Əliyev siyasətinin layiqli davamçısı cənab İlham Əliyevdir

20.09.2013 [10:47]

Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası Gəncə şəhərində də uğurla davam etdirilir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Gəncə şəhərində də uğurla davam etdirilir. Dünən bu məqsədlə Gəncə şəhərinin Nizami prospektində 22 saylı binanın yanında yerləşən idman kompleksinin həyətində seçicilərlə növbəti görüş keçirilib. Görüşdə YAP Gəncə şəhər təşkilatının sədri Naqif Həmzəyev çıxış edərək deyib ki, artıq 3 gündür ki, təbliğat-təşviqat kampaniyasına start verilib: “Şəhərin “Novruz” meydanında ilk təbliğat-təşviqat görüşünün böyük izdihamla, yüksək səviyyədə keçirilməsi Yeni Azərbaycan Partiyasının namizədi cənab İlham Əliyevə ümumxalq məhəbbətinin və rəğbətinin təzahürü oldu. Xalq-dövlət, dövlət-xalq vəhdətini ölkəmizin istər regionda, istərsə də beynəlxalq aləmdə yüksəldən, vətəndaşların sosial rifahını daha da yaxşılaşdıran cənab İlham Əliyevin növbəti qələbəsini şərtləndirən mühüm amildir. Bu gün böyük qürur hissi keçiririk ki, Azərbaycan Respublikasının Prezidenti cənab İlham Əliyevin Gəncəyə xüsusi diqqət və qayğısı sayəsində Gəncə dünyanın ən gözəl şəhərlərindən birinə çevrilmiş, bütövlükdə regionun müasir sənaye və turizm şəhəri olmuşdur. Dövlət başçısı indiyə kimi, Gəncəyə 12 səfər etmiş, bu səfərlərin hər birində mühüm obyektlərin istifadəyə verilməsi və təməlqoyma mərasimlərində iştirak etmişdir. 2012-ci ilin yanvarında şəhərimizə səfəri zamanı ölkə başçısı cənab İlham Əliyev dedi: “Şadam ki, Gəncədə çox böyük quruculuq işləri aparılıb. Gəncəyə daim böyük diqqət göstərilmişdir və bu diqqət daimidir”.
Hər gün biz Gəncədə yeniliklərlə, dəyişikliklərlə qarşılaşmağa adət etmişik. Gəncənin sosial-iqtisadi inkişafının sürətləndirilməsinə dair vəsaitin ayrılması haqqında son 2 ildə möhtərəm Prezidentimizin müvafiq sərəncamları Gəncəyə hərtərəfli köməyin və dəstəyin ifadəsidir. Bütün bunları yüksək dəyərləndirən gəncəlilər 9 oktyabr prezident seçkilərində təbii ki, öz doğru seçimlərini etməlidirlər. Bu seçim Ulu öndər Heydər Əliyevin siyasi kursunun layiqli davamçısı, xalqımızın vətənpərvər oğlu cənab İlham Heydər oğlu Əliyevdir!”
Təşviqat qrupunun üzvləri -YAP Gəncə şəhər təşkilatının sədr müavini, AMEA-nın Gəncə bölməsinin direktoru Fuad Əliyev, YAP Gəncə şəhər təşkilatının sədr müavini, ADAU-nun rektoru İbrahim Cəfərov, YAP Gəncə şəhər təşkilatının İdarə Heyətinin üzvü, GDU-nun rektoru Yadigar Əliyev, AzTU-nun dosentləri Tahir Abbasov və Şahlar Babayev, baş müəllim Şahmar Həsənov çıxışlarında vurğulayıblar ki, Ümummilli lider Heydər Əliyevin siyasətinin cənab İlham Əliyevin uğurla davam etdirməsi nəticəsində bölgələrimizin sosial-iqtisadi inkişafı hər birimizdə fərəh hissi doğurur: “Seçicilər cənab İlham Əliyev siyasətini hər zaman bəyənib, dəstəkləyib, bundan sonra da dəstəkləyəcək. Oktyabrın 9-da bu reallıq bir daha öz təsdiqini tapacaqdır”.
Şəhər sakinlərindən Hüseyn Budaqov, Arzu Həsənov və başqaları çıxışlarında şəhərimizdə görülən geniş abadlıq-quruculuq işlərindən, insanların sağlamlığı və asudə vaxtının səmərəli təşkili üçün yaradılan şəraitdən razı qaldığını bildirib, onlara göstərilən qayğıya görə cənab İlham Əliyevə dərin minnətdarlıq duyğularını ifadə ediblər və cənab İlham Əliyevi növbəti 5 ildə də prezident kürsüsündə görmək arzusunda olduqlarını söyləyiblər.
AQŞİN

Paylaş:

Baxılıb: 1484 dəfə