Forumun vacibliyi və təşkilati əhəmiyyəti

Bakı:

28 °C

49 %

5 m/s

Əlaqə

AZ RU EN

Ana səhifə / YAP xəbərləri / Forumun vacibliyi və təşkilati əhəmiyyəti

Forumun vacibliyi və təşkilati əhəmiyyəti

26.07.2025 [14:59]

Bu il üçüncü dəfə keçirilən Şuşa Qlobal Media Forumu öz əhatə dairəsini və nüfuzunu daha da genişləndirərək, dünyanın müxtəlif ölkələrindən gələn tanınmış jurnalistləri, media ekspertlərini və rəsmi nümayəndələri bir araya topladı. Forumun açılışında çıxış edən Azərbaycan Respublikasının Prezidenti İlham Əliyev mühüm məsələlərə toxundu və ölkəmizin media siyasəti, söz azadlığı və regional sabitliyə verdiyi töhfələr barədə əhatəli fikir bildirdi.

Prezident çıxışında ilk növbədə Azərbaycanın müstəqil mediaya verdiyi əhəmiyyətə toxundu. O bildirdi ki, bu gün ölkəmizdə media qurumları daha şəffaf və müasir şəkildə fəaliyyət göstərir. “Azərbaycanda media sahəsində şərait getdikcə yaxşılaşır, jurnalistlərin peşəkarlığı artır və biz bunu yüksək qiymətləndiririk. Hökumət olaraq, biz bu prosesə hər zaman dəstək vermişik və verməyə davam edəcəyik,” deyə dövlət başçısı vurğuladı.

Prezident İlham Əliyev forum iştirakçılarının Şuşada toplanmasının xüsusi rəmzi məna daşıdığını bildirdi. O, Azərbaycanın 44 günlük Vətən müharibəsində qazandığı Zəfərdən sonra bölgədə yaranan yeni geosiyasi reallıqlara toxunaraq qeyd etdi ki, dünya mediası bu məsələlərə daha obyektiv yanaşmalıdır.

Həmçinin Ölkə Başçısı müasir dövrün ən böyük çağırışlarından biri kimi saxta xəbər və dezinformasiyanın yayılmasını önə çəkdi. O bildirdi ki, bu cür hallar cəmiyyətlərə ciddi ziyan vurur və beynəlxalq ictimaiyyət bu məsələ ilə birgə mübarizə aparmalıdır. “Biz qlobal informasiya təhlükəsizliyinə daha çox diqqət ayırmalıyıq. Media təkcə məlumat vermək vasitəsi deyil, həm də ictimai məsuliyyət daşıyan bir sahədir,” deyə dövlət başçısı vurğuladı.

Prezident İlham Əliyev çıxışında Şuşa Qlobal Media Forumunun artıq beynəlxalq platformaya çevrildiyini qeyd edərək, forumun gələcək illərdə də jurnalistika sahəsində dialoqu və əməkdaşlığı təşviq edən mühüm mərkəz olaraq qalacağını bildirdi.

Prezident qeyd etdi ki, Şuşada beynəlxalq media forumunun keçirilməsi onun administrasiyası tərəfindən böyük həvalə ilə hazırlanmışdır və belə tədbirlərin mütəmadi təşkilinin vacibliyini vurğuladı. Prezident özü uzun formal çıxışlardan daha çox açıq dialoqa üstünlük verdiyini və iştirakçıların suallarına yönəltməyi sərfəlidir hesab etdiyini bildirdi.

Ümumilikdə, Ölkə Başçısı cənab İlham Əliyevin III Şuşa Qlobal Media Forumundakı çıxışı Azərbaycanın media siyasətinə verdiyi önəmi, informasiya ehtiyatlarının gələcəkdə necə daha möhkəmləndirilə biləcəyini və ölkənin qlobal informasiya mübarizəsindəki strateji rolunu açıq göstərdi. Media sahəsində dijitallaşma, süni intellekt və media diplomatiyasının aktuallığı Prezidentin nitqində aydın şəkildə əksini tapdı.

Elşən Səfərov,

YAP Ağcabədi rayon təşkilatının məsləhətçisi

Paylaş:

Baxılıb: 384 dəfə