Tovuzluların bir seçimi var: cənab İlham Əliyev

Bakı:

26 °C

54 %

5 m/s

Əlaqə

AZ RU EN

Ana səhifə / YAP xəbərləri / Tovuzluların bir seçimi var: cənab İlham Əliyev

Tovuzluların bir seçimi var: cənab İlham Əliyev

19.09.2013 [10:07]

Yeni Azərbaycan Partiyasının prezidentliyə namizədi İlham Əliyevin təbliğat-təşviqat kampaniyası Tovuz rayonunda da uğurla davam etdirilir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Tovuz rayonunda da uğurla davam etdirilir. Dünən bu məqsədlə Qovlar şəhərində seçicilərlə görüş keçirilib. Görüşdə çıxış edən Yeni Azərbaycan Partiyası Tovuz rayon təşkilatının sədri Məzahir Bayramov əvvəlcə rayonda seçkilərin keçirilməsinə hazırlıqla bağlı görülən işlər haqda məlumat verib.
Onun sözlərinə görə, seçkilərin tam ədalətli və şəffaf keçirilməsi üçün rayonda hər cür şərait yaradılıb. Bu seçkilərdə YAP-ın namizədilə yanaşı, müxtəlif təmayüllü partiyaların namizədlərinin də iştirak etdiyini söyləyən rayon təşkilatının sədri vurğulayıb ki, buna baxmayaraq, namizədlərin heç biri cənab İlham Əliyevlə rəqabət aparmaq gücündə deyil: “Bunun da səbəbləri kifayət qədərdir. Təkcə bir faktı xatırlamaq yetərlidir ki, son 10 ildə Azərbaycan iqtisadi cəhətdən yüksək inkişaf yolu keçərək bu gün dünyanın inkişaf etmiş dövlətləri ilə bir sırada addımlayır. Son illər Azərbaycan ümumdaxili məhsulun həcminə görə lider ölkəyə çevrilib. Bu artım hər il davam edir və biz bu tendensiyanın, inkişafın, sabitliyin artması, davamlı və dayanıqlı olması üçün oktyabrın 9-da növbəti dəfə cənab İlham Əliyevə səs verməliyik”.
Daha sonra çıxış edən Milli Məclisin üzvü Rafiq Məmmədhəsənov Azərbaycan dövlətinin müstəqillik tarixinə qısa nəzər salıb. Onun sözlərinə görə, 1991-ci ildə əldə edilmiş müstəqillikdən sonra hər cür çətinliyi və xoş günləri görən Azərbaycan xalqı yaxşını pisdən ayırmağı bacarır. Ən çətin dövrlərdə xalqımızın çox düzgün qərarlar qəbul etdiyini və doğru seçimlər etdiyini xatırladan millət vəkilinin sözlərinə görə, bu dəfə də xalqımız doğru qərar verməklə növbəti tarixi uğura imza atacaq: “Bütün ürəklərdə bir seçim var-Heydər Əliyev siyasi kursunun davamçısı cənab İlham Əliyevə səs vermək. Çünki bu gün Azərbaycanda İlham Əliyevə rəqib ola biləcək siyasi qüvvə yoxdur”.
Professor Qəzənfər Paşayev YAP-ın namizədi İlham Əliyevin Prezidentliyi dövründə görülən işləri xatırladaraq vurğulayıb ki, İlham Əliyev hələ Prezident seçilməzdən öncə öz dövlətini, xalqını və millətini sevən əsl vətəndaş olduğunu sübuta yetirmişdi: “Eyni zamanda, göstərmişdi ki, işləməyi, bir çox problemləri müdrikcəsinə dəf etməyi bacaran siyasi xadimdir. 2003-cü ildə xalqın iradəsi ilə hakimiyyətə gəldikdən sonra Onun Ümummilli liderimiz Heydər Əliyevin siyasətini çox cəsarətlə, şərəflə davam etdirdiyinin şahidi olduq”.
Prezident İlham Əliyevin başçılığı ilə həyata keçirilən dövlət proqramlarından danışan natiqin fikrincə, bu gün Azərbaycan bəlkə də yeganə ölkədir ki, öz iqtisadiyyatını, öz inkişafını dövlət proqramları ilə qurub. Yəni, bütün sahələr üzrə düşünülmüş, planlaşdırılmış şəkildə məsələlər qoyulub və həmin proqramlar ölkəmizin davamlı inkişafını təmin edib.
O, həmçinin, bildirib ki, İlham Əliyev prezident seçilməzdən öncə verdiyi vədlərin hamısına artıq əməl edib: “Məhz bu səbəbdən biz hamımız YAP-ın “İlhamla irəli” şüarını əlimizdə bayraq edib, İlham Əliyevə səs verəcəyik”.
Professor Məhərrəm Qasımlı vurğulayıb ki, görüşə gələn insanların üzlərindəki təbəssüm xalqımızın gələcəyə böyük inamının, ölkəmizdə həyata keçirilən böyük yenidənqurma işlərinə, atılan addımlara verilən dəstəyin bariz göstəricisidir. O, həmçinin, ölkəmizin apardığı enerji siyasətinin uğurlarından danışaraq vurğulayıb ki, neftin və qazın olması həmin dövlətin inkişafı demək deyil. İnkişaf üçün bu zəngin sərvətlərdən doğru istifadə edilməlidir, neft gəlirlərini digər sahələrə yönəltməklə inkişafa nail olmaq lazımdır. Azərbaycanın bütün dünya dövlətlərinin liderləri, nüfuzlu şəxsiyyətlər tərəfindən etiraf olunan əsası Ulu öndər Heydər Əliyev tərəfindən qoyulmuş uğurlu neft strategiyası da məhz bu məqsədə xidmət edir.
O, sonda bir daha rayon sakinlərini cənab İlham Əliyevə səs verməyə çağırıb.
Rayonun Yanıqlı kəndində keçirilən növbəti görüşdə isə çıxış edən natiqlər və rayon sakinləri əmin olduqlarını bildiriblər ki, qarşıdan gələn prezident seçkilərində tovuzluların yeganə seçimi var - o da cənab İlham Əliyevdir.
Aqşin ŞAHİNOĞLU

Paylaş:

Baxılıb: 1412 dəfə