İkitərəfli münasibətlər daha da möhkəmləndirilir

Bakı:

23 °C

71 %

12 m/s

Əlaqə

AZ RU EN

Ana səhifə / YAP xəbərləri / İkitərəfli münasibətlər daha da möhkəmləndirilir

İkitərəfli münasibətlər daha da möhkəmləndirilir

14.05.2024 [11:09]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Çoxşaxəli enerji siyasəti ilə regional və qlobal əhəmiyyətli aktora çevrilən Azərbaycanla əməkdaşlıq etmək istəyən dövlətlərin sayı durmadan artır. 2015-ci ildən strateji tərəfdaşlıqları uğurla davam edən Azərbaycanla Bolqarıstan əlaqələrində də son illərdə dinamik inkişaf müşahidə olunur. May ayının 8-də Bolqarıstan Respublikasının Prezidenti Rumen Radevin Azərbaycana rəsmi səfəri, iki ölkə rəhbərləri arasında yüksəksəviyyəli görüşlər dövlətlərarasındakı dostluq əlaqələrinin növbəti təzahürüdür.

Avropa ölkələri ilə enerji əməkdaşlığının genişləndirilməsinə xüsusi önəm verən ölkəmiz enerji potensialını düzgün qiymətləndirərək, təbii resurslarından səmərəli istifadə edərək, Bolqarıstana təbii qazın ixracını artırır. Təkcə ötən il 1 milyard 250 milyon kubmetr Azərbaycan qazı Bolqarıstan bazarına nəql edilib. Bu ilin sonuna qədər 1,5 milyard kubmetr Azərbaycan qazı Bolqarıstana ixrac ediləcək.

Bu gün yüksək səviyyədə icra olunan 2015-ci ildə Sofiyada ölkələrimiz arasında imzalanan Strateji tərəfdaşlıq haqqında Birgə Bəyannamə siyasi, iqtisadi, mədəni, humanitar sahələri əhatə etməklə çoxşaxəli inkişaf edir. Azərbaycan-Bolqarıstan münasibətlərinin təməli hesab edilən enerji tərəfdaşlığı iki ölkə arasındakı əməkdaşlığı daha da genişləndirir.

Hər iki ölkə rəhbərlərinin mətbuata bəyanatları zamanı dövlət başçımız bildirib ki, bu gün biz bir layihəni də müzakirə etdik, o da "yaşıl enerji" kabelidir. Bildiyiniz kimi, Azərbaycan tərəfdaş ölkələrlə, o cümlədən Bolqarıstanla bu istiqamətdə çox fəal iş aparır. Hesab edirik ki, bir neçə aydan sonra hazır olacaq texniki-iqtisadi əsaslandırma işlərin başlanması üçün gözəl zəmin olacaq. Beləliklə, Azərbaycan Avropa məkanı üçün təkcə neft-qaz təchizatçısı kimi deyil, eyni zamanda "yaşıl enerji" təchizatçısı kimi özünü göstərəcək. Potensial kifayət qədər genişdir və biz bu barədə eyni zamanda ilin sonunda COP29 konfransında da danışacağıq. Mən Prezident Radevi bu tədbirdə iştirak etmək üçün Azərbaycana dəvət etmişəm.

"Mən Prezident Əliyevlə yeddi ildən artıqdır ki, tanışam və bu dövr ərzində bizim çoxsaylı müzakirələrimiz olub. Mən onun cəsarətli baxışına şahidəm, ona çox gözəl bələdəm. O, Azərbaycanı dinamik şəkildə inkişaf etdirmək əzmindədir. "Yaşıl enerji" layihələri bunun bariz nümunəsidir. Bununla yanaşı, onun fəal diplomatiyası da imkan verdi ki, bu gün biz beynəlxalq səviyyədə sülh və təhlükəsizlik, sabitlik haqqında danışaq. Ona görə mənə heç də təəccüblü gəlmədi ki, Azərbaycan COP29 kimi olduqca mötəbər bir tədbirə ev sahibi seçildi. Biz Bolqarıstan olaraq o zaman Azərbaycanın namizədliyini qəti şəkildə dəstəklədik. Bu gün mən Prezident Əliyevə məlumat verdim ki, biz də öz növbəmizdə institusional və ekspert səviyyəsində COP29-a dəstək verməyə hazırıq". İki ölkə arasındakı uğurlu əməkdaşlığa yüksək qiymət verən Bolqarıstan Respublikasının Prezidenti Rumen Radevin söylədiyi bu fikirlər bir daha onu deməyə əsas verir ki, Azərbaycan və Bolqarıstan etibarlı strateji tərəfdaşdır, dostdur. Qarşılıqlı hörmət və etimad üzərində qurulmuş Azərbaycan-Bolqarıstan arasında ticarət, nəqliyyat, xüsusilə yük daşımaları, sərmayələr, yüksək texnologiyalar, turizm və digər sahələrin inkişafı üçün geniş perspektivlər ikitərəfli münasibətlərin daha da möhkəmləndirilməsinə vacib töhfə verəcək.

Paylaş:

Baxılıb: 483 dəfə