Kəlbəcər öz doğma sakinlərini və turistlərini qoynuna alacaq

Bakı:

19 °C

72 %

6 m/s

Əlaqə

AZ RU EN

Ana səhifə / YAP xəbərləri / Kəlbəcər öz doğma sakinlərini və turistlərini qoynuna alacaq

Kəlbəcər öz doğma sakinlərini və turistlərini qoynuna alacaq

25.11.2024 [16:15]

Rövşən Əhmədov,

YAP Ağcabədi rayon təşkilatının sədri

Ölkə Prezidenti, Silahlı Qüvvələrin Müzəffər Ali Baş Komandanı cənab İlham Əliyev noyabrın 25-də növbəti dəfə xalqa müraciət etdi: “Əziz həmvətənlər! Bu gün Kəlbəcər rayonu işğaldan azad olundu. Bu münasibətlə bütün Azərbaycan xalqını ürəkdən təbrik edirəm.

Bu Qələbəni bizə Ali Baş Komandanımızın rəhbərliyi ilə Azərbaycan Ordusu qazandırdı. Qələbə zəfəriniAli Baş Komandanımızın qətiyyəti, prinsipiallığı, Ordumuzun fədakarlığı və peşəkarlığı, dövlət-xalq birliyi sayəsində əldə etdik.

Vətən müharibəsində Azərbaycan 30 illik işğala 44 gündə son qoymaqla şanlı tarix yazdı. Məhz Ordumuzun bu böyük zəfəri, Prezident İlham Əliyevin qətiyyəti, həyata keçirdiyi güclü dövlət, güclü ordu strategiyası, hərbi qələbəni həm də siyasi qələbəyə çevirən diplomatik məharəti sayəsində düşməni kapitulyasiya aktına qol çəkməyə məcbur edərək çətin relyefə, sərt iqlimə, strateji yüksəkliklərə malik olan Kəlbəcəri döyüşsüz, itki vermədən geri qaytardıq.

Kəlbəcərin doğma sahiblərinə qayıtması həm xalqımızın, həm də kəlbəcərlilərin yaddaşına qızıl hərflərlə əbədi həkk olundu. Prezident İlham Əliyevin söylədiyi kimi, “İkinci Qarabağ müharibəsinin ilk günlərində döyüşlər gedən zaman Kəlbəcərin şimal hissəsi Azərbaycan Silahlı Qüvvələri tərəfindən işğalçılardan azad edilmişdir. Biz Kəlbəcərin şimal hissəsində strateji yüksəklikləri götürərək erməni silahlı qüvvələrinin hərəkətlərini bu istiqamətdə böyük dərəcədə məhdudlaşdıra bildik və faktiki olaraq onlar Basarkeçər-Kəlbəcər yolundan istifadə edə bilmədilər. Bəzi istiqamətlərdə strateji nöqtələri götürərək Ermənistan ordusunun hərəkətlərini demək olar ki, iflic vəziyyətə salmışdıq”.

10 noyabr 2020-ci il tarixli Üçtərəfli Bəyanata əsasən Kəlbəcər rayonu bir güllə atılmadan Azərbaycana təhvil verilmişdir. Vətən müharibəsində əldə etdiyimiz Qələbə nəticəsində imzalanmış üçtərəfli bəyanata əsasən, noyabrın 25-də Kəlbəcər rayonu Azərbaycana təhvil verilib. Kəlbəcər şəhəri də daxil olmaqla, rayonun 147 yaşayış məntəqəsi işğaldan azad edilib.

İndi işğaldan azad olunan digər rayonlarımız kimi Kəlbəcərə də yeni nəfəs gəlir. Dövlət başçısı bu rayonların yenidən dirçəldilməsi ilə bağlı mühüm tapşırıqlar verib. Kəlbəcərlə bağlı infrastruktur layihələri icra edilməyə başlayıb, rayona yeni yollar çəkilir, lazım olan yeni infrastruktur qurulur.

Bütün dünya gördü ki, Azərbaycan Prezidenti cənab İlham Əliyev tarix yazan Azərbaycan Ordusunun yanındadır. Qazilər ilə görüşdə “Mən hər zaman Sizin yanınızda olacağam”, xalqa müraciətində “Mən hər bir Azərbaycan vətəndaşının Prezidentiyəm” deyən Prezident İlham Əliyev, Füzuli və Cəbrayıl rayonlarına səfəri ilə, eyni zamanda, “Hər bir hərbçinin Ali Baş Komandanı” olduğunu aşkar şəkildə nümayiş etdirmiş oldu.

Bu gün Kəlbəcər böyük tikinti meydançasını xatırladır. Çox keçməyəcək ki, Azərbaycanın bu dilbər güşəsi öz dogma sakinlərini və turistləri qoynuna alacaq.

Paylaş:

Baxılıb: 500 dəfə