Ulu Öndər Heydər Əliyevin xilaskarlıq missiyası

Bakı:

21 °C

78 %

6 m/s

Əlaqə

AZ RU EN

Ana səhifə / YAP xəbərləri / Ulu Öndər Heydər Əliyevin xilaskarlıq missiyası

Ulu Öndər Heydər Əliyevin xilaskarlıq missiyası

13.06.2025 [23:11]

Səyyad Mirzəyev,

YAP Ağdam rayon təşkilatının əməkdaşı

Tariximizə əbədi həkk olunmuş 15 İyun – Milli Qurtuluş Günüdür. Bu şərəfli tarix səhifəsini yaradan Azərbaycanın inkişafında, müstəqilliyinin qorunub- saxlanılmasında müstəsna xidmətləri olan Ulu Öndər Heydər Əliyevdir. Ulu Öndər Heydər Əliyevin ağır zəhməti, gərgin səyləri, uğurlu siyasətinin nəticəsində bu günkü qüdrətli Azərbaycan dövləti formalaşmışdır. Bu gün Azərbaycan dünyada öz mövqeyini yüksək səviyyədə qoruyub saxlamaqdadır. 1991-ci ilin oktyabrında ölkəmiz müstəqillik əldə etdikdən sonra hakimiyyətdə yaranan boşluq və siyasi xəttin düzgün seçilməməsi nəticəsində dövlətin bütün təsisatlarında uğursuzluq, özbaşnalıq höküm sürürdü. 1993-cü il 15 iyun tarixinə qədər ölkədəki kriminogen vəziyyət son həddə çatmışdı. Qiyamçı Surət Hüseynovun hərbi dəstələri döyüş bölgəsini tərk edərək hakimiyyəti ələ keçirmək üçün Bakıya doğru hərəkət edirdi. Cənubda separatçı Əlikram Hümbətov praktiki olaraq bir neçə rayonun inzibati binasını güc yolu ilə ələ keçirib AXC hakimiyyətinə tabe olmaqdan boyun qaçırırdı. Azərbaycan sadəcə daxili yox, xarici siyasət və təhlükəsizlik problemləri ilə qarşılaşmışdı. Ulu Öndər Heydər Əliyev Azərbaycanı xilas edəcək yeganə şəxsiyyət kimi xalqın ümid yeri idi. Azərbaycan xalqı müdriklik göstərdi və 1993-cü ildə – vətəndaş müharibəsi ərəfəsində Ulu Öndər Heydər Əliyevə müraciət etdi. Ümummilli Lider Heydər Əliyev xalqın təkidli tələbi ilə Bakıya gəldi, iyun ayının 15-də isə, Azərbaycan Respublikası Ali Sovetinin Sədri seçildi. Siyasi rəhbərliyə dəvət edilən Ulu Öndərin müdrikliyi, cəsarəti, millətə olan məhəbbəti və xalqın ona olan inamın nəticəsində Azərbaycan o böhranlı vəziyyətdən çıxa bildi. Bu gün, tariximizə Milli Qurtuluş Günü kimi daxil oldu. Ölkə Prezidenti, cənab İlham Əliyevin Ulu Öndərin siyasi kursunu uğurla davam etdirməsi və zənginləşdirməsi sayəsində Azərbaycan dünyanın dinamik inkişaf edən, modernləşən, beynəlxalq miqyasda nüfuzu gündən-günə artan dövlətinə çevrilib.

Bu gün daim azərbaycanlı olması ilə fəxr edən Heydər Əliyevin ruhu şaddır. Xilaskarı olduğu müstəqil Azərbaycanın ərazi bütövlüyü onun ideya və əməllərini davam etdirən, yarımçıq qalmış arzuları ilə bağlı vəsiyyətlərini gerçəkləşdirən, Ali Baş Komandan Prezident cənab İlham Əliyevin rəhbərliyi altında bərpa edilmiş, 30 ildən bəri düşmən əsarətində olan Qarabağ əbədi azadlığına qovuşmuşdir. Bu gün Azərbaycan gəncliyi tarixin sınağından şərəflə çıxaraq 30 illik erməni işğalında olan Qarabağımızı azad etməklə həm də, tarixi bir imtahandan məğrur və zəfərlə, üzüağ çıxaraq, üzərinə düşən işi möhtəşəm qələbə ilə şanlı bayrağımı zirvələrə daşıdı. Ulu öndər Heydər Əliyevin böyük siyasəti qalib gəlməklə onun ölməzliyini bir daha təsdiqləmiş oldu.

Paylaş:

Baxılıb: 306 dəfə