Xilaskarlıq missiyasını həyata keçirən lider

Bakı:

27 °C

47 %

3 m/s

Əlaqə

AZ RU EN

Ana səhifə / YAP xəbərləri / Xilaskarlıq missiyasını həyata keçirən lider

Xilaskarlıq missiyasını həyata keçirən lider

11.06.2025 [14:11]

Tarixdə elə hadisələr, günlər olur ki, illərlə, əsrlərlə yaddan çıxmır, unudulmur.

15 İyun Azərbaycan xalqı, dövləti üçün məhz belə unudulmaz, müqəddəs bir tarixi gündür. Ümummili lider Heydər Əliyev 1993-cü il iyunun 15-də yenidən siyasi hakimiyyətə gəlişi ilə Azərbaycan xalqını çox ağır bəlalardan hifz etdi, ölkənin müstəqilliyinin əldən getməsinin qarşısını aldı. Torpaqlarımızın daha geniş şəkildə zəbt olunmasına imkan vermədi, ölkəmizi dəhşətli vətəndaş müharibəsindən xilas etdi.

15 İyundan başlanan uğurlar, Ulu öndər Heydər Əliyevin qəbul etdiyi qərarlar, sərəncamlar, fərmanlar, bağlanılan müqavilələr, həyata keçirilən layihə və proqramlar bugünkü inkişafımızın təməlini möhkəm qoymuşdur.

İnsan ağlı, zəkası, fəaliyyəti ilə tarixi ucaldır, yaşadığı dövrü sürətləndirir, əbədiləşdirir. Ümummili liderimiz Heydər Əliyev tarix yaradan, tarixi əbədiləşdirən və Azərbaycan xalqının yaddaşında əbədi qalmağı bacaran bir şəxsiyyətdir.

Qurtuluş günümüz – Heydər Əliyevin yenidən siyasi hakimiyyətə gətirilməsi, xalqın Ulu öndərinə bəslədiyi məhəbbətindən, etimadından qaynaqlanırdı. Azərbaycan xalqı Heydər Əliyevi öz xilaskarı kimi görürdü.

Heydər Əliyevin gərgin əməyi nəticəsində xalq-hakimiyyət münasibətləri, vətəndaş-dövlət əlaqələri təkmiləşdirildi, qarşılıqlı etimad səyləri yaradıldı. Nizamsız silahlı dəstələrdən olan Azərbaycan Ordusu tez bir zamanda yenidən təşkil edildi, hərbi-hazırlıq səviyyəsi yüksəldildi, orduda möhkəm nizam-intizam yaradıldı. O,Ordu ki bu gün bizə tarixi zəfər yaşatdı.

“Görkəmli şəxsiyyətlər xalqın zəkasını, elmini, mədəniyyətini, mənəviyyatını dünyaya nümayiş etdirirlər” kəlamının müəllifi olan Ulu Öndər sözün əsl mənasında Azərbaycanı dünyaya tanıdan Dahi şəxsiyyət oldu.

“Mənim üçün hər şeydən əziz mənim xalqımdır, mənim Vətənimdir, mənim torpağımdır” amalı ilə yaşayan Heydər Əliyev sözünü əmələ çevirməklə dünyanın ən böyük azərbaycanlısı adını daşımağa layiq olduğunu sübut etdi.

“İnanıram ki, müstəqil Azərbaycan Respublikası həyatın bütün sahələrində geniş inkişaf edən, çiçəklənən bir ölkə kimi böyük uğurlar qazanacaqdır”. Uzaqgörənliklə deyilmiş bu sözlər bu gün həqiqətə çevrilmişdir. Azərbaycan Respublikasının Prezidenti cənab İlham Əliyev Ümummilli Liderimizin siyasi kursunu uğurla davam etdirir və ölkəmizi parlaq sabahlara aparır.

Cənab Prezident ata vəsiyyətini , onun ən ağrılı yeri olan bir vəzifəni həyata keçirdi və düşmən üzərində tarixi qələbə qazandı. Ulu Öndərin ən böyük arzusu Qarabağımızı azad etmək, Şuşamıza getmək, işğal altında olan torpaqlarımızı düşməndən qurtarmaq idi. Bu arzunu Möhtərəm Prezidentimiz reallığa çevirdi. Bəli 30 ildən sonra Azərbaycan öz əzəli torpaqlarını işğal altından azad etdi , bütövləşdi və tamamlandı.

“Tariximizin hər səhifəsi bizim üçün əzizdir”- deyən Heydər Əliyev Müstəqil Azərbaycanın şanlı tarixinin ən əziz səhifəsini təşkil edir.

Bu gün biz qalib xalq kimi Qurtuluş Gününü qeyd edirik.

Azərbaycan dövləti, Azərbaycan xalqı var olduqca Heydər Əliyev dühası var olacaqdır, yaşayacaqdır.

Samirə Zeynalova,

YAP Tərtər Rayon Təşkilatının mühasibi

Paylaş:

Baxılıb: 420 dəfə