Təbliğat-təşviqat kampaniyası çərçivəsində Tərtərdə növbəti görüşlər keçirilib

Bakı:

23 °C

64 %

5 m/s

Əlaqə

AZ RU EN

Ana səhifə / YAP xəbərləri / Təbliğat-təşviqat kampaniyası çərçivəsində Tərtərdə növbəti görüşlər keçirilib

Təbliğat-təşviqat kampaniyası çərçivəsində Tərtərdə növbəti görüşlər keçirilib

20.09.2013 [10:45]

Rayon sakinləri Azərbaycanın inkişafının davamlı olması üçün YAP-ın namizədinə səs verəcəklər
Yeni Azərbaycan Partiyası (YAP) Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüşlər rayonun Ələsgərli, Köçərli, Yenikənd və Bayandur kəndlərində keçirilib.
Görüşləri giriş sözü ilə YAP Tərtər rayon təşkilatının sədri Ramiz Şabanov açaraq ölkəmizin vacib bir siyasi proses ərəfəsində olduğunu deyib. Bu prosesdə hər bir seçicinin fəallıq göstərməsinin zəruri olduğunu bildirən Ramiz Şabanov “seçkilərdə cənab İlham Əliyevin qalib gələcəyinə kimsə şübhə etmir” sözlərini əlavə edib.
Rayon təşkilatının sədri deyib ki, ötən 10 il ərzində ölkə iqtisadiyyatı 3 dəfə artıb, iqtisadiyyatın şaxələndirilməsi uğurla həyata keçirilib, müasir sosial-iqtisadi infrastruktur yaradılıb, qeyri-neft sektorunun dinamik inkişafı təmin edilib: “2003-cü ildə 1,5 milyard dollar olan dövlət büdcəsi 2013-cü ildə 25 milyard dollar həcmindədir. Bu gün Azərbaycan ümumi daxili məhsulla nisbətdə ən az xarici borcu olan ölkələrdən biridir və onun səviyyəsi cəmi 7 faizdir. Sabit maliyyə sistemi mövcuddur. Valyuta sabitdir. Yaxşı sərmayə imkanları və iqtisadiyyatın sürətli artımı müşahidə olunmaqdadır. Hazırda Azərbaycanın bütün rayonlarında, o cümlədən Tərtərdə də böyük infrastruktur layihələri həyata keçirilir. İqtisadiyyatın yeni sektorlarına fəal qaydada sərmayə yatırılır. Bütün bu uğurların və inkişafın davam etməsi üçün isə biz tərtərlilər oktyabrın 9-da cənab İlham Əliyevə səs verəcəyik”.
Görüşdə çıxış edən Milli Məclisin deputatı Sahib Alıyev isə Prezident İlham Əliyevin rəhbərliyi ilə davam etdirilən balanslaşdırılmış xarici siyasət strategiyasından bəhs edib. Millət vəkili deyib ki, bu gün Azərbaycanın iştirakı olmadan regionda heç bir strateji əməkdaşlıq platforması gerçəkləşdirilmir. Bütün regional layihələrin mərkəzi oyunçusu qismində məhz Azərbaycan çıxış edir və sözügedən layihə Cənubi Qafqazın təhlükəsizlik sisteminin strateji korreksiyasında əhəmiyyətli faktor kimi dəyərləndirilir.
Çıxışının sonunda seçiciləri aktiv olmağa səsləyən millət vəkili onları cənab İlham Əliyevə səs verməyə çağırıb.
Görüşlərdə çxış edən Ələsgərli kənd sakinləri, Valeh İbrahimov, Şahin Əsgərov, Köçərli kənd sakinləri Aydın Şəmilov, Səməddin Hacıyev, Yenikənd kənd sakinləri, Rafiq Əliyev, Gülüstan Bağırova və Bayandur kənd sakini Qənirə Hüseynova artıq seçimlərini etdiklərini bildiriblər. Qeyd olunub ki, Tərtər seçiciləri Azərbaycanın inkişafının davamlı olması üçün YAP-ın namizədinə səs verəcəklər.
NADİR

Paylaş:

Baxılıb: 1423 dəfə