Bakının Qaradağ rayonunda “Qarabağa qayıdış prosesində informasiyanın rolu" mövzusunda tədbir keçirilib

Bakı:

27 °C

41 %

5 m/s

AZ RU EN

Ana səhifə / YAP xəbərləri / Bakının Qaradağ rayonunda “Qarabağa qayıdış prosesində informasiyanın rolu" mövzusunda tədbir keçirilib

Bakının Qaradağ rayonunda “Qarabağa qayıdış prosesində informasiyanın rolu" mövzusunda tədbir keçirilib

31.07.2025 [19:39]

31 iyul 2025-ci ildə YAP Qaradağ rayon təşkilatının və "Müasir İnternet Resurslarının İnkişafı” İctimai Birliyinin birgə təşkilatçılığı, Qeyri-Hökumət Təşkilatlarına Dövlət Dəstəyi Agentliyinin donor dəstəyi ilə “Qarabağa qayıdış prosesində informasiyanın rolu" mövzusunda tədbir keçirilib.

Tədbirdə Yeni Azərbaycan Partiyasının Qaradağ Rayon Təşkilatının sədri Qafar Əliyev, "Müasir İnternet Resurslarının İnkişafı" İctimai Birliyinin sədri, "Qarabağa qayıdış prosesində informasiyanın rolu" layihəsinin rəhbəri Zamin Zeynal, Qaradağ Rayon İcra Hakimiyyətinin ictimai-siyasi və hümanitar məsələlər şöbəsinin müdir müavini Firudin Hüseynov, Azərbaycan Yazıçılar Birliyinin Aran bölməsinin sədri, şair-publisist, "Ədəbiyyat" qəzetinin şöbə redaktoru, Prezident təqaüdçüsü Sərvaz Hüseynoğlu, Azərbaycan Vəkillər Kollegiyasının üzvü, YAP fəalı Elşad Daşdəmirov, Qaçqınların və Məcburi Köçkünlərin İşləri üzrə Dövlət Komitəsinin Qaradağ üzrə nümayəndəliyinin əməkdaşları, Qaradağda yaşayan keçmiş məcburi köçkünlərin bir qrupu, Qaradağ rayonunun Ağsaqqallar Şurasının sədri Ramin Məmmədov, QMƏVŞAİB Qaradağ rayon şöbəsinin sədri Məqsud Heydərov, qazilər, gənc könüllülər fəal iştirak ediblər.

Tədbirdə çıxış edənlər "Müasir İnternet Resurslarının İnkişafı” İctimai Birliyi tərəfindən "Qarabağa qayıdış prosesində informasiyanın rolu" layihəsi çərçivəsində bölgələrdə Qarabağdan olan məcburu köçkünlərlə birlikdə Qarabağa qayıdış zəminində keçirilən bu cür tədbirlərin ictimai-siyasi və mənəvi əhəmiyyətindən söz açıblar. Onlar vurğulayıblar ki, sonuncu tədbirin Qaradağ rayonunda yüksək səviyyədə keçirilməsi bir daha onu göstərdi ki, Qarabağa qayıdış prosesində informasiyanın rolu layihəsi uğurlu vətəndaş cəmiyyəti təşəbbüsü kimi dəyərləndirilir.

Müzəffər Ali Baş Komandan İlham Əliyevin rəhbərliyi, müqəddəs şəhidlərimizin canı, qanı hesabına, qazilərimizin sağlamlığının itirməsi nəticəsində azad edilmiş doğma Qarabağa qayıdış prosesi uğurla gerçəkləşdirilir. Belə ki, qüdrətli dövlət başçısı, qalib Prezident İlham Əliyevin göstəriş və tapşırıqlarına uyğun olaraq Qarabağda həyata keçirilən tikinti, quruculuq, abadlıq işləri, bu bölgənin dirçəlişinə və daha da yüksəlişinə öz müsbət təsirini göstərir.

MİRİİB sədri, "Qarabağa qayıdış prosesində informasiyanın rolu" layihəsinin rəhbəri Zamin Zeynal öz çıxışında bildirib ki, "Qarabağa qayıdış prosesində informasiyanın rolu" layihəsi çərçivəsində Qaradağ rayonu daxil olmaqla ölkəmizin dörd regionunda keçirilən ictimai-siyasi əhəmiyyətli tədbirdə məqsəd Qarabağa qayıdış prosesində informasiyanın rolunu gücləndirmək, bu prosesin məqsədyönlü şəkildə həyata keçirilməsinə vətəndaş cəmiyyətinin rolunu daha da artırmaqdır.

Qaradağ Rayon İcra Hakimiyyətinin ictimai-siyasi və hümanitar məsələlər şöbəsinin müdir müavini Firudin Hüseynov, Azərbaycan Yazıçılar Birliyinin Aran bölməsinin sədri, şair-publisist, "Ədəbiyyat" qəzetinin şöbə redaktoru, Prezident təqaüdçüsü Sərvaz Hüseynoğlu, Azərbaycan Vəkillər Kollegiyasının üzvü, YAP fəalı Elşad Daşdəmirov, Qaradağ rayonunun Ağsaqqallar Şurasının sədri Ramin Məmmədov, QMƏVŞAİB Qaradağ rayon şöbəsinin sədri Məqsud Heydərov, Heydər Əliyev Mərkəzinin fond müdiri Leyla Nəcəfova, YAP fəalı Türkanə Əliyeva və digərləri bildiriblər ki, məcburi köçkün soydaşlarımızı, gənclərimizi, Qarabağa qayıdışla əlaqədar milli vətənpərvərli əzmində söhbətlər apararaq yenidən o əzəli, əbədi Azərbaycana məxsus Qarabağ regionunda qurub-yaratmağa və yaşamağa təşviq etməliyik. Onlar qeyd ediblər ki, hər birimiz Qarabağın diriçəlişində və yüksəlişində fədakarcasına çalışmaqla ictimai maarifləndirməni daha da artırmalıyıq.

Paylaş:

Baxılıb: 466 dəfə