Ağcabədidə 2 fevral – Azərbaycan Gəncləri Günü münasibətilə ümumrayon tədbiri keçirilib

Bakı:

26 °C

61 %

5 m/s

Əlaqə

AZ RU EN

Ana səhifə / YAP xəbərləri / Ağcabədidə 2 fevral – Azərbaycan Gəncləri Günü münasibətilə ümumrayon tədbiri keçirilib

Ağcabədidə 2 fevral – Azərbaycan Gəncləri Günü münasibətilə ümumrayon tədbiri keçirilib

03.02.2025 [17:14]

Fevralın 1-də Ağcabədi rayon İcra Hakimiyyətinin, YAP Ağcabədi rayon təşkilatının və Ağcabədi rayonu üzrə Gənclər və İdman Sektorunun birgə təşkilatçılığı ilə 2 fevral - Gənclər Günü münasibətilə tədbir keçirilib.

Gənclər tədbirində YAP Ağcabədi rayon təşkilatının gənc fəalları, rayonun mədəniyyət, təhsil və idman sahəsində fərqlənən qabaqcıl gəncləri, rayon ictimaiyyətinin nümayəndələri və qonaqlar iştirak etmişlər.

Tədbirdən öncə Ulu Öndərin abidəsi qarşısına güllər düzülüb, əziz xatirəsi dərin ehtiramla anılmışdır.

Tədbir Ağcabədi rayon İcra Hakimiyyətinin iclas zalında Azərbaycan Respublikasının Dövlət Himni səsləndirilməsi ilə başlamış, Umummilli Lider Heydər Əliyevin və Azərbaycanın müstəqilliyi və ərazi bütövlüyü uğrunda canlarından keçən şəhidlərin xatirəsi 1 dəqiqəlik sükutla yad edilmişdir.

Tədbirdə Qarabağ Regional Gənclər və İdman İdarəsinin Ağcabədi rayonu üzrə Gənclər və İdman Sektorunun müdiri Rüfət Quliyev məruzə etmişdir. Natiq məruzədə qeyd etmişdir ki, Ulu Öndər Heydər Əliyevin müəyyənləşdirdiyi gənclər siyasəti bu gün uğurla davam etdirilir. Bu siyasət nəticəsində Azərbaycan idmanı və gənclər sektoru böyük tərəqqiyə nail olub. Azərbaycanda gənclər sahəsində tədbirlər kompleks şəkildə hazırlanır və həyata keçirilir. Bunun nəticəsində ölkədə gənclərlə iş sahəsində ciddi keyfiyyət dəyişiklikləri əldə edilib, gənclərin ictimai həyatda rolu önəmli dərəcədə artıb. Ölkəmizdə müntəzəm olaraq keçirilən böyük idman yarışları, idmançılarımızın beynəlxalq turnirlərdə əldə etdiyi çoxsaylı qələbələr bu sahədə əldə edilmiş tərəqqinin bariz təzahürləridir.

Tədbirdə çıxış edən Ağcabədi rayon İcra Hakimiyyəti Başçısının müavini Toğrul Bünyatov tədbir iştirakçılarını salamlayaraq bildirib ki, Ulu Öndər gənclər siyasətini müstəqil Azərbaycan dövlətinin fəaliyyətinin ən mühüm istiqamətlərindən biri kimi dəyərləndirib. Gənclər və İdman Nazirliyinin yaradılması, müstəqil Azərbaycan gənclərinin ilk ümumrespublika forumunun keçirilməsi, 2 fevralın Azərbaycan Gəncləri Günü elan edilməsi, gənclər siyasəti ilə bağlı dövlət proqramlarının qəbulu Ümummilli Liderin gənclərə böyük qayğısının bariz nümunəsi idi.

Qeyd olunub ki, bu gün ölkəmizdə gənclər siyasəti yeni inkişaf dövrünə qədəm qoyub. Ulu Öndərin gənclər siyasətinə sadiqliyini öz qərarları ilə təsdiq edən Azərbaycan Respublikasının Prezidenti cənab İlham Əliyev gənclərin mənəvi inkişafı, vətənpərvərlik tərbiyəsi, xarici ölkələrdə təhsili, sosial müdafiəyə ehtiyacı olanların problemlərinin həlli, gənclər təşkilatlarının formalaşması və inkişafına diqqət və qayğı ilə yanaşır. Gəncliyə dövlət qayğısı sağlam və intellektual nəslin formalaşmasına xidmət edir, gələcəyə böyük inamla baxmağa əsas verir.

Tədbirdə YAP Ağcabədi rayon təşkilatının sədr müavini Nazim Bünyatov, Ağcabədi Regional “Asan xidmət” mərkəzinin direktor müavini Şamxal Həsənov, Ağcabədi şəhər 3 saylı məktəb liseyin müəllimi Turan Balakişiyeva, Taekvando idman növü üzrə Avropa birincisi Çingiz Həsənov və Ağcabədi Pedoqoji Kollecinin Tələbə Gənclər Təşkilatının sədri Adəm İbixanov çıxış edərək, ölkədə və Ağcabədi rayonunda gənclərlə bağlı görülən işlərdən danışmış, gəncləri bayram münasibəti ilə təbrik etmiş, onlara uğurlar arzulamışlar.

Tədbirdə rayonun ictimai-siyasi həyatında, təhsildə, idmanda, elm, mədəniyyət sahələrində fərqlənən gənclərə Ağcabədi rayon İcra Hakimiyyətinin və YAP Ağcabədi rayon təşkilatının Fəxri Fərmanları təqdim olunmuşdur.

Paylaş:

Baxılıb: 532 dəfə