Bu gün Azərbaycan qazı bir çox Avropa ölkəsinin enerji təhlükəsizliyini təmin edir

Bakı:

24 °C

72 %

15 m/s

Əlaqə

AZ RU EN

Ana səhifə / YAP xəbərləri / Bu gün Azərbaycan qazı bir çox Avropa ölkəsinin enerji təhlükəsizliyini təmin edir

Bu gün Azərbaycan qazı bir çox Avropa ölkəsinin enerji təhlükəsizliyini təmin edir

12.03.2025 [17:03]

“Diplomatik münasibətləri 1995-ci ildə quran Azərbaycanla Şimali Makedoniya arasında bu gün siyasi dialoq dinamik xarakter almaqdadır. Sirr deyil ki, Şimali Makedoniya Prezidenti Qeorqe İvanovun 2015, 2016, 2017 və 2018-ci illərdə Azərbaycana işgüzar səfər etməsi, eyni zamanda Prezident İlham Əliyevin 2024-cü ildə COP29 konfransı çərçivəsində Şimali Makedoniya Prezidenti xanım Qordana Silyanovska-Davkova ilə görüşməsi, 2025-ci ilin mart ayında isə xanım Qordana Silyanovska-Davkovanın ölkəmizə növbəti səfəri bunun əyani sübutudur”. Bunu Yeni Azərbaycan Partiyası Nizami rayon təşkilatının sədri Ramil Vəlibəyov deyib.

Ramil Vəlibəyov bildirib ki, Azərbaycanla Şimali Makedoniya energetika sahəsində əməkdaşlığa başlayıb və Azərbaycan qazı artıq Şimali Makedoniyanın bazarına çatdırılıb: “Hazırda Azərbaycan Avrasiya məkanında 12 ölkəyə təbii qaz ixrac edir. On iki ölkədən 10-u Avropa ölkəsidir. Keçən il Azərbaycan xarici bazarları 25 milyard kubmetr qaz ilə təchiz edib. Bu gün reallıq ondan ibarətdir ki, Avropa Azərbaycan qazına ehtiyac duyur. Üç il öncə Bakıda imzalanmış Avropa İttifaqı ilə Azərbaycan arasında energetika sahəsində strateji tərəfdaşlıq Bəyannaməsi bunun əyani təzahürüdür. Bu gün Azərbaycan qazı bir çox Avropa ölkəsinin enerji təhlükəsizliyini təmin edir. Bütün bunlar bir daha onu göstərir ki, energetika sahəsində ikitərəfli formatda əməkdaşlıq Azərbaycanla Şimali Makedoniya üçün çox önəmlidir və bu praktiki əməkdaşlıq digər sahələrə də təsir göstərəcək”.

Ramil Vəlibəyov vurğulayıb ki, iki ölkə arasında 5 sənəd imzalanıb, o cümlədən sərmayələrin təşviqi və qarşılıqlı qorunması, eləcə də gəlirlərə və əmlaka görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında sazişlər qüvvədədir. Hazırda 3 aktiv olmaqla Azərbaycanda 5 Şimali Makedoniya investisiyalı kommersiya qurumu qeydiyyatdadır. Bütün bunlar isə iki ölkənin humanitar, iqtisadi, ticarət sahələrində də əməkdaşlığın genişləndirilməsinə əlverişli mühitin olduğuna işarədir.

Ramil Vəlibəyov onu da əlavə edib ki, Yeni Azərbaycan Partiyası ilə Şimali Makedoniya Türk Demokratik Partiyası arasında Əməkdaşlıq Memorandumunun imzalanması, eləcə də partiya nümayəndələrinin qarşılıqlı səfərləri iki ölkənin münasibətlərinin inkişafına əlavə stimul faktorudur.

Paylaş:

Baxılıb: 441 dəfə