9 oktyabr Azərbaycan xalqının növbəti zəfər günü olacaq

Bakı:

24 °C

63 %

10 m/s

Əlaqə

AZ RU EN

Ana səhifə / YAP xəbərləri / 9 oktyabr Azərbaycan xalqının növbəti zəfər günü olacaq

9 oktyabr Azərbaycan xalqının növbəti zəfər günü olacaq

20.09.2013 [10:44]

Yeni Azərbaycan Partiyası tərəfindən Azərbaycan Respublikasının prezidentliyinə namizədliyi irəli sürülmüş cənab İlham Heydər oğlu Əliyevin Samux rayonu üzrə seçki qərargahı Aşağı Ağasbəyli və Bağbanlar kəndlərində seçicilərlə görüşlər keçirib
Yeni Azərbaycan Partiyası (YAP) tərəfindən Azərbaycan Respublikasının prezidentliyinə namizədliyi irəli sürülmüş cənab İlham Heydər oğlu Əliyevin Samux rayonu üzrə Seçki Qərargahı təbliğat-təşviqat kampaniyasını davam etdirir. Kampaniya çərçivəsində rayonun Aşağı Ağasbəyli və Bağbanlar kəndlərində seçicilərlə görüşlər keçirilib.
Tədbiri giriş sözü ilə açan YAP Samux rayon təşkilatının sədri Gündüz Bayramov Prezident İlham Əliyevin ölkəmizə rəhbərlik etdiyi 10 il ərzində Azərbaycanın əldə etdiyi möhtəşəm nailiyyətlərdən bəhs edib. Yeni Azərbaycan Partiyasının çoxşaxəli və milli maraqlara əsaslanan fəaliyyətindən danışan təşkilat sədri qeyd edib ki, YAP ölkəmizdə keçirilən bütün seçkilərdə qələbələr qazanıb. “Bu qələbələri şərtləndirən əsas amillərdən biri də YAP-ın seçki kampaniyalarına yüksək səviyyədə hazırlıqlı olmasıdır. Hazırkı seçki kampaniyasına da partiyamız ciddi şəkildə hazırlaşıb və təbliğat-təşviqat prosesi yüksək səviyyədə davam etdirilməkdədir”, – deyə, G.Bayramov qeyd edib.
Onun sözlərinə görə, cənab İlham Əliyevin Sədrliyi ilə Yeni Azərbaycan Partiyasının həyata keçirdiyi uğurlu siyasət xalqımız tərəfindən dəstəklənir və insanlar növbəti 5 ildə də cənab İlham Əliyevi dövlət başçısı kimi görmək istəyirlər. “Qarşıdan gələn prezident seçkilərində də partiyamızın Sədri, dövlət başçısı İlham Əliyevin qələbəsi şübhə doğurmur. Çünki ötən 10 il ərzində ölkəmizdə həyata keçirilən uğurlu siyasət xalqımız tərəfindən birmənalı şəkildə dəstəklənir”, - deyə, vurğulayan təşkilat sədri əlavə edib ki, Azərbaycan xalqının YAP-ın Sədri İlham Əliyevə dərin inam və etimad bəslədiyini və seçkilərdə fəal iştirak edərək Ona səs verəcəklərinə inandığını əminliklə vurğulayıb.
Gəncə Dövlət Universitetinin prorektoru, professor Yusif Yusifov isə bildirib ki, 21 illik fəaliyyəti dövründə Yeni Azərbaycan Partiyası Heydər Əliyev yolu ilə irəliləyərək, çox böyük və şərəfli yol keçib. “Cəmiyyətin aparıcı siyasi qüvvəsi kimi Yeni Azərbaycan Partiyası xalqımızın qarşısında duran vəzifələrin yerinə yetirilməsinə özünün layiqli töhfəsini verib və bu yolu uğurla davam etdirən Prezident İlham Əliyevin rəhbərliyi ilə xalqa xidmət göstərir. Partiyamız yarandığı vaxtdan xalqımıza xidmət onun başlıca amalıdır. Ümummilli liderimiz Heydər Əliyevin müəyyənləşdirdiyi ən ali prinsiplərinə söykənən Yeni Azərbaycan Partiyası ölkəmizin qabaqcıl nümayəndələrini öz sıralarında birləşdirərək, müstəqil Azərbaycan dövlətinin qurulması yolunda geniş, çoxşaxəli fəaliyyət göstərib”, - deyə professor əlavə edib.
Y.Yusifov əmin olduğunu bildirib ki, əldə edilən bütün bu nailiyyətlərin fonunda Yeni Azərbaycan Partiyasının namizədi cənab İlham Əliyev prezident seçkilərində möhtəşəm qələbə qazanacaq: “Bütün bu uğurlar, möhtəşəm nailiyyətlər belə bir nəticəyə gəlməyə imkan verir ki, Azərbaycan xalqı bir daha cənab İlham Əliyevi özünün Prezidenti kimi görəcək”.
Bağbanlar bələdiyyəsinin sədri, Bağbanlar ərazi ilk partiya təşkilatının sədri Raziyyə Orucova isə öz növbəsində Prezident İlham Əliyevin rəhbərliyi ilə ölkəmizdə qazanılmış böyük uğurlardan, genişmiqyaslı inkişafdan, həyata keçirilən sosial layihələrdən söz açıb, görülən işlərin xalq tərəfindən rəğbətlə qarşılandığını bildirib. O, Samux rayonunun sosial-iqtisadi inkişafını, aparılan geniş tikinti-quruculuq işlərini və əhalinin sosial problemlərinin həlli istiqamətində görülən işləri dövlətimizin başçısının diqqət və qayğısının bariz nümunəsi kimi qiymətləndirib.
Aşağı Ağasbəyli kəndinin icma qrup rəhbəri Valeh Zeyanov isə deyib ki, seçicilərinin birmənalı seçimi Yeni Azərbaycan Partiyasının namizədi cənab İlham Əliyevdir.
Kənd sakinləri Yusif Cəfərov, Nazilə Əzimova və digərləri isə çıxışlarında qeyd ediblər ki, 9 oktyabrda keçiriləcək seçkilərdə Yeni Azərbaycan Partiyasının namizədi cənab İlham Əliyevə səs verəcəklər.
NURLAN QƏLƏNDƏROV

Paylaş:

Baxılıb: 1418 dəfə