Qurtuluşdan Böyük Qayıdışa

Bakı:

28 °C

36 %

4 m/s

Əlaqə

AZ RU EN

Ana səhifə / YAP xəbərləri / Qurtuluşdan Böyük Qayıdışa

Qurtuluşdan Böyük Qayıdışa

12.06.2025 [15:45]

Samuxda “Konstitusiya və Suverenlik İli” çərçiəsində Samux rayon İcra Hakimiyyətinin və YAP Samux rayon təşkilatının birgə təşkilatçılığı ilə Milli Qurtuluş Günü münasibətilə “Qurtuluşdan Böyük Qayıdışa” mövzusunda yekun konfrans keçirilib.

Heydər Əliyev Mərkəzində təşkil olunan tədbirdə qonaqlar öncə Ulu Öndər Heydər Əliyevin abidəsini ziyarət edib, önünə gül dəstələri düzərək əziz xatirəsini ehtiramla yad ediblər.Tədbir Ümummilli Lider Heydər Əliyevin və Azərbaycan Respubikasının ərazi bütövlüyü naminə canından keçən şəhidlərimizin əziz xatirələrinin bir dəqiqəlik sükutla yad edilməsi ilə başlayıb.Azərbaycan Respublikasının dövlət himni səsləndirilib.

Tədbirdə Samux rayon İcra Hakimiyyətinin başçısı Firdovsi Əliyev, Milli Məclisin deputatı Mübariz Qurbanlı, YAP Samux rayon təşkilatının sədri Gündüz Bayramov, rayonun hüquq-mühafizə orqanlarının, idarə, müəssisə və təşkilatlarının rəhbərləri, YAP fəalları, qazilər,şəhid ailələri və ictimaiyyətin nümayəndələri iştirak ediblər.

Samux rayon İcra Hakimiyyətinin başçısı Firdovsi Əliyev çıxış edərək öncə tədbir iştirakçılarını 15 iyun - Milli Qurtuluş Günü münasibətilə təbrik edib. O bildirib ki, 1993-cü ilin 15 iyununda Ulu Öndərin hakimiyyətə qayıdışı ilə Azərbaycanın tarixində yeni mərhələ başlayıb. O, Heydər Əliyevin Azərbaycanı bütün çətinliklərdən xilas edərək ölkəmizin inkişaf yoluna qədəm qoyması, mühüm siyasi və iqtisadi islahatların həyata keçirilməsindəki misilsiz töhfələrindən bəhs edib.

Tədbirdə çıxış edən çıxış edən Milli Məclisin deputatı Mübariz Qurbanlı qeyd edib ki, Milli Qurtuluş Günü tariximizdə müstəsna yer tutur. Ulu Öndər Heydər Əliyev Azərbaycanı məhv olmaqdan, parçalanmaqdan xilas edib. Heydər Əliyevin tarixi qayıdışından sonra respublikada bütün sahələrdə dirçəliş baş verib. Bu gün isə Heydər Əliyevin layiqli davamçısı Prezident İlham Əliyevin rəhbərliyi ilə müstəqil Azərbaycan beynəlxalq müstəvidə güclü, qüdrətli dövlətə çevrilib.

YAP Samux rayon təşkilatının sədri Gündüz Bayramov çıxışında 15 iyun - Milli Qurtuluş Gününün tariximizdəki rolundan danışaraq müstəqil Azərbaycanın qurulması və inkişafında Ümummilli liderin misilsiz xidmətlərindən söz açıb. Bildirib ki, Ulu Öndərimiz çox qısa bir müddətdə milli dövlətçiliyin sarsılmaz əsaslarını yaradıb və Azərbaycanın müstəqilliyinin əbədi, dönməz xarakter almasına nail olub.

Tədbir Milli Qurtuluş gününə həsr olunmuş bayram konserti ilə davam etdirilib.

Paylaş:

Baxılıb: 498 dəfə