Cənab İlham Əliyevin təbliğatını aparmaq olduqca şərəfli və məsuliyyətli bir işdir

Bakı:

15 °C

63 %

5 m/s

Əlaqə

AZ RU EN

Ana səhifə / YAP xəbərləri / Cənab İlham Əliyevin təbliğatını aparmaq olduqca şərəfli və məsuliyyətli bir işdir

Cənab İlham Əliyevin təbliğatını aparmaq olduqca şərəfli və məsuliyyətli bir işdir

17.09.2013 [10:08]

Ağdamlılar oktyabrın 9-da YAP-ın namizədinə səs verəcəklər
9 oktyabr 2013-cü ildə keçiriləcək prezident seçkilərində Yeni Azərbaycan Partiyası tərəfindən namizədliyi irəli sürülmüş Azərbaycan Respublikasının Prezidenti cənab İlham Əliyevin Ağdam rayonu üzrə Seçki Qərargahı təbliğat-təşviqat kampaniyasına start verib. Kampaniya çərçivəsində rayonun Quzanlı köçkün qəsəbəsi Mədəniyyət evində və Qasımbəyli qəsəbə tam orta məktəbin qarşısında seçicilərlə görüş keçirilib. Görüşlərdə millət vəkili, “Azərbaycan” qəzetinin baş redaktoru Bəxtiyar Sadıqov, millət vəkili Bəxtiyar Əliyev iştirak ediblər.
Görüşləri giriş sözü ilə YAP Ağdam rayon təşkilatının sədri İsgəndər Quliyev açaraq ilk olaraq rəhbərlik etdiyi təşkilatın seçkilərə hazırlıqla bağlı gördüyü işlər haqqında məlumat verib.
Daha sonra ölkədə aparılan abadlıq-quruculuq işləri barədə də danışan rayon təşkilatının sədri deyib ki, Dövlət proqramlarının uğurla icra olunması nəticəsində rayon işğalın fəsadlarını öz üzərindən atmağa çalışır və bu gün Ağdam köklü sürətdə dəyişərək müasirləşmiş rayonlarımızdan birinə çevrilib.
Çıxışında həmçinin, cənab İlham Əliyevin təbliğatını aparmağın olduqca şərəfli və məsuliyyətli bir iş olduğunu söyləyən natiq deyib ki, Onun gördüyü işlər, atılan addımlar, ölkəmizə qazandırdığı nailiyyətlər hər kəs tərəfindən qəbul və etiraf olunur: “Ona görə də, oktyabrın 9-da hər birimiz seçki məntəqələrinə gedərək Prezident İlham Əliyevə səs verəcəyik. Biz İlham Əliyevə səs verməklə, öz gələcəyimizə səs vermiş olacağıq”.
Sonra çıxış edən millət vəkili, “Azərbaycan” qəzetinin baş redaktoru Bəxtiyar Sadıqov Prezident İlham Əliyevin dövlət başçısı kimi fəaliyyəti dövründə əldə olunmuş nailiyyətləri sadalayaraq deyib ki, Azərbaycanın inkişafını təmin etmək üçün bütün sahələr üzrə proqramlar qəbul olunub. Bu proqramlar hər bir azərbaycanlının həyat tərzinin yaxşılaşdırılmasına, sosial vəziyyətinin yüksəldilməsinə xidmət edir: “Təbii ki, bu da yorulmaz fəaliyyətin nəticəsidir. Eyni zamanda, Azərbaycan xalqının öz Prezidentinə dəstəyi qazanılan uğurları stimullaşdırır. Əminəm ki, bu dəstək davam edəcək və oktyabrın 9-da hər birimiz yenidən İlham Əliyevə səs verəcək, uğurların davamını təmin edəcəyik”.
Millət vəkili Bəxtiyar Əliyev isə ölkədə baş verən proseslərə münasibət bildirməyin, proseslərdə yer almağın hər bir azərbaycanlının vətəndaşlıq borcu olduğunu söyləyib. Onun sözlərinə görə, oktyabrın 9-da hər bir vətəndaş seçki məntəqəsinə getməli, öz gələcəyinə səs verməlidir: “Bu zaman isə nəzərə almalıdır ki, seçdiyi, səs verdiyi şəxs Azərbaycana nə verə bilər. Tarix ən yaxşı təcrübədir. Azərbaycan xalqı Heydər Əliyev siyasətinə səs verməklə, bu siyasəti müdafiə etməklə daim doğru qərarlar qəbul etdiyini göstərib. 9 oktyabrda da xalqımız doğru qərar qəbul edəcək və dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcək. Çünki bu siyasət bütün qapıların açarı, bütün problemlərin həllidir”.
Görüşlərdə, həmçinin, Seçki Qərargahının üzvləri Şahin Qasımov, Hafiz Əzimzadə və Elmira Şükürova çıxış edərək prezidentliyə namizəd cənab İlham Əliyevin həyata keçirdiyi uğurlu daxili və xarici siyasət kursu barədə danışıb, oktyabrın 9-da keçiriləcək prezident seçkilərində seçiciləri fəallıq göstərməyə çağırıblar.
Nadir AZƏRİ

Paylaş:

Baxılıb: 1319 dəfə