Azərbaycan doğru yolda irəliləyir

Bakı:

28 °C

44 %

7 m/s

Əlaqə

AZ RU EN

Ana səhifə / YAP xəbərləri / Azərbaycan doğru yolda irəliləyir

Azərbaycan doğru yolda irəliləyir

20.09.2013 [10:43]

Yevlax seçiciləri Ümummilli liderin yolunu davam etdirən cənab İlham Əliyevi dəstəkləyirlər
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Yevlax rayonu üzrə Seçki Qərargahının üzvləri dünən rayonun Kövər və Kolanı kəndlərində seçicilərlə görüş keçiriblər.
Görüşləri giriş sözü ilə açan YAP Yevlax rayon təşkilatının sədri, Milli Məclisin deputatı İlham Məmmədov Prezident İlham Əliyevin 10 illik fəaliyyəti dövründə gördüyü işlərdən danışıb. Millət vəkili vurğulayıb ki, ötən 10 ildə ölkəmizdə iqtisadi, mədəni və sosial sahədə mühüm islahatlar həyata keçirilib, neft və qeyri-neft sektorunda yeni-yeni nailiyyətlər əldə olunub: “Mən əminəm ki, ölkəmizin daim inkişafını dəstəkləyən xalqımız oktyabrın 9-da öz doğru seçimini edəcək”.
Seçicilər qarşısında çıxış edən YAP Yevlax rayon təşkilatı Qadınlar Şurasının sədri Əminə Əhmədova deyib ki, Prezident İlham Əliyevin rəhbərliyi ilə Azərbaycan hər bir sahədə böyük inkişaf yolu qət edib: “Son 10 il müddətində bütün sahələrdə görülən işlər, qazanılan uğurlar onu göstərir ki, Azərbaycan doğru yolda irəliləyir, xalqımız düzgün seçim edib. Məhz bu səbəbdəndir ki, Azərbaycan xalqı, o cümlədən, yevlaxlılar Ümummilli liderin yolunu davam etdirən cənab İlham Əliyevi dəstəkləyirlər və oktyabrın 9-da yenidən dövlət başçısına etimad göstərəcəklər”.
Çıxış edən YAP Yevlax rayon təşkilatının aparat rəhbəri Əli Quliyev deyib ki, bütün ölkələrdə olduğu kimi, Azərbaycanda da seçki mühitini ölkənin son illər ərzindəki inkişafı və bu inkişafın formalaşdırdığı ab-hava müəyyənləşdirir. “Bu gün ölkəmizdə ictimai-siyasi sabitlik hökm sürür və bu sabitlik Yeni Azərbaycan Partiyasının namizədi İlham Əliyevin məqsədyönlü siyasətinin bariz nümunəsidir. Bu sabitliyin və inkişafın davam etməsi üçün mən sizləri oktyabrın 9-da cənab İlham Əliyevə səs verməyə çağırıram”.
Görüşdə çıxış edən millət vəkili Səttar Mehbalıyev deyib ki, Prezident İlham Əliyev dünyada müsbət imici ilə tanınan nüfuzlu dövlət xadimlərindəndir. Bu uğurun təməlində dayanan səbəb isə ilk növbədə, Prezident İlham Əliyevin dövlət başçısı kimi fəaliyyətinin səmərəliliyinin Azərbaycanın daxili və beynəlxalq nailiyyətləri qismində əksini tapmasıdır.
Sosialist Əməyi Qəhrəmanı, Prezident təqaüdçüsü Şamama Əliyeva vurğulayıb ki, son 10 ildə ölkəmizdə bütün sahələr inkişaf edib: “Biz bu xoşbəxtliyimizin davamlılığı, xoşbəxt sabahımız üçün cənab İlham Əliyevə səs verəcəyik”.
Öz növbəsində görüşlərdə çıxış edən kəndlərin sakinləri Rasim Həsənov və Sevda Kərimova ölkəmizin inkişafının davamlı olması üçün Yeni Azərbaycan Partiyasının namizədinə səs verəcəklərini bildiriblər.
NADİR

Paylaş:

Baxılıb: 1348 dəfə