İdmançılarınız böyük ehtimada layiqdirlər

Bakı:

29 °C

50 %

4 m/s

Əlaqə

AZ RU EN

Ana səhifə / YAP xəbərləri / İdmançılarınız böyük ehtimada layiqdirlər

İdmançılarınız böyük ehtimada layiqdirlər

19.08.2024 [15:57]

Bu gün idmanın inkişafına diqqət və qayğı Azərbaycanda həyata keçirilən dövlət siyasətinin əsas istiqamətlərindən biridir. İdmançılarımızın möhtəşəm qələbələri və ölkəmizdə keçirilən müxtəlif beynəlxalq yarışlar Azərbaycanı bir daha idman ölkəsi kimi təsdiqləyir. 1997-ci ildən etibarən Azərbaycan Milli Olimpiya Komitəsinin Prezidenti seçilmiş dövlət başçısı cənab İlham Əliyev gənclərin idmana cəlb olunması məsələsinə hər zaman xüsusi diqqət ayırır. Bu gün artıq Azərbaycan özünü bütün dünyada güclü idman dövləti kimi təsdiqləyib və bütövlükdə ölkəmizin dünya arenasında mövqeyi ildən-ilə möhkəmlənir.

Ölkə Prezidentinin cari ilin 14 avqust tarixində XXXIII Paris Yay Olimpiya Oyunlarında medal qazanmış Azərbaycan idmançılarının və onların məşqçilərinin qəbulu zamanı etdiyi çıxışında qeyd olundu ki, Azərbaycanın Olimpiya Oyunlarındakı uğurları əvvəlki illərdə də, son Oyunlarda da göstərir ki, ölkəmiz güclü idman dövlətidir. O cümlədən Azərbaycan idmançıları Paris Yay Olimpiya Oyunlarında da ölkəmizi ləyaqətlə təmsil etdilər və Azərbaycan Bayrağını yüksəyə ucaltdılar. Bu uğur bütün xalqımızı sevindirdi və qürurumuzu daha da artırdı. Olimpiya Oyunları bütün digər idman yarışları arasında xüsusi yer tutan bir yarışdır, dörd ildən bir keçirilən idman bayramıdır və əlbəttə ki, hər bir idmançı, hər bir ölkə bu Oyunlara xüsusilə hazırlaşır.

Cənab Prezident İlham Əliyev xüsusi olaraq qeyd etdi ki, bizim idmançılarımız ən yüksək qiymətə layiq olmalıdır. Müsəlman ölkələri arasında Azərbaycan üçüncü yerdə qərarlaşıb. Nəzərə alsaq ki, İslam Əməkdaşlıq Təşkilatında 57 üzv mövcuddur, bu, çox gözəl və tarixi nəticədir. Əlbəttə ki, biz daha çox medal qazana bilərdik. Amma idmanda qələbə də olur, məğlubiyyət də olur. Əsas odur bu Oyunlar bir daha göstərdi ki, Azərbaycanda idmanın inkişafı davamlı və ardıcıl surətdə gedir.

Bu gün ölkəmizdə ən çox yayılmış bir neçə idman növündə nəsillərin dəyişməsi, gənləşməsi prosesi gedir. Buna görə də dövlət başçısı növbəti Olimpiya Oyunlarına hazırlıq işlərinə məhz bu prizmadan yanaşmağın zəruriliyini qeyd etdi və xüsusilə uşaq-yeniyetmə idmanına bundan sonra daha çox diqqət göstərilməli olduğunu vurğuladı. Hazırda ölkəmizin hər bir yerində idmanla məşğul olmaq üçün gözəl şərait var. İdmana rəhbərlik edən qurumlar arasında koordinasiya işləri düzgün qurulub, federasiyalar, klublar uğurla fəaliyyət göstərirlər. Ölkəmizdə idmanın maddi-texniki bazasının möhkəmləndirilməsi istiqamətində tədbirlər ardıcıl və sistemli şəkildə həyata keçirilir. Əminliklə demək olar ki, bədən tərbiyəsi və idmanın inkişafı, bu sahənin maddi-texniki bazasının möhkəmləndirilməsi ilə əlaqədar həyata keçirilən məqsədyönlü tədbirlər bhundan sonra daha böyük uğurların təməlini qoyacaq.

David İbramxəlilov

YAP Qusar rayon təşkilatının sədri

Paylaş:

Baxılıb: 466 dəfə