YAP-ın Sədr müavini-İcra katibi Əli Əhmədov partiyanın Ağdaş rayon təşkilatının fəalları ilə görüşüb

Bakı:

22 °C

65 %

1 m/s

AZ RU EN

Ana səhifə / YAP xəbərləri / YAP-ın Sədr müavini-İcra katibi Əli Əhmədov partiyanın Ağdaş rayon təşkilatının fəalları ilə görüşüb

YAP-ın Sədr müavini-İcra katibi Əli Əhmədov partiyanın Ağdaş rayon təşkilatının fəalları ilə görüşüb

13.07.2013 [13:57]

Yeni Azərbaycan Partiyasının Sədr müavini-İcra katibi, Milli Məclisin deputatı Əli Əhmədov partiyanın Ağdaş rayon təşkilatının fəalları ilə görüşüb. SİA-nın müxbirinin verdiyi məlumata görə, görüşdə millət vəkili Şəmsəddin Hacıyev və Ağdaş rayon İcra Hakimiyyətinin başçısı Tofiq İbrahimov da iştirak edib. Əvvəlcə YAP-ın memarı və qurucusu, Ümummilli lider Heydər Əliyevin abidəsi ziyarət olunaraq, önünə gül dəstələri düzülüb. YAP Ağdaş rayon təşkilatının binasında keçirilən görüşdə çıxış edən partiyanın Sədr müavini Əli Əhmədov YAP-ın namizədi Prezident İlham Əliyevin 10 il müddətində respublikamızın iqtisadi, siyasi, mədəni, sosial, elm, təhsil, səhiyyə, mədəniyyət sahəsində gördüyü işləri, əldə olunmuş nailiyyətləri diqqətə çatdırıb. Azərbaycanın daxili siyasətindəki uğurlarla yanaşı, beynəlxalq aləmdə, dünya birliyində mövqeyinin möhkəmlənməsini, söz sahibi olmasını xüsusi vurğulayan Əli Əhmədov həmçinin iri enerji layihələrinin gerçəkləşməsindən də bəhs edib. Bildirib ki, uğurlu siyasətin nəticəsidir ki, bu gün xalqımızın maddi rifah halını, güzaranını 15 il bundan öncə ilə müqayisə etdikdə böyük fərq yaranır. Odur ki, xalqımızın mütləq əksəriyyəti bu gün Ulu öndər Heydər Əliyev siyasi kursunun cənab İlham Əliyev tərəfindən davam etdirilməsini tələb edir. Əminik ki, ağdaşlı vətəndaşlarımız da bu inkişafın davam olunmasını istəməklə, İlham Əliyevin növbəti 5 ildə ölkəmizin Prezidenti olmasında israrlıdırlar. Azərbaycan hakimiyyətinin siyasətinin qayəsi insanların rahat yaşaması, güzəranın yüksəlməsidir.
İcra katibi çıxışında bildirib ki, hər bir sıravi YAP üzvü seçkilərdə aktiv olmalı, seçki günü məntəqələrə gəlib İlham Əliyevə səs verməlidirlər. “Amma bununla vəzifələrinin bitmiş hesab edildiyini düşünməməlidirlər. Hər bir YAP üzvü cənab İlham Əliyevin 10 illik fəaliyyətini olduğu kimi təbliğ etməlidir”, - deyən Ə.Əhmədov sonda partiya üzvlərinə tapşırıqlarını verib.
Millət vəkili Şəmsəddin Hacıyev görüşdə çıxış edərək İlham Əliyevin prezident kimi 10 illik fəaliyyəti barədə danışıb.
Ağdaş rayon İcra Hakimiyyətinin başçısı Tofiq İbrahimov çıxış edərək rayonda görülən abadlıq, quruculuq işləri, həmçinin, seçkilərə hazırlıqla bağlı məlumat verib.
Rayon sakinləri adından Lütvi Paşayev, qadınlar adından Hənifə Yusubova, gənclər adından Anar Şahmuradov çıxış edərək Ağdaş sakinlərinin 16 oktyabr tarixdə keçiriləcək prezident seçkisində cənab İlham Əliyevə səs verəcəklərini bildiriblər.

Paylaş:

Baxılıb: 1504 dəfə