Çoxtərəflilik prinsipi əsasdır

Bakı:

26 °C

54 %

3 m/s

Əlaqə

AZ RU EN

Ana səhifə / YAP xəbərləri / Çoxtərəflilik prinsipi əsasdır

Çoxtərəflilik prinsipi əsasdır

28.10.2024 [15:13]

Əlişah Rəcəbov,

YAP Ağdaş rayon təşkilatının sədri

XVI BRICS Sammitinin “Outreach”/“BRICS+” formatının ilk plenar iclasında çıxış zamanı Prezident İlham Əliyev ölkəmizin beynəlxalq münasibətlərdə çoxtərəflilik prinsipinin fəal tərəfdarıdı olduğunu diqqətə çatdırdı. Ölkə başçısı bildirdi ki, bu, 2020-2023-cü illərdə Qoşulmama Hərəkatına sədrlik dövründə Azərbaycan tərəfindən əyani şəkildə nümayiş etdirilib. Dördillik sədrlik dövründə Qoşulmama Hərəkatı özünün institusional inkişafında böyük addım atıb, beynəlxalq münasibətlər sistemində öz yerini xeyli möhkəmləndirib. Hərəkata uğurlu sədrlik təcrübəsi bu gün ölkəmizə Asiyada Qarşılıqlı Fəaliyyət və Etimad Tədbirləri üzrə Müşavirənin hazırkı sədri qismində kömək edir.

Prezident İlham Əliyev çıxışında onu da diqqətə çatdırdı ki, öz coğrafi mövqeyindən istifadə edən və müasir infrastruktur yaradan Azərbaycan Avrasiyanın mühüm nəqliyyat və logistika mərkəzlərindən birinə çevrilib. “Şərq-Qərb” və “Şimal-Cənub” nəqliyyat dəhlizləri ölkəmizin ərazisindən keçir. Bu nəqliyyat yollarının Azərbaycan ərazisində olan bütün seqmentləri uğurla fəaliyyət göstərir. Hazırkı məqamda Azərbaycan ərazisindən yük axınının kəskin artmasını nəzərə alaraq, ölkəmiz bu dəhlizlərin ötürücülük imkanlarının artırılmasına əlavə vəsaitlər yatırır.

XVI BRICS Sammitinin “Outreach”/“BRICS+” formatının ilk plenar iclasında ölkə başçısının Azərbaycanın nəqliyyat-logistika imkanlarından bəhs etməsi ölkəmizlə əməkdaşlıq edəcək ölkələrin sayının artmasına, yeni əlaqələrinin qurulmasına gətirib çıxaracaq. Çünki BRICS çoxtərəfli siyasətləri əlaqələndirən vahid geosiyasi bloka çevrilib, həmçinin dünya əhalisinin təxminən yarısını və qlobal iqtisadiyyatın dörddəbirindən çoxunu təşkil edən nəhəng iqtisadi güc mərkəzinə çevrilib.

Ölkəmiz cari il iyulun 3-də Şanxay Əməkdaşlıq Təşkilatının Astanada keçirilən Zirvə toplantısı çərçivəsində “Azərbaycan Respublikası ilə Çin Xalq Respublikası arasında strateji tərəfdaşlığın qurulması haqqında Birgə Bəyannamə”də BRICS-ə daxil olmaq arzusu ifadə edilib və BRICS əməkdaşlığında Azərbaycanın iştirakı alqışlanıb. BRİCS-ə qoşulması ölkə iqtisadiyyatına əhəmiyyətli üstünlüklər gətirə bilər. Təşkilata üzvlüyün əsas aspektlərindən biri Azərbaycan malları üçün satış bazarlarının genişləndirilməsi imkanıdır. Rusiya, Çin, Hindistan və Braziliya kimi böyük iqtisadiyyatları olan BRİCS ölkələri xüsusilə enerji, kənd təsərrüfatı və emal sahələrində Azərbaycanın ixracına kömək edə bilər.

XVI BRICS Sammitinin “Outreach”/“BRICS+” formatının ilk plenar iclasında çıxış zamanı Prezident İlham Əliyev növbəti ay Bakıda ən böyük beynəlxalq iqlim konfransının – COP29-un keçiriləcəyini də diqqətə çatdırdı. Ölkə başçısı vurğuladı ki, təqribən 200 ölkənin COP29-un Azərbaycanda keçirilməsinə dair yekdil qərarı Azərbaycana hörmətin və dəstəyin parlaq sübutudur. Azərbaycan artıq Qlobal Cənub və Qlobal Şimal arasında iqlim üzrə əməkdaşlığa töhfə verir. Ölkəmiz həm iqlim dəyişikliyi ilə bağlı məsələlərdə, həm də qlobal təhlükəsizlik, beynəlxalq hüququn aliliyi, bir-birinin işlərinə qarışmamaq, qarşılıqlı hörmət məsələlərində qarşılıqlı anlaşmaya nail olunmasına səy göstərəcək.

Paylaş:

Baxılıb: 482 dəfə