Son illərdə isə Azərbaycanınla Çin arasında səmərəli investisiya əməkdaşlığı həyata keçirilir

Bakı:

23 °C

61 %

11 m/s

AZ RU EN

Ana səhifə / YAP xəbərləri / Son illərdə isə Azərbaycanınla Çin arasında səmərəli investisiya əməkdaşlığı həyata keçirilir

Son illərdə isə Azərbaycanınla Çin arasında səmərəli investisiya əməkdaşlığı həyata keçirilir

28.04.2025 [22:43]

Rövşən Əhmədov,

YAP Ağcabədi rayon təşkilatının sədri

Ümummilli Lider Heydər Əliyevin düşünülmüş və məqsədyönlü siyasəti nəticəsində yenidən qurulan, zirvələri fəth edən Azərbaycan son 21 ildən artıq dövrdə bu xəttin Prezident cənab İlham Əliyev tərəfindən uğurla davam etdirilməsi nəticəsində özünü dünyaya qalib, bütövləşən ölkə kimi təqdim etdi. Azərbaycan xarici siyasətinin dəyişməz prinsipləri əsasında mövqeyini daha da möhkəmləndirir, etibarlı və arzuolunan tərəfdaş kimi nüfuz qazanır. Dövlətimizin qarşılıqlı etimada, hörmətə əsaslanan siyasəti daim davamlı uğurlara yol açır.

Bunun bariz nümunəsi olaraq cari ilin 21 aprel tarixində Azərbaycan Respublikasının Prezidenti İlham Əliyevin Çin Xalq Respublikasının rəsmi xəbər agentliyi olan Sinxua agentliyinə verdiyi müsahibə, iki ölkə arasında əlaqələrin hazırkı səviyyəsini və gələcək inkişaf perspektivlərini əhatə edən mühüm bir hadisə kimi dəyərləndirilə bilər. Bu müsahibə, sadəcə informasiya mübadiləsi olaraq qalmaqla yanaşı, həm də iki ölkə arasında münasibətlərin dərinləşməsi, qarşılıqlı maraqların və gələcək əməkdaşlıq istiqamətlərinin aydınlaşdırılması baxımından xüsusi əhəmiyyət daşıyır. Müsahibədə Prezident İham Əliyev, Çin ilə Azərbaycan arasında əlaqələrin müxtəlif sahələrdə necə inkişaf etdiyini və bu münasibətlərin gələcəkdə necə daha da güclənəcəyinə dair konkret fikirlərini bildirib.

Prezident İlham Əliyev, həmçinin, Azərbaycan-Çin əlaqələrinin tarixini və strateji tərəfdaşlıq əlaqələrinin genişlənməsini vurğulayıb. Həmin bəyannamə ilə, iki ölkə arasında qarşılıqlı hörmət və etimad əsasında qurulan münasibətlər, həmçinin bir-birinin suverenliyinə və ərazi bütövlüyünə göstərilən hörmətin təməl prinsipləri olaraq bəyan edilib. Prezident, bəyannamənin imzalanmasının həm Çin, həm də Azərbaycan üçün əhəmiyyətli bir tarix olduğunu və bu, yeni səhifə açmaqla yanaşı, daha da dərinləşəcək əməkdaşlıq üçün geniş perspektivlər yaradacağını bildirib.

Azərbaycan ilə Çin arasında təkcə mövcud ticarət əlaqələri deyil, həm də gələcək inkişaf potensialı yüksək qiymətləndirilir. Prezident İlham Əliyev bildirib ki, iki ölkə arasında iqtisadi-ticari əməkdaşlıq üzrə Hökumətlərarası Komissiya qarşılıqlı əlaqələrin dərinləşdirilməsi və hüquqi əsasların möhkəmləndirilməsi baxımından mühüm rol oynayır. Komissiyanın qəbul etdiyi qərarların vaxtında yerinə yetirilməsi isə bu sahədəki səylərin uğurla nəticələnməsinə zəmin yaradır.

Son illərdə isə Azərbaycanınla Çin arasında səmərəli investisiya əməkdaşlığı həyata keçirilir. Çin şirkətlərinin Azərbaycanda fəaliyyəti sənaye, enerji, infrastruktur, informasiya texnologiyaları, ticarət, kənd təsərrüfatı və digər sahələri əhatə edir. Çin şirkətləri Azərbaycanın işğaldan azad edilən ərazilərində başlanan infrastruktur layihələrində iştirak edir. “Huawei” şirkəti isə artıq bu regionda “ağıllı kənd” və “ağıllı şəhər” layihələrinin icrasına başlayıb. Həmçinin, Çin texnologiyalarının Azərbaycana gətirilməsi ilə, ölkəmiz dünyanın müasir texnoloji mərkəzlərindən birinə çevrilə bilər. Ümumiyyətlə bu strateji əməkdaşlıqdan hər iki ölkə faydalanacaq.

Paylaş:

Baxılıb: 399 dəfə