Qobustan qəsəbəsində müstəqillik günü qeyd edilib

Bakı:

29 °C

48 %

12 m/s

Əlaqə

AZ RU EN

Ana səhifə / YAP xəbərləri / Qobustan qəsəbəsində müstəqillik günü qeyd edilib

Qobustan qəsəbəsində müstəqillik günü qeyd edilib

23.05.2025 [12:30]

2025-ci il mayın 22-də Yeni Azərbaycan Partiyası (YAP) Qaradağ rayon təşkilatının və Qaradağ rayonunun Qobustan qəsəbəsindəki 195 saylı məktəbin birgə təşkilatçılığı ilə “Konstitusiya və Suverenlik İli” çərçivəsində "Müstəqillik Günü və Suverenliyin əhəmiyyəti" mövzusunda tədbir keçirilib.

Tədbirdə YAP Qaradağ rayon təşkilatının sədri Qafar Əliyev, Qaradağ rayonu İcra Hakimiyyətinin Başçısının Qobustan Qəsəbə İnzibati Ərazi Dairəsi üzrə nümayəndəsi Tarverdi Qurbanov, 195 saylı məktəbin müəllimləri və yuxarı sinif şagirdləri iştirak ediblər.

Tədbiri giriş sözü ilə açan 195 saylı məktəbin direktor əvəzi Kəmalə Əsədova Azərbaycan Respublikasının Prezidenti İlham Əliyev tərəfindən 2025-ci ilin “Konstitusiya və Suverenlik İli” elan olunduğuna görə bu tədbirin keçirildiyini və əsas məqsədin isə Konstitusiya və Suverenliyin əhəmiyyəti barədə məktəbin kollektivini məlumatlandırmaq olduğunu bildirib və sözu YAP Qaradağ rayon təşkilatının sədri, siyasi elmlər üzrə fəlsəfə doktoru Qafar Əliyevə verib.

Qafar Əliyev Prezident İlham Əliyevin Sərəncamı ilə 2025-ci ilin Azərbaycanda "Konstitusiya və Suverenlik ili" elan olunması ilə əlaqədar ölkəmizin bütün idarə və müəssisələrində belə tədbirlərin təşkil olunmasının mühüm əhəmiyyət daşıdığını qeyd edərək bunun ölkəmizin müstəqillik tarixinə, hüquqi dövlət quruculuğuna və suverenlik prinsiplərinə dövlət başçısı tərəfindən verilən yüksək qiymətin təcəssümü olduğunu bildirib. O, Azərbaycan tarixinə qısa ekskursiya edərək ən qədim dövrdən başlayaraq müstəqil Azərbaycan Respublikasının yaranmasına qədər xalqımızın keçdiyi şanlı və şərəfli yola diqqəti çəkərək bu yolda uğur və itgilərimizdən, başımıza imperiyalar və qonşular tərəfindən gətirilən soyqırım və deportasiyalardan geniş bəhs edib. Müstəqil Azərbaycan Respublikasının 1995-ci il noyabrın 12-də ümumxalq səsverməsi yolu ilə qəbul olunan Konstitusiyasının ulu öndər Heydər Əliyevin şah əsəri olduğunu, bu sənədin müasir dövlətin və vətəndaş cəmiyyəti quruculuğunun hüquqi bünövrəsini təşkil etdiyini, Konstitusiyanın Azərbaycan xalqının azad iradəsini, dövlət müstəqilliyinin hüquqi əsaslarını və vətəndaşların hüquq və azadlıqlarını təmin edən əsas sənəd olduğunu qeyd edib. YAP sədri eyni zamanda suverenliyin bərpası, işğaldan azad olunmuş torpaqlarda Azərbaycanın suveren hüquqlarının tam bərqərar olunması, Konstitusiyanın Qarabağda real həyata tətbiqinin mümkün olmasını Azərbaycanın ümummilli lideri Heydər Əliyev siyasi fəaliyyətinin, həmin kursun hazırkı Prezidenti İlham Əliyevin siyasi və diplomatik bacarığının və xalqımızın mübarizə əzminin nəticəsi olduğunu diqqətə çatdırıb.

O bildirib ki, Azərbaycanda suverenliyin tam bərpası, ölkəmizin ərazi bütövlüyünün və konstitusiya quruluşunun tam təmin olunması, Konstitusiyanın real həyatda tam tətbiqi və təsdiqi 44 Günlük İkinci Qarabağ Müharibəsində Böyük Qələbədən sonra mümkün olub. Qafar Əliyev xüsusilə gənclərin bu sahədə maarifləndirilməsinin vacibliyini qeyd edərək, bu kimi tədbirlərin ictimai şüurun formalaşmasına, vətəndaşlıq mövqeyinin və məsuliyyətinin güclənməsinə mühüm töhfə verdiyini bildirib.

Tədbirdə digər çıxış edən müəllimlərdən: Nüşabə Eyvazova, Şəms Hüseynova, Samirə Əmiraslanova, Ruqiyyə Kərimova, Aysel Mirzəyeva, Məlahət Teyibova və başqaları bildiriblər ki, keçirilən bu cür tədbirlər və təşəbbüslər həm müəllimlərin, həm də şagirdlərin, bütövlükdə isə ölkə vətəndaşlarının, xüsusilə də gənc nəslin dövlətçilik, müstəqillik və suverenliklə bağlı vətənpərvərlik tərbiyəsinə, onların hüquqi düşüncəsinin inkişafına, həm də dövlətçilik prinsiplərinin daha da dərinləşdirilməsinə xidmət edir.

Paylaş:

Baxılıb: 472 dəfə